ଅର୍ଗସ ବ୍ୟୁରୋ : ବ୍ରହ୍ମପୁର ସହରର ସୁନାମଧନ୍ୟ ସମାଜସେବୀ ତଥା ସଂଗଠକ ଓ ଗତ ବିଧାନସଭା ନିର୍ବାଚନରେ ବ୍ରହ୍ମପୁର ବିଧାନସଭା ନିର୍ବାଚନ ମଣ୍ଡଳୀରୁ ଜାତୀୟ କଂଗ୍ରେସ୍ ଦଳ ପକ୍ଷରୁ ପ୍ରାର୍ଥୀ ହୋଇଥିବା ଶ୍ରୀ ଲିଙ୍ଗରାଜ ଚୌଧୁରୀଙ୍କର ବିୟୋଗରେ ବ୍ରହ୍ମପୁର ଠାରେ ଅନୁଷ୍ଠିତ ଶ୍ରଦ୍ଧାଞ୍ଜଳି ସଭାରେ ବହୁ ବିଶିଷ୍ଟ ବ୍ୟକ୍ତି ଯୋଗଦାନ କରି ତାଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ ।

ଅଖିଳ ଭାରତ ଭ୍ରଷ୍ଟାଚାର ବିରୋଧୀ ସଂଗଠନର ରାଜ୍ୟ କମିଟି ପକ୍ଷରୁ ବିରଷ୍ଠ ଆଇନ୍‌ଜୀବୀ ଆବାହକ ଶ୍ରୀ ସୁବ୍ରତ କୁମାର ନନ୍ଦ, ରାଜ୍ୟ ସାଧାଣ ସଂପାଦକ-ଶ୍ୟାମ ସୁନ୍ଦର ପଣ୍ଡା, ରାଜ୍ୟ ସଂଯୋଜକ- ଆଇନ୍‌ଜୀବୀ-ଶ୍ରୀ ସୁବାଶ ଦାସ, ରାୟଗଡା ଜିଲ୍ଲା ସଂଯୋଜକ-ଶ୍ରୀ ରାଧାକୃଷ୍ଣ ପଟ୍ଟନାୟକ ପ୍ରମୂଖ ଶ୍ରଦ୍ଧାଞ୍ଜଳି ସଭାରେ ଯୋଗଦେଇ ତାଙ୍କୁ ଶ୍ରଦ୍ଧାସୁମନ ଅର୍ପଣ କରିଥିଲେ ।

ଅଧିକ ପଢନ୍ତୁ ଓଡ଼ିଶା ଖବର

ଏହି ଶ୍ରଦ୍ଧାଞ୍ଜଳୀ ସମାରୋହରେ ପିସିସିର ପୂର୍ବତନ ସଭାପତି କଂଗ୍ରେସର ବରିଷ୍ଠ ନେତା ଶ୍ରୀ ନିରଞ୍ଜନ ପଟ୍ଟନାୟକ, ବିଜେପି ନେତା-ପୂର୍ବତନ ମନ୍ତ୍ରୀ ଶ୍ରୀ ଦେବାଶିଷ ନାୟକ, ରାଜ୍ୟ ସରକାରଙ୍କ ଆଇନ ପରାମର୍ଶଦାତା - ଆଡଭୋକେଟ୍ ଜେନେରାଲ - ଶ୍ରୀ ଅଶୋକ ପରିଜା, କଂଗ୍ରେସ ନେତା - ଶ୍ରୀ ଆର୍ଯ୍ୟ କୁମାର ଜ୍ଞାନେନ୍ଦ୍ର ପ୍ରମୂଖ ବହୁ ସମାଜସେବୀ, ଶିକ୍ଷାବିତ୍‌, ସାମ୍ବାଦିକ ଯୋଗଦାନ କରି ଶ୍ରଦ୍ଧାସୁମନ ଅର୍ପଣ କରିଥିଲେ ।

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV