ଅର୍ଗସ ବ୍ୟୁରୋ : ଅନୁଗୁଳ ଜିଲ୍ଲା ବିଜେପିର ସାଙ୍ଗଠନିକ କର୍ମଶାଳା ଜିଲ୍ଲା ସଭାପତି ଡିଲେଶ୍ୱର ପ୍ରଧାନଙ୍କ ଅଧ୍ୟକ୍ଷତାରେ ଜିଲ୍ଲା କାର୍ଯ୍ୟାଳୟରେ ଅନୁଷ୍ଠିତ ହୋଇଯାଇଛି । ରାଜ୍ୟ ବିଜେପି ଉପ ସଭାପତି ତଥା ବରିଷ୍ଠ ପ୍ରବକ୍ତା ଗୋଲଖ ମହାପାତ୍ର ଉକ୍ତ କର୍ମଶାଳାରେ ଯୋଗଦେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଓଡ଼ିଶାରେ ୯୨ ପ୍ରତିଶତ ଲୋକ ପସନ୍ଦ କରୁଛନ୍ତି । ପ୍ରଧାନମନ୍ତ୍ରୀ ଆଜି ଦେଶ ନୁହେଁ ସମଗ୍ର ବିଶ୍ୱର ଅଦ୍ୱିତୀୟ ନେତା ଭାବେ ପରିଗଣିତ ହୋଇଛନ୍ତି । ମୋଦି ଓଡିଶାକୁ ଗରିବ କଲ୍ୟାଣର ପ୍ରୟୋଗ ଶାଳା କରିଛନ୍ତି, ମୋଦିଙ୍କ ଯୋଜନାରେ ଓଡିଶା ସବୁଠୁ ବେଶି ଲାଭର୍ଣ୍ଣିତ ବୋଲି ସେ କହିଛନ୍ତି ।

ଅନୁଗୁଳ ଜିଲ୍ଲାରେ ମୋଦି ସରକାର ଆସିବା ପରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ପ୍ରୟାସରେ ୯ ବର୍ଷ ମଧ୍ୟରେ ୬୦ ହଜାର କୋଟି ଟଙ୍କାରୁ ଉର୍ଦ୍ଧ୍ବ ଅନୁଦାନ ଦିଆଯାଇଛି । କିନ୍ତୁ ୨୩ ବର୍ଷର ଅପାରଗ ସରକାର ଆଜି ବିକାଶ କ୍ଷେତ୍ରରେ ବାଧକ ସାଜୁଛି, ମୋଦିଙ୍କ ଯୋଜନା କୁ ଠିକ ଭାବେ କ୍ରିୟାନୟନ କରୁନାହିଁ ବୋଲି ସେ କହିଛନ୍ତି । ବିଜେପି କାର୍ଯ୍ୟକର୍ତ୍ତା ମାନେ ଘର ଘର ବୁଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସରକାରର ତଥା କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କର ଅନୁଗୁଳ ଜିଲ୍ଲା ପାଇଁ ବିକାଶ ମୂଳକ କାର୍ଯ୍ୟକୁ ଘରେ ଘରେ ପହଞ୍ଚାଇବା ପାଇଁ ସେ କାର୍ଯ୍ୟକର୍ତ୍ତା ମାନଙ୍କୁ ଆହ୍ୱାନ ଦେଇଥିଲେ ।

ଅଧିକ ପଢନ୍ତୁ ଓଡ଼ିଶା ଖବର

ବିଜେପି ସଂଗଠନକୁ ବୁଥ ସ୍ତରରୁ ମଜବୁତ କରିବାକୁ ପରାମର୍ଶ ଦେଇଥିଲେ । ଉକ୍ତ କାର୍ଯ୍ୟକ୍ରମରେ ପ୍ରାକ୍ତନ ସାଂସଦ ରୁଦ୍ର ନାରାୟଣ ପାଣି ଯୋଗଦେଇ ସାଙ୍ଗଠନିକ ଆଲୋଚନା କରିଥିଲେ । ଅନ୍ୟ ମାନଙ୍କ ମଧ୍ୟରେ ଲୋକସଭା ସଂଯୋଜକ ପ୍ରେମାନନ୍ଦ ଜେନା, ରାଜ୍ୟ କାର୍ଯ୍ୟକାରିଣୀ ସଦସ୍ୟ ଅଶୋକ ମହାନ୍ତି, ପ୍ରତାପ ଚନ୍ଦ୍ର ପ୍ରଧାନ, ପ୍ରତିମା ମିଶ୍ର, ପ୍ରମୁଖ ଆଗାମୀ ଦିନରେ କାର୍ଯ୍ୟକ୍ରମ ଉପରେ ଆଲୋକପାତ କରିଥିଲେ । ଅନୁଗୁଳ ଜିଲ୍ଲାର ସମସ୍ତ ୫ ଟି ବିଧାନସଭାର ସଂଯୋଜକ, ପ୍ରଭାରୀ, ବିସ୍ତାରକ, ମଣ୍ଡଳ ପ୍ରଭାରୀ ଓ ଜିଲ୍ଲା କାର୍ଯ୍ୟ କାରିଣୀ ସଦସ୍ୟ , ମୋର୍ଚ୍ଚା ସଭାପତି ମାନେ ଯୋଗ ଦେଇଥିଲେ । ଅନୁଗୁଳ ନିର୍ବାଚନ ମଣ୍ଡଳୀରୁ କଂଗ୍ରେସ ଓ ବିଜେଡ଼ି ଛାଡି ବହୁ କାର୍ଯ୍ୟକର୍ତ୍ତା ବିଜେପିରେ ଯୋଗ ଦେଇଥିଲେ ।

Argus News | argus news | Odisha Latest News, Breaking News, Trending News, Live TV