ଖେଳାଳିଙ୍କ ସହ ରାଜ୍ୟ ସରକାରଙ୍କ ଖେଳ, ଶାନ୍ତି ଭୋଇ ସ୍ଥାନରେ ଲେଖିଦେଲେ ରାଜଲକ୍ଷ୍ମୀ
ଅର୍ଗସ ବ୍ୟୁରୋ : ଖେଳାଳିଙ୍କ ସହ ରାଜ୍ୟ ସରକାରଙ୍କ ଖେଳ । ଖେଳିବା ଆଗରୁ ହରାଇଦେଲା ସିଏଚଏସଇ ଓ ସରକାରୀ ଅଧିକାରୀ ଖାମଖିଆଲି ମନୋଭାବ । ବକ୍ସିଂ ଖେଳାଳିଙ୍କ ସହ ଖେଳ ଖେଳିଛି ସିଏଚଏସଇ । ଯାହାର ତଥ୍ୟ ଲାଗିଛି ଅର୍ଗସ ହାତରେ । ସୋନପୁର ସାନବର୍ଡାକଟା ଗାଁର ଶାନ୍ତି ଭୋଇ । ଶାନ୍ତି ଭୋଇ +୨ ରାଜ୍ୟ ସ୍ତରୀୟ ବକ୍ସିଂ ୪୫ KG ବର୍ଗରେ ଖେଳି ପ୍ରଥମ ହୋଇଥିଲେ । ଫଳରେ ସେ ଜାତୀୟ ସ୍ତରକୁ ଉନ୍ନୀତ ହୋଇଥିଲେ । କିନ୍ତୁ ସିଏଚଏସଇ ଜାତୀୟସ୍ତରକୁ ଯେଉଁ ଚିଠି ପଠାଇଛି, ସେଥିରେ ତାଙ୍କ ନାଁ ବଦଳରେ ଆଉ ଜଣଙ୍କ ନାଁ ରହିଛି ।
ଅଧିକ ପଢନ୍ତୁ ଓଡ଼ିଶା ଖବର
📱 Get Argus News App
✨୪୫ କେଜି ବଦଳରେ ୪୮ କରାଯାଇଛି । ବର୍ତ୍ତମାନ ବିନୋଦବିହାର ଇଷ୍ଟ ଦିଲ୍ଲୀରେ SGFI under 19 Girls National Boxing ହେଉଛି । ଫଳରେ ଜାତୀୟସ୍ତରରେ ଖେଳିପାରିନାହାନ୍ତି ଶାନ୍ତି। କେବଳ ସାର୍ଟିଫିକେଟ ଖଣ୍ଡେ ପାଇଁ ଏବେ ୫୧ କେଜି ବର୍ଗରେ ଖେଳିବାକୁ ଅନୁମତି ଦେଇଛନ୍ତି । ଏଠାରେ ପ୍ରଶ୍ନ ଉଠୁଛି ଏଭଳି ଅବହେଳା ପାଇଁ ଦାୟୀ କିଏ ? ଶାନ୍ତି ଭୋଇ ସ୍ଥାନରେ କିଏ ଲେଖିଲା ରାଜଲକ୍ଷ୍ମୀ ଭୋଳ । ଯୋଗ୍ୟ ବିବେଚିତ ହୋଇ କାହିଁକି ଖେଳିପାବନି ଶାନ୍ତି ଭୋଇ । ସିଏଚଏସଇ ବିଭାଗର ଦୋଷୀ କର୍ମଚାରୀଙ୍କ ବିରୋଧରେ କେବେ ହେବ କାର୍ଯ୍ୟନୁଷ୍ଠାନ ।