ମାର୍ଚ୍ଚ ୧୬ରେ ରାଜ୍ୟସଭା ନିର୍ବାଚନ । ନିର୍ବାଚନ ନେଇ ପ୍ରେସନୋଟ ଜାରି କଲେ ECI । ୧୦ ରାଜ୍ୟର ୩୭ ରାଜ୍ୟସଭା ଆସନ ପାଇଁ ହେବ ନିର୍ବାଚନ । ଓଡ଼ିଶାର ୪ ଆସନ ପାଇଁ ହେବ ନିର୍ବାଚନ । ଫେବୃଆରୀ ୨୬ ତାରିଖରେ ପ୍ରକାଶ ପାଇବ ବିଜ୍ଞପ୍ତି । ମାର୍ଚ୍ଚ ୫ ନାମାଙ୍କନ ଦାଖଲର ଶେଷ ତାରିଖ, ୬ରେ ଯାଞ୍ଚ । ମାର୍ଚ୍ଚ ୯ ନାମାଙ୍କନ ପ୍ରତ୍ୟାହାରର ଶେଷ ତାରିଖ । ମାର୍ଚ୍ଚ ୧୬ ତାରିଖ ସକାଳ ୯ରୁ ଅପରାହ୍ଣ ୪ ଯାଏଁ ଭୋଟ୍ ଗ୍ରହଣ।

ଅପରାହ୍ନ ୫ଟାରେ ହେବ ଭୋଟ୍ ଗଣତି । ଓଡ଼ିଶାର ୪ ରାଜ୍ୟସଭା ସାଂସଦଙ୍କ କାର୍ଯ୍ୟକାଳ ଏପ୍ରିଲ ୨ରେ ସରୁଛି । ମମତା ମହାନ୍ତ, ମୁନା ଖାନ୍, ସୁଜିତ୍ କୁମାର, ନିରଞ୍ଜନ ବିଶିଙ୍କ କାର୍ଯ୍ୟକାଳ ସରୁଛି।

The Election Commission of India has announced biennial elections to the Council of States (Rajya Sabha) to fill 37 seats from 10 states.
Date of polls- 16 March 2026. Counting of votes will take place on the same day as polling.#RSElections #ECI pic.twitter.com/7JR6iUPa7B

— Argus News (@ArgusNews_in) February 18, 2026

ଏପ୍ରିଲରେ ୧୦ ରାଜ୍ୟର ୩୭ ରାଜ୍ୟସଭା ଆସନ ଖାଲି ହେବାକୁ ଯାଉଛି । ଏହି ଖାଲି ଆସନଗୁଡ଼ିକ ମଧ୍ୟରେ ମହାରାଷ୍ଟ୍ରର ୭ଟି, ଓଡ଼ିଶାରେ ୪ଟି, ତାମିଲନାଡୁରେ ୬ଟି, ପଶ୍ଚିମବଙ୍ଗରେ ୫ଟି, ତେଲେଙ୍ଗାନାର ୨ଟି, ଆସାମର ୩ଟି, ବିହାରର ୬ଟି, ଛତିଶଗଡ଼ର ୨ଟି, ହରିୟାଣାର ୨ଟି ଆସନ, ହିମାଚଳ ପ୍ରଦେଶର ଗୋଟିଏ ଆସନ ରହିଛି ।

ସେପଟେ ବହୁ ପୂର୍ବରୁ ​​​​​​​ରାଜ୍ୟସଭା ନିର୍ବାଚନ ପାଇଁ ଆରମ୍ଭ ହୋଇଗଲାଣି ଅଙ୍କକଷା । ଖାଲି ହେବାକୁ ଥିବା ୪ଟି ଆସନରୁ ୩ଟି ଆସନକୁ ବେଶ ସହଜରେ ଭାଗବାଣ୍ଟି ନେବେ ଉଭୟ ବିଜେପି ଓ ବିଜେଡି। ହେଲେ ଚତୁର୍ଥ ଆସନ ପାଇଁ ରୋଚକ ହେବ ଓଡ଼ିଶା ରାଜନୀତି। ସଂଖ୍ୟା ନ ଥାଇ କଂଗ୍ରେସ ରାଜ୍ୟସଭା ଲଢେଇରେ ଏଣ୍ଟ୍ରି ମାରିବାକୁ ମନସ୍ଥ କରିଥିବାରୁ ଚତୁର୍ଥ ଆସନ କିଏ ଦଖଲ କରିବ ତାହା ସବୁଠୁ ବଡ ପ୍ରଶ୍ନ । ରାଜ୍ୟ ରାଜନୀତି ଦେଖିପାରେ ନୂଆ ସମୀକରଣକୁ ନେଇ ଚର୍ଚ୍ଚା ଧରିଛି ।

ଏଥିସହ ପଢ଼ନ୍ତୁ: ରାଜ୍ୟସଭା ନିର୍ବାଚନ ନେଇ ବିଜେପି ବିଧାୟକଙ୍କ ବଡ ବୟାନ,ଚତୁର୍ଥ ଆସନ ଅକ୍ତିଆର କରିବୁ

