ଅର୍ଗସ ବ୍ୟୁରୋ : ସାଇବର ଲୁଟେରା ଗିରଫ । ଅଧିକ ଟଙ୍କା ପାଇବା ଲୋଭରେ ଠକାମିର ଶିକାର ହୋଇଥିଲେ ବଣିଆ ପଞ୍ଚାୟତର ନାରାୟଣ ସେଠୀ । ଫୋନ କଲରେ ଜଣେ ଯୁବକ ୫ ଲକ୍ଷ ଟଙ୍କା ଦେଲେ ୪ ଥରରେ ୨୦ ଲକ୍ଷ ଟଙ୍କା ଫେରାଇବା ନେଇ ନାରାୟଣଙ୍କୁ ଲୋଭ ଦେଖାଇଥିଲେ । ନାରାୟଣ ମଧ୍ୟ ୫ ଲକ୍ଷ ଟଙ୍କା ଦେଇଥିଲେ । ତେବେ ଠକାମି ନେଇ ଥାନାରେ ଅଭିଯୋଗ କରିବା ପରେ ପୋଲିସ ଲୁଟେରାଙ୍କୁ ଧରିବାରେ ସଫଳ ହୋଇଛି ।

ପରେ ଯେଉଁ ବ୍ୟକ୍ତି ଫୋନ କରିଥିଲେ ଦୁଇ ଜଣ ଯୁବକ ନାରାୟଣଙ୍କୁ ଭେଟି ତାଙ୍କ ପାଖରୁ ୫ ଲକ୍ଷ ଟଙ୍କା ନେଇ ଗୋଟେ ବାକ୍ସ ଦେଇ ଏଥିରେ ୨୦ ଲକ୍ଷ ଟଙ୍କା ଅଛି ବୋଲି କହି ପଲାଇ ଯାଇଥିଲେ । ପରେ ନାରାୟଣ ଏହି ବାକ୍ସଟି ଚାବି ଲାଗିଥିବା ଦେଖି ଫୋନ ଫୋନ ବନ୍ଦ ଥିବା ବେଳେ ବାକ୍ସକୁ ଖୋଲି ଦେଖିବାରୁ ଏଥିରୁ କିଛି ୧୦୦ ଟଙ୍କିଆ ରହିଥିଲା ଆଉ ବାକ୍ସଟି ସମ୍ପୂର୍ଣ୍ଣ ବାଲି ଗୋଡ଼ିରେ ଭର୍ତ୍ତି ଥିଲା ।

ଅଧିକ ପଢନ୍ତୁ ଓଡ଼ିଶା ଖବର

ସେ ଏସବୁ ଦେଖି ଗତ ୨୨ ତାରିଖ ଦିନ ଭଦ୍ରକ ସାବରଙ୍ଗ ଥାନରେ ଏକ ଲିଖିତ ଅଭିଯୋଗ କରିଥିଲେ । ସେହି ଅଭିଯୋଗକୁ ନେଇ ପୋଲିସ ତଦନ୍ତ କରି ଏହି ସ୍କାମରେ ସମ୍ପୃକ୍ତ ଥିବା ଦୋଳସାହି ଜିତାନଗା ଅଞ୍ଚଳର ବୁଲୁ ପତି ଓ କଟକ ମାହାଙ୍ଗା ଥାନା କାଉଡାଖୋଳ ଅଞ୍ଚଳର ପ୍ରିୟରଞ୍ଜନ ନାୟକ ନାମକ ଲୁଟେରାଙ୍କୁ ଧରିବାରେ ସଫଳ ହୋଇଥିଲା । ତାଙ୍କ ପାଖରୁ ନଗଦ ୨ ଲକ୍ଷ ୨୦ ହଜାର ଟଙ୍କା, ୪ ଟି ମୋବାଇଲ ଓ ଗୋଟିଏ ସ୍କୁଟି ଜବତ କରିବା ସହ ଆଜି କୋର୍ଟ ଚାଲାଣ କରିଛି ସାବରଙ୍ଗ ପୋଲିସ ।