ଅର୍ଗସ ବ୍ୟୁରୋ : ପ୍ରକାଶ ପାଇଥିବା ଓଡିଶା ନ୍ୟାୟ ପାଳିକା ସେବା ୨୦୨୨ର ଫଳାଫଳରେ ବାଲିପାଟଣା କିଆଯୋଡ଼ି ଗ୍ରାମର ଝିଅ ଦୀକ୍ଷା ରାଉତରାୟ ସଫଳତା ଲାଭ କରି ୧୯ ସ୍ଥାନ ଅଧିକାର କରିଛନ୍ତି । ଦୀକ୍ଷା ଆଇନରେ ସ୍ନାତକୋତ୍ତର ଡିଗ୍ରୀ ହାସଲ ପରେ ପ୍ରଥମ ପ୍ରୟାସରେ ଏହି ସଫଳତା ହାସଲ ହୋଇଛନ୍ତି । ପିଲାଦିନରୁ ଦୀକ୍ଷା ଅତ୍ୟନ୍ତ ମେଧାବୀ ଓ ଜଣେ ନିଷ୍ଠାପର ଛାତ୍ରୀ ଥିଲେ । 

ଅଧିକ ପଢନ୍ତୁ ଓଡ଼ିଶା ଖବର

ବାଲିପାଟଣା ବାଗଦେବୀ ମନ୍ଦିରରେ ସେ ପାଠ ପଢିବା ବେଳେ ତାଙ୍କର ଶିକ୍ଷା ପ୍ରତି ଆଗ୍ରହ ଜଣାପଡିଥିଲା । ସେ କହିଛନ୍ତି ପ୍ରାଥମିକ ଶିକ୍ଷାର ପ୍ରଭାବ ଭବିଷ୍ୟତରେ ପରିଲିକ୍ଷିତ ହୋଇଛି । ବାଗଦେବୀ ବିଦ୍ୟା ମନ୍ଦିର ଛାତ୍ରଛାତ୍ରୀଙ୍କ ଭବିଷ୍ୟତ ଗଢିବାରେ ମୁଖ୍ୟ ଭୂମିକା ଗ୍ରହଣ କରୁଛି । ଅନ୍ୟପଟେ ଏହି ବ୍ଲକ ଭାକର ସାହିର ଅପର୍ଣ୍ଣା ସାହୁ ମଧ୍ୟ ୩୧ନଂ ସ୍ଥାନ ଅଧିକାର କରିଛନ୍ତି । ଉଭୟଙ୍କ ସଫଳତା ଅଞ୍ଚଳବାସୀଙ୍କୁ ଗୌରବାନ୍ୱିତ କରିଛି ।