ସେପଟେ ରାଜ୍ୟସଭା ନିର୍ବାଚନ ନେଇ ବିଜ୍ଞପ୍ତି ପ୍ରକାଶ ପରେ ଜୋର ଧରିଲା ବୟାନ ବାଜି । ଚତୁର୍ଥ ଆସନ କୁ ବିଜେଡି- ବିଜେପି ଟଣା ଓଟରା । କଂଗ୍ରେସ ବି ଦଳ ଭିତରୁ ଆମେ ଜଣଙ୍କୁ ପ୍ରାର୍ଥୀ କରିବୁ।  ବିଜେଡି ବିଧାୟକ ଶାରଦା ଜେନା କହିଛନ୍ତି ବିଜେପି ବିଭିନ୍ନ ଗଣିତ କଶୁଛି । ତାଙ୍କ ଦଳ ଘୋଡ଼ା ବେପାର ରେ ବିଶ୍ୱାସ କରେ ସେଥିପାଇଁ ସେମାନେ ଚତୁର୍ଥ ଆସନ ଦାବି କରୁଛନ୍ତି । କିନ୍ତୁ ବିଜେଡି ଦୁଇଟି ଆସନ ସୁନିଶ୍ଚିତ ନେବ । ବିଜେଡି ଦୁଇ ଜଣ ପ୍ରାଥି ମଇଦାନକୁ ଓହ୍ଲାଇବ । ରାଜନୀତିର ଗଣିତ କେତେବେଳେ କଣ ହେବ କିଛି କହି ହେବନି । ମାତ୍ର ବିଜେଡି ସେ ଅଙ୍କ କଷିବା ରେ ମାହିର । ବିଜେଡି କେଉଁ ରଣନୀତି ଆପଣେଇଛି ନାମାଙ୍କନ ବେଳକୁ ଜାଣି ପାରିବେ । ନବୀନ ପଟ୍ଟନାୟକ ବରିଷ୍ଠ କନିଷ୍ଠ ସମସ୍ତ ଙ୍କୁ ନେଇ କି ଗଣିତ କଷିବାରେ ମାହିର। ସବୁ ଦିଗକୁ ବି ବିଚାର କରି ପ୍ରାର୍ଥୀ  ଦେବ ବିଜେଡି।

ବିଜେପି ବିଧାୟକ ଟଙ୍କଧର ତ୍ରିପାଠୀ ଓ ଅଶୋକ ମହାନ୍ତି କହିଛନ୍ତି ବିଜେପି ଏମିତି ପ୍ରାର୍ଥୀ ଦେବାକୁ ଯାଉଛି ତାହା ସମସ୍ତ ଙ୍କୁ ଆଶ୍ଚର୍ଯ୍ୟ ଓ ଖୁସି କରିବ। ଆମେ ଅଧିକ ଆସନ ଜିତିବୁ । ବିଜେଡି ବିନା ସଂଖ୍ୟା ରେ କେମିତି ଚତୁର୍ଥ ଆସନ ନେବ ସେ ଗଣିତ କୁହନ୍ତୁ । କେବଳ ବାହସ୍ପଟ କଥା କହୁଛନ୍ତି । ବିଜେଡିର ଦୁଇ ନିଲମ୍ବିତ ବିଧାୟକ କାହାକୁ ଭୋଟ ଦେଉଛନ୍ତି ଦେଖନ୍ତୁ । ବିଜେପି ଠିକ ଗଣିତ କସୁଛି ଆମ ଗଣିତ ଅନୁଯାୟୀ ଚତୁର୍ଥ ଆସନ ବିଜେପି ହିଁ ନେବ ।
ଏଥିସହ ପଢ଼ନ୍ତୁ: ରାଜ୍ୟସଭା ଆସନକୁ ନେଇ ବିଜେଡିରେ ଛକାପଞ୍ଝା, ଆସନ ଏକକୁ ଆଶାୟୀ ଏକାଧିକ

ସେହିପରି କଂଗ୍ରେସ ବିଧାୟକ ଦଳ ନେତା ରାମ ଚନ୍ଦ୍ର କାଡ଼ାମ କହିଛନ୍ତି କଂଗ୍ରେସ ନିଶ୍ଚିତ ଭାବେ ଗୋଟେ କ୍ୟାଣ୍ଡିଡେଟ ଦେବ । ଆମ ଦଳ ଭିତରୁ ଜଣଙ୍କୁ ପ୍ରାର୍ଥୀ କରିବୁ । ଆମ ସମସ୍ତ ବିଧାୟକ ଏକ ହୋଇ ପ୍ରାର୍ଥୀଙ୍କୁ ଜିତାଇବା ପାଇଁ ଚେଷ୍ଟା କରିବୁ । ପିସିସି ସଭାପତି କହିଛନ୍ତି ନବୀନଙ୍କୁ ଭେଟିବା ପାଇଁ । ବିଜେଡି ସହ ଆମ ସଭାପତି କଥା ହେବା ପରେ ଆହୁରି ସ୍ପଷ୍ଟତା ଆସିବ । ବିଜେଡି ସମର୍ଥନ ପାଇଁ ପ୍ରୟାସ କରିବା ପାଇଁ କିଛି ଅସୁବିଧା ନାହିଁ । ମିଳିତ ପ୍ରାର୍ଥୀ ପାଇଁ ପ୍ରୟାସ କରିବାରେ ବି କିଛି ଅସୁବିଧା ନାହିଁ ।