Sambalpur Smart City / ସମ୍ବଲପୁର ସହର ଗଳିକନ୍ଦିରେ ଲାଗିବ AI କ୍ୟାମେରା; ଧର୍ମେନ୍ଦ୍ରଙ୍କ ପ୍ରଚେଷ୍ଟା ପାଇଁ ଧନ୍ୟବାଦ ଦେଲେ ସହରବାସୀ

ସମ୍ବଲପୁର ସହର ଗଳିକନ୍ଦିରେ ଲାଗିବ ଏଆଇ କ୍ୟାମେରା । ଛକ ମାନଙ୍କରେ ଲାଗିବ ଅତ୍ୟାଧୁନିକ ଟ୍ରାଫିକ ସିଷ୍ଟମ। ଏହା ସହ ବିବିନ୍ନ ଦିଗରେ ଏଆଇ କ୍ୟାମେରା ମନିଟରିଙ୍ଗ କରିବା ସହ ସ୍ମାଟ ସହର କରିବ । କେନ୍ଦ୍ର ଆବାସ ଓ ସହରାଞ୍ଚଳ ବ୍ୟାପାର ମନ୍ତ୍ରଳାୟ ପକ୍ଷରୁ ସମ୍ବଲପୁର କୁ ୧୦୩ କୋଟିର ପ୍ରକଳ୍ପ ଅନୁମୋଦନ ମିଲିଛି । ସେପଟେ ପ୍ରକଳ୍ପକୁ ଶୀଘ୍ର କାର୍ଯ୍ୟକାରୀ ପାଇ ଡିପିଆର ପ୍ରସ୍ତୁତି ଚାଲିଥିବା ବେଳେ ୬ ମାସ ମଧ୍ୟରେ ଟେଣ୍ତର ପ୍ରକିୟା ଆରମ୍ଭ ହେବ ।

• ସ୍ମାର୍ଟ ସିଟି ପାଲଟିବ ସମ୍ବଲପୁର

ସମ୍ବଲପୁର ସହରର ବିକାଶ ଧାରାରେ ଯୋଡ଼ି ହେବାକୁ ଯାଉଛି ଏକ ନୂଆ ଅଧ୍ୟାୟ । କେନ୍ଦ୍ର ଆବାସ ଓ ସହରାଞ୍ଚଳ ବ୍ୟାପାର ମନ୍ତ୍ରାଳୟ ପକ୍ଷରୁ ସମ୍ବଲପୁର ମହାନଗର ନିଗମ ପାଇଁ ୧୦୩ କୋଟି ଟଙ୍କାର ଇଣ୍ଟିଗ୍ରେଟେଡ୍ କମାଣ୍ଡ ଆଣ୍ଡ୍ କଣ୍ଟ୍ରୋଲ୍ ସେଣ୍ଟର ପ୍ରକଳ୍ପକୁ ଅନୁମୋଦନ ମିଳିଛି । ଏହି ପ୍ରକଳ୍ପ ଜରିଆରେ ସହରର ଗଳିକନ୍ଦି ଏବଂ ପ୍ରମୁଖ ଛକମାନଙ୍କରେ ଅତ୍ୟାଧୁନିକ ଏଆଇ କ୍ୟାମେରା ଓ ଟ୍ରାଫିକ୍ ନିୟନ୍ତ୍ରଣ ବ୍ୟବସ୍ଥା ଲାଗୁ କରାଯିବ ।

• ଗୋଟିଏ ଡିଜିଟାଲ୍ ପ୍ଲାଟଫର୍ମରେ ସହରର ସମସ୍ତ ବିଭାଗ

ସହରର ସମସ୍ତ ବିଭାଗ ଗୋଟିଏ ଡିଜିଟାଲ୍ ପ୍ଲାଟଫର୍ମରେ ସଂଯୋଗ ହୋଇପାରିବ । ଖରାପ ରାସ୍ତା, ଡ୍ରେନ୍ ସଫେଇ, ଷ୍ଟ୍ରିଟ୍ ଲାଇଟ୍, ବର୍ଜ୍ୟବସ୍ତୁ ସଂଗ୍ରହ, ପାର୍କ ଏବଂ ଶୌଚାଳୟ ଭଳି ବିଭିନ୍ନ ସମସ୍ୟା ଉପରେ ଶୀଘ୍ର ସମାଧାନର ବାଟ ବାହାରି ପାରିବ । ସେପଟେ ଦୁର୍ଘଟଣା, ଅଗ୍ନିକାଣ୍ଡ କିମ୍ବା ଅନ୍ୟାନ୍ୟ ଜରୁରୀକାଳୀନ ପରିସ୍ଥିତିରେ ପୋଲିସ, ଦମକଳ ଏବଂ ଆମ୍ବୁଲାନ୍ସ ସେବା ମଧ୍ୟରେ ତୁରନ୍ତ ସମନ୍ୱୟ ରକ୍ଷା କରାଯାଇପାରିବ । ପର୍ବପର୍ବାଣି କିମ୍ବା ବଡ଼ କାର୍ଯ୍ୟକ୍ରମଗୁଡ଼ିକରେ ଟ୍ରାଫିକ୍ ଏବଂ ସୁରକ୍ଷା ବ୍ୟବସ୍ଥାକୁ ଜିପିଏସ୍ ମାଧ୍ୟମରେ ନିୟନ୍ତ୍ରିତ କରାଯାଇପାରିବ ।

ପଢନ୍ତୁ ଏହି ଖବର: ସମ୍ବଲପୁରରେ ଜଳବନ୍ଦୀ ସମସ୍ୟାର ସ୍ଥାୟୀ ସମାଧାନ ପାଇଁ ସାଂସଦଙ୍କ ଅଧ୍ୟକ୍ଷତାରେ ଭର୍ଚ୍ଚୁଆଲ ବୈଠକ ଆୟୋଜିତ

• ୬ ମାସରେ ଟେଣ୍ଡର ପ୍ରକ୍ରିୟା

ଏହି ପ୍ରକଳ୍ପକୁ ଶୀଘ୍ର କାର୍ଯ୍ୟକାରୀ କରିବା ପାଇଁ ପ୍ରସ୍ତୁତ ଚାଲିଛି ଡିପିଆର । ଆଗାମୀ ୬ ମାସ ମଧ୍ୟରେ ଏହାର ଟେଣ୍ଡର ପ୍ରକ୍ରିୟା ଆରମ୍ଭ ହୋଇଯିବ ବୋଲି ପ୍ରଶାସନ ପକ୍ଷରୁ ସୂଚନା ଦିଆଯାଇଛି । ତେବେ ସହରକୁ ସ୍ୱଚ୍ଛ, ସୌନ୍ଦର୍ଯ୍ୟ ଏବଂ ସ୍ମାର୍ଟ କରିବା ପାଇଁ ସମ୍ବଲପୁର ସାଂସଦ ଧର୍ମେନ୍ଦ୍ର ପ୍ରଧାନଙ୍କ ପ୍ରଚେଷ୍ଟା ଏବଂ କେନ୍ଦ୍ର ସରକାରଙ୍କ ଏହି ସହଯୋଗ ପାଇଁ ସହରବାସୀ ଧନ୍ୟବାଦ ଜଣାଇଛନ୍ତି । ଦିନକୁ ଦିନ ବୃଦ୍ଧି ପାଉଥିବା ସହରୀକରଣ ଏବଂ ସମନ୍ୱୟର ଅଭାବକୁ ଦୂର କରି ସମ୍ବଲପୁରକୁ ଏକ ଆଧୁନିକ ତଥା ସ୍ମାର୍ଟ ସହର ଭାବେ ପରିଣତ କରିବାରେ ଏହି ମେଗା ପ୍ରକଳ୍ପ ଏକ ମାଇଲଖୁଣ୍ଟ ସାଜିବ ବୋଲି ଆଶା ରହିଛି ।