ଅର୍ଗସ ବ୍ୟୁରୋ : ସବୁକିଛି ଠିକ ଠାକ ଚାଲିଥିଲା ହଟାତ ଅଧାରରେ ବନ୍ଦ ହେଲା ମତଦାନ, ବୁଥ୍ ସମ୍ମୁଖରେ ଧାରଣାରେ ଭୋଟର । ଯେଉଁ ସମୟରେ ନିଜର ମତ ସାବ୍ୟସ୍ତ କରିବା ପାଇଁ ଧାଡିରେ ଠିଆ ହୋଇ ଭୋଟର ନିଜର ମତ ସାବ୍ୟସ୍ତ କରିଥାନ୍ତେ ସେହି ସମୟରେ ବୁଥ୍ ସମ୍ମୁଖରେ ଧାରଣାରେ ସହ ସହ ମହିଳା ଓ ପୁରୁଷ ଭୋଟର । ଏଭଳି ଘଟଣା ଦେଖିବାକୁ ମିଳିଛି ବୌଦ୍ଧ ଜିଲ୍ଲା କଣ୍ଟାମାଲ ନିର୍ବାଚନ ମଣ୍ଡଳୀ ମହେଶ୍ୱରପିଣ୍ଡା ୨୮ ନମ୍ବର ବୁଥରେ ।

ପୋଲିସର ଉପସ୍ଥିତିରେ କଡା ସୁରକ୍ଷାରେ ମତଦାନ ଚାଲିଥିଲା । କେହି କିଛି ଜାଣିବା ପୂର୍ବରୁ ହଟାତ ସେକ୍ଟର ଅଫିସର ସୁବ୍ରତ କୁମାର ମଲିକ ମତଦାନ କେନ୍ଦ୍ରକୁ ଯାଇ ପ୍ରିଜାଡିଙ୍ଗ ଅଫିସରଙ୍କୁ ମତଦାନ ବନ୍ଦ କରିବା ପାଇଁ ନିର୍ଦ୍ଦେଶ ଦେବା ସହ ତାଙ୍କୁ ସେଠୁ ଗାଡିରେ ବସାଇ ନେଇଗଲେ । ଯାହା ଫଳରେ ଉତେଜନା ଦେଖା ଦେଇଥିଲା ଏବଂ କେଉଁ କାରଣରୁ ଅଧାରେ ଭୋଟ ବନ୍ଦ କଲେ ବୋଲି ପ୍ରଶ୍ନ କରିବାରୁ ତାର ଉତ୍ତର ଦେଇନଥିଲେ ସେକ୍ଟର ଅଫିସର । ଖାଲି ସେତିକି ନୁହେଁ ସମାଧାନ ପାଇଁ ୫୭ନମ୍ବର ଜାତୀୟ ଅବରୋଧ କରିଥିଲେ ଭୋଟର ।

ଘଣ୍ଟା ଘଣ୍ଟା ରାସ୍ତା ଅବରୋଧ ହେଲା, ଉଭୟ ପାର୍ଶ୍ୱରେ ସହ ସହ ଗାଡି ମଟର ଅଟକି ରହିଲା ତଥାପି ସମାଧାନ ପାଇଁ କେହି ଉପରିସ୍ଥ ଅଧିକାରୀ ଆସିଲେ ନାହିଁ କି ସମାଧାନ ମଧ୍ୟ କଲେ ନାହିଁ l ଶେଷରେରେ ପୋଲିସ ସାଜିଲା ଗୁଣ୍ଡା ୧୦ରୁ ଅଧିକ ବ୍ଲାଙ୍କ ଫାଇରିଙ୍ଗ କରିବା ସହ ମାଡମାରି ରାସ୍ତା ଅବରୋଧ ପଣ୍ଡ କରିବା ସହ ବୁଥରୁ ବାକ୍ସ ମଧ୍ୟ ଜୋର ଜବରଦସ୍ତ ନେଲା ବେଳେ ପୋଲିସ ଓ ମହିଳା ମାନଙ୍କ ମଧ୍ୟରେ ଧସ୍ତାଧସ୍ତି ହେବା ସହ ପୋଲିସ ମହିଳାଙ୍କ ଉପରକୁ ଲାଠି ଚାଲନା କରି ଜୋର ଜବରଦସ୍ତ ଭୋଟିଙ୍ଗ ବାକ୍ସ ନେଇ ଚାଲିଗଲା । ଲାଠି ଚାଳନା ଯୋଗୁଁ ୩୦ରୁ ଉର୍ଦ୍ଧ ମହିଳା ଓ ପୁରୁଷ ଆହତ ହୋଇଥିବା ବେଳେ ପାଞ୍ଚ ଜଣ ମହିଳା ଗୁରୁତର ଅବସ୍ଥାରେ ପ୍ରଥମେ ମନମୁଣ୍ଡା ପରେ ଅଧିକ ଗୁରୁତର ହେବାରୁ ସନପୁର ମେଡିକାଲ ସ୍ଥାନାନ୍ତର କରାଯାଇଥିଲା ।

