Balianta Mob Lynching / ନ୍ୟାୟ ପାଇଁ ରାଜଧାନୀ ରାଜରାସ୍ତାରେ ମୃତ ସୌମ୍ୟଙ୍କ ବାପାମାଆ

ଭୁବନେଶ୍ଵର: ଡହ ଡହ ଖରାରେ କାନି ପତାଇ ନ୍ୟାୟ ଭିକ୍ଷା କରିଛନ୍ତି ବାଲିଅନ୍ତା ଭିଡ଼ ହିଂସାରେ ମୃତ୍ୟୁ ହୋଇଥିବା ସୌମ୍ୟଙ୍କ ମାଆ । ମୁଖ୍ୟମନ୍ତ୍ରୀଙ୍କ ଅଭିଯୋଗ ପ୍ରକୋଷ୍ଠରେ ଦାବି ଜଣାଇଛନ୍ତି ପରିବାର । ଆଉ ନିଲମ୍ବିତ ପୋଲିସଙ୍କ ବିରୋଧରେ ଫୌଜଦାରୀ ମାମଲା ରୁଜୁ କରିବାକୁ ଦାବି ହୋଇଛି ।

ଅଡ଼ଶପୁରରୁ ଲୋୟର ପିଏମ୍‌ଜି....ବାଲିଅନ୍ତା ଭିଡ଼ ହିଂସାରେ ମୃତ ସୌମ୍ୟଙ୍କୁ ନ୍ୟାୟ ଦେବା ପାଇଁ ରାଜରାସ୍ତାରେ ପୁରା ପରିବାର । ଡହ ଡହ ଖରାରେ କାନି ପତେଇ ନ୍ୟାୟ ମାଗିଛି ମାଆ । କାନ୍ଦ ବୋବାଳିରେ ଫାଟି ପଡ଼ିଛି ଧାରଣାସ୍ଥଳ ।

ଏଥିସହ ପଢ଼ନ୍ତୁ: ଘରେ ସ୍ତ୍ରୀକୁ ବନ୍ଧକ ରଖି ଦେଉଥିଲା ନିର୍ମମ ନିର୍ଯାତନା; ୪ ଘଣ୍ଟା ଧରି... 

ମୁଖ୍ୟମନ୍ତ୍ରୀଙ୍କ ଅଭିଯୋଗ ପ୍ରକୋଷ୍ଠରେ ଦାବି ଜଣାଇଛି ପୁରା ପରିବାର । ୭ ଦିନ ମଧ୍ୟରେ ଦିଆ ଯାଇଥିବା ଦାବି ପୂରଣ ନହେଲେ ପୁଣି ଥରେ ପ୍ରତିବାଦ ଜୋରଦାର କରିବାକୁ ଚେତାବନୀ ଦେଇଛନ୍ତି ସୌମ୍ୟଙ୍କ ମାଆ । ନିଲମ୍ବିତ ହୋଇଥିବା ପୋଲିସଙ୍କ ବିରୋଧରେ ଫୌଜଦାରୀ ମାମଲା ରୁଜୁ କରିବାକୁ ଦାବି ଜୋର ଧରିଛି ।

ବାଲିଅନ୍ତା ଭିଡ଼ ଭିତରେ ସୌମ୍ୟ ରଞ୍ଜନ ସ୍ବାଇଁଙ୍କୁ ପିଟିପିଟି ହତ୍ୟା ଘଟଣାକୁ ଆଜି ୨୪ଦିନ ପୁରିଛି । କ୍ରାଇମବ୍ରାଞ୍ଚ ଘଟଣାରେ ୧୭ ଜଣଙ୍କୁ ଗିରଫ କରିଛି । ଭାଇରାଲ ଭିଡିଓ ଆଧାରରେ ଆହୁରି ଅନେକ ଅଭିଯୁକ୍ତ ଚିହ୍ନଟ ହୋଇଛନ୍ତି । ସେମାନଙ୍କୁ ଖୁବଶୀଘ୍ର ଗିରଫ କରାଯିବ ବୋଲି କ୍ରାଇମବ୍ରାଞ୍ଚ କହିଛି । ପ୍

ପ୍ରଶ୍ନ ଉଠୁଛି କାହିଁକି କ୍ରାଇମବ୍ରାଞ୍ଚ ଭିଡ଼ ହିଂସା ମାମଲା ରୁଜୁ କରୁନାହିଁ ? କାହିଁକି ସୌମ୍ୟଙ୍କ ସାଙ୍ଗ ଓମ୍‌, ଦୁଇଜଣ ଯୁବତୀ ଓ ପୋଲିସର ମିଛ ଧରା ପରୀକ୍ଷା କରୁନାହିଁ? କାହିଁକି ନିଲମ୍ବିତ ହୋଇଥିବା ପୋଲିସମାନଙ୍କ ବିରୋଧରେ ମାମଲା ରୁଜୁ କରୁନାହିଁ କ୍ରାଇମବ୍ରାଞ୍ଚ ?

ଏଥିସହ ପଢ଼ନ୍ତୁ: ୪୦ଟି ଦେଶକୁ ପଠାଇଥିଲା ସୁଇସାଇଡ୍ ପ୍ୟାକେଟ୍; ମିଳିଲା ୧୦୦ ମୃତ୍ୟୁର ଲିଙ୍କ୍ 

ଗତ ମେ ୭ ତାରିଖରେ ରାଜଧାନୀ ଉପକଣ୍ଠ ବାଲିଅନ୍ତାରେ ପୋଲିସ ଆଖି ଆଗରେ ସୌମ୍ୟରଞ୍ଜନ ସ୍ଵାଇଁ ନାମକ ଜଣେ ଯୁବକକୁ ପିଟିପିଟି ହତ୍ୟା କରାଯାଇଥିଲା । ଏହି ଜଘନ୍ୟ ହତ୍ୟାକାଣ୍ଡ ସବୁ ସୀମା ଟପିଥିଲା । ଘଟଣାସ୍ଥଳରେ ପୋଲିସ ଉପସ୍ଥିତ ଥିଲେ ବି ରୋକି ପାରିନଥିଲା ।

ହାତଗୋଡ଼ ବାନ୍ଧି ଲୁହାରେ ଓଲଟା ଟଙ୍ଗାଇ ସଂଘବଦ୍ଧ ହୋଇ ଅତି ନିର୍ମମ ଭାବେ ରଡ୍, ଲାଠିରେ ପିଟିପିଟି ମାରିଦେଇଥିଲ ସୌମ୍ୟରଞ୍ଜନଙ୍କୁ । ମୃତ ସୌମ୍ୟରଞ୍ଜନ ରେଳବାଇରେ ଜଣେ କନେଷ୍ଟବଳ ଥିଲେ ।