ପୁଣି ଥରେ ଚୌଦ୍ବାର ଜେଲର ସୁରକ୍ଷାରେ ଦେଖିବାକୁ ମିଳିଛି ବଡ଼ ତ୍ରୁଟି । ଗ୍ୟାଙ୍ଗଷ୍ଟାରକୁ ଆଣିବାକୁ ଜେଲ୍‌ ଭିତରକୁ ପଶିଲା ଥାର୍ ଗାଡ଼ି । ଆଉ ଫିଲ୍ମ ଷ୍ଟାଇଲରେ ରିଲ୍ସ କରି କୁଖ୍ୟାତ ଗ୍ୟାଙ୍ଗଷ୍ଟାରକୁ ଜେଲ୍‌ ଭିତରରୁ ସ୍ବାଗତ କରିଛନ୍ତି ଗ୍ୟାଙ୍ଗର ଅନ୍ୟ ସଦସ୍ୟମାନେ । ଯାହାର ଭିଡିଓ ଏବେ ଭାଇରାଲ ହେଉଛି ।

ଥାର୍‌ ଗାଡି ଧରି ଚୌଦ୍ବାର ଜେଲରୁ ବାହାରିଲେ ଗ୍ୟାଙ୍ଗଷ୍ଟର । କିଭଳି ଜଣେ ଅଭିଯୁକ୍ତ ଜେଲରୁ ବାହାରିଲା ବେଳେ ଥାର ଗାଡି ଜେଲ ଭିତରକୁ ଗଲା ତାକୁ ନେଇ ଉଠିଲା ବଡ଼ ପ୍ରଶ୍ନ I କୁଖ୍ୟାତ ଗ୍ୟାଙ୍ଗଷ୍ଟାର୍ ଧଳସାମନ୍ତର ରାଇଟ ହ୍ୟାଣ୍ଡ ଲିଟୁଆ ବେହେରା ବୋଲି କୁହାଯାଉଛି I

ଅଧିକ ପଢ଼ନ୍ତୁ: NEET ପାଇଁ ଲୋକସେବା ଭବନରେ ବଡ଼ ବୈଠକ, ଦାୟିତ୍ୱ ସଠିକ ଭାବେ ନିର୍ବାହ କରିବାକୁ ନିର୍ଦ୍ଦେଶ

ନିକଟରେ ଜେଲରୁ ଜଣେ ଅଭିଯୁକ୍ତ ଲିଟୁଆ ବେହେରା ଖଲାସ ହୋଇଥିଲେ । ଆଉ ତାକୁ ଆଣିବା ପାଇଁ ଧଳସାମନ୍ତ ଗ୍ୟାଙ୍ଗର ଅନ୍ୟ ସଦସ୍ୟମାନଙ୍କ ଥାର୍‌ ଗାଡ଼ି ଜେଲ୍ ଗେଟ୍ ଭିତରେ ପଶିଥିଲା । ଆଉ ପୂରା ଫିଲ୍ମ ଷ୍ଟାଇଲରେ ରିଲ୍ସ ଭିଡିଓ କରି କୁଖ୍ୟାତ ଗ୍ୟାଙ୍ଗଷ୍ଟାର ଲିଟୁଆକୁ ସ୍ବାଗତ ମଧ୍ୟ କରାଯାଇଥିଲା । ସବୁଠୁ ଆଶ୍ଚର୍ଯ୍ୟର କଥା ହେଉଛି ଚୌଦ୍ବାର ଜେଲ୍‌ ଭିତରକୁ କେମିତି ଗଲା ଥାର୍‌ ଗାଡ଼ି ? କୌଣସି ଯାଞ୍ଚ ଓ ଚେକିଂ ବିନା ଗାଡ଼ି କିଭଳି ଜେଲ୍‌ ପରିସରକୁ ଗଲା ତାକୁ ନେଇ ଉଠିଛି ବଡ଼ ପ୍ରଶ୍ନ ।