ସେପଟେ ବର୍ତ୍ତମାନ ମୋଦି ଲହର ପରିବର୍ତନ ନାରା ସବୁଠି ରହିଛି l ଯେହେତୁ ମହେଶ୍ୱରପିଣ୍ଡା ୨୮ ବୁଥରେ ବିଜେପି ସପକ୍ଷରେ ଅଧିକରୁ ଅଧିକ ମତଦାନ ହୋଇଥାନ୍ତା । ତେଣୁ ପୂର୍ବରୁ ବିଜେଡି ପୋଲିସ ଲଗାଇ ଏସବୁ ପ୍ରି ପ୍ଲାନିଙ୍ଗ କରି ଅଧାରେ ଭୋଟ ବନ୍ଦ କରିଥିବା ଅଭିଯୋଗ କରିଛନ୍ତି । ଆଉ ଏସବୁ ନାଟର ଗୋବର୍ଧନ ହେଉଛନ୍ତି ବୌଦ୍ଧ ଜିଲ୍ଲା ଜଳସେଚନ ବିଭାଗ ର କନିଷ୍ଠ ଯନ୍ତ୍ରୀ ଶ୍ରୀ ସୁବ୍ରତ କୁମାର ମଲିକ । ଯିଏ କି ଗତକାଲି ରକ୍ସା ଦହ୍ୟା ଗ୍ରାମ ପଞ୍ଚାୟତ ଅଞ୍ଚଳର ବିଭିନ୍ନ ବୁଥରେ ସେକ୍ଟର ଅଫିସର ଭାବେ କାର୍ଯ୍ୟ କରୁଥିଲେ । ବାବୁ ଜଣକ ବିଜେଡି ପ୍ରଚାର କରୁଥିବା ମଧ୍ୟ ଅଭିଯୋଗ କରିଛନ୍ତି ବିଜେପି ବିଧାୟକ ପ୍ରାର୍ଥୀ କହେଁଇ ଚରଣ ଡାଙ୍ଗ ।

ଅଧିକ ପଢନ୍ତୁ ଓଡ଼ିଶା ଖବର

ବାବୁ ଜଣକ ବିଜେଡି କର୍ମୀ ସାଜି ସବୁବେଳେ ଦୁର୍ନୀତି କରିବାରେ ସିଦ୍ଧସ୍ତ । ଖାଲି ସେତିକି ନୁହେଁ ନିଜ ସ୍ତ୍ରୀକୁ ବୌଦ୍ଧ ପଞ୍ଚାୟତ ମହାବିଦ୍ୟାଳୟରେ ଚାକିରୀ କରେଇବା ସହ ଅନେକ କେଳେଙ୍କାରୀ ବାବୁଙ୍କ ନାଁରେ ରହିଛି । ତଦନ୍ତ କଲେ ସାମ୍ନାକୁ ଆସିବ ବୋଲି କହିଛି ବିଜେପି । ତେବେ ବିଜେଡି ହାରିଯିବା ଭୟରେ ପୋଲିସ ଲଗାଇ ମହିଳା ମାନଙ୍କୁ ମାଡ ମାରିବା, କୌଣସି ସୂଚନା ନ ଦେଇ ଅଧାରେ ମତଦାନ ବନ୍ଦ କରିବା ଗଣତନ୍ତ୍ର ଉପରେ କୁଠାର ଘାଟ କରିବା କେତେଦୂର ଯୁକ୍ତିଯୁକ୍ତ ବୋଲି ସାଧାରଣରେ ଚର୍ଚ୍ଚା ଜୋର ଧରିଛି ।