Ratna Bhandar Report / ସାର୍ବଜନୀନ ହେବ ନାହିଁ ରତ୍ନଭଣ୍ଡାର ଗଣତି ମଣତି ରିପୋର୍ଟ

ଶ୍ରୀମନ୍ଦିର ରତ୍ନଭଣ୍ଡାରର ଗଣତି-ମଣତି ସମ୍ପର୍କିତ ରିପୋର୍ଟ ସାର୍ବଜନୀନ କରାଯିବ ନାହିଁ । ସମ୍ପୂର୍ଣ୍ଣ ଗଣତି-ମଣତି ପ୍ରକ୍ରିୟା ଶେଷ ହେବା ପରେ ୧୯୭୮ ମସିହାର ତାଲିକାକୁ ଆଧାର କରି ନୂଆ ତାଲିକା ପ୍ରସ୍ତୁତ କରାଯିବ । ତେବେ ଏହି ତାଲିକା ପବ୍ଲିକ ଡୋମେନରେ ଉପଲବ୍ଧ ହେବ ନାହିଁ ବୋଲି ସ୍ପଷ୍ଟ କରିଛନ୍ତି ଆଇନ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ ।

ଆଇନ ମନ୍ତ୍ରୀଙ୍କ ସୂଚନା ଅନୁସାରେ, ଆସନ୍ତା ଦୁର୍ଗାପୂଜା ପରେ ରତ୍ନଭଣ୍ଡାରର ଗଣତି-ମଣତି ପ୍ରକ୍ରିୟା ଆରମ୍ଭ ହେବ । ଏହି ପ୍ରକ୍ରିୟା ଦୀର୍ଘ ସମୟ ଧରି ଚାଲିବ ଏବଂ ମାର୍ଗଶୀର ମାସ ପୂର୍ବରୁ ଏହାକୁ ସମାପ୍ତ କରାଯିବ ।

ଅଧିକ ପଢ଼ନ୍ତୁ: ମା’ଠାରୁ ଅଲଗା ହୋଇ ଗଭୀର ଚାପରେ ୫ ଓରାଙ୍ଗଉଟାନ୍, ଦିଆଯିବ ମ୍ୟୁଜିକ୍ ଥେରାପି

ରତ୍ନଭଣ୍ଡାରରେ ଥିବା ଅଳଙ୍କାର ଓ ମୂଲ୍ୟବାନ ସାମଗ୍ରୀର ଗଣତି-ମଣତି ଏକ ସମ୍ବେଦନଶୀଳ ଓ ଗୋପନୀୟ ପ୍ରକ୍ରିୟା । ତେଣୁ ଏହାର ସମ୍ପୂର୍ଣ୍ଣ ତଥ୍ୟ ସାଧାରଣ ଲୋକଙ୍କ ପାଇଁ ପ୍ରକାଶ କରାଯିବ ନାହିଁ । ରତ୍ନଭଣ୍ଡାରର ଗଣତି-ମଣତି ତାଲିକା ‘ରିଲ୍ସ’ ନୁହେଁ, ବରଂ ଏହା ଏକ ଗୁପ୍ତ ସେବାର ଅଂଶ ବୋଲି ଆଇନ ମନ୍ତ୍ରୀ କହିଛନ୍ତି ।

ସମ୍ପୂର୍ଣ୍ଣ ଗଣତି-ମଣତି ପ୍ରକ୍ରିୟା ଶେଷ ହେବା ପରେ ୧୯୭୮ ମସିହାରେ ପ୍ରସ୍ତୁତ ହୋଇଥିବା ତାଲିକା ସହ ତୁଳନା କରି ନୂଆ ତାଲିକା ପ୍ରସ୍ତୁତ ହେବ । ରତ୍ନଭଣ୍ଡାରର ସୁରକ୍ଷା ଓ ଗୋପନୀୟତାକୁ ଦୃଷ୍ଟିରେ ରଖି ଏହି ତଥ୍ୟ ସାର୍ବଜନୀନ ନକରିବାକୁ ନିଷ୍ପତ୍ତି ନିଆଯାଇଥିବା ସ୍ପଷ୍ଟ ହୋଇଛି ।