ନୟାଗଡ଼ ଜିଲ୍ଲାର ବାଣ୍ଠପୁର ଗ୍ରାମରେ ମୋବାଇଲ ନେଟୱର୍କ ସ୍ଥାପନ ପାଇଁ କେନ୍ଦ୍ରୀମନ୍ତ୍ରୀଙ୍କୁ କଲେ ଅନୁରୋଧ
ଅର୍ଗସ ବ୍ୟୁରୋ : ଭାରତୀୟ ଜନତା ପାର୍ଟିର ରାଷ୍ଟ୍ରୀୟ ପ୍ରବକ୍ତା ସମ୍ବିତ ପାତ୍ର ଆଜି ନୟାଗଡ଼ ଜିଲ୍ଲା ଅନ୍ତର୍ଗତ ଓଡଗାଁ ବ୍ଲକର ବାଣ୍ଠପୁର ଗ୍ରାମରେ ମୋବାଇଲ ନେଟୱର୍କ ସ୍ଥାପନ ପାଇଁ କେନ୍ଦ୍ରୀୟ ମନ୍ତ୍ରୀ ଶ୍ରୀ ଅଶ୍ଵିନୀ ବୈଷ୍ଣବଙ୍କୁ ଅନୁରୋଧ କରିଛନ୍ତି । ବାଣ୍ଠପୁରବାସୀ ବହୁଦିନ ହେବ ମୋବାଇଲ ଟାୱାର ପାଇଁ ଅସୁବିଧାର ସମ୍ମୁଖୀନ ହେଉଛନ୍ତି । ଏହି ସମସ୍ୟା ସମ୍ବନ୍ଧରେ ସ୍ଥାନୀୟ କାର୍ଯ୍ୟକର୍ତ୍ତା ଦ୍ଵାରା ସମ୍ବିତ ପାତ୍ର ଅବଗତ ହୋଇଥିଲେ ।
ପରବର୍ତ୍ତୀ ସମୟରେ ବାଣ୍ଠପୁରବାସୀ ଏହି ଅସୁବିଧାର ସମାଧାନ ପାଇଁ ଡ଼. ସମ୍ବିତ ପାତ୍ରଙ୍କ ନିକଟରେ ଦାବି ରଖିଥିଲେ । ଆଜି ଡ଼. ସମ୍ବିତ ପାତ୍ର ବାଣ୍ଠପୁରବାସୀଙ୍କ ଦାବି ରକ୍ଷା କରି ମାନନୀୟ କେନ୍ଦ୍ରମନ୍ତ୍ରୀ ଶ୍ରୀ ଅଶ୍ୱିନୀ ବୈଷ୍ଣବଙ୍କୁ ଦିଲ୍ଲୀରେ ସାକ୍ଷାତ କରି ନୟାଗଡ଼ ଜିଲ୍ଲାର ଓଡଗାଁ ବ୍ଲକର ବାଣ୍ଠପୁର ଗ୍ରାମରେ ମୋବାଇଲ ଟାୱାର ସ୍ଥାପନ କରିବା ପାଇଁ ଅନୁରୋଧ କରିଛନ୍ତି ।
ଅଧିକ ପଢନ୍ତୁ ଓଡ଼ିଶା ଖବର
📱 Get Argus News App
✨ମାନନୀୟ କେନ୍ଦ୍ରମନ୍ତ୍ରୀ ଯଥାଶୀଘ୍ର ବାଣ୍ଠପୁରରେ ମୋବାଇଲ ଟାୱାର ସ୍ଥାପନ କରାଯିବ ବୋଲି ଆଶ୍ୱାସନା ଦେବା ସହ ଟାୱାର ସ୍ଥାପନ କରିବା ପାଇଁ ପ୍ରକ୍ରିୟା ଆରମ୍ଭ କରିଛନ୍ତି । ଏହା ସହ ଡ଼ ସମ୍ବିତ ପାତ୍ରଙ୍କୁ ବାଣ୍ଠପୁରରେ ମୋବାଇଲ ଟାୱାର ସ୍ଥାପନ କରିବା ପାଇଁ ସମସ୍ତ ପ୍ରକାରର ସୁବିଧା ବିଭାଗ ତରଫରୁ ଯୋଗାଇ ଦିଆଯିବ ବୋଲି ପ୍ରତିଶୃତି ଦେଇଛନ୍ତି । ପୁରୀ ଲୋକସଭାବାସୀଙ୍କ ସୁବିଧା ଅସୁବିଧା ବିଷୟକୁ ନେଇ ସଦା ଦିଲ୍ଲୀ ଦରବାରରେ ଉପସ୍ଥାପନ କରୁଛନ୍ତି ଡ଼. ସମ୍ବିତ ପାତ୍ର ।