Argus News - Olxରେ ଘର ଭଡ଼ା ଦେବାକୁ କହି ଠକେଇ କରୁଥିଲା ଯାଜପୁରର ଧୀରେନ୍ଦ୍ର ଜେନା

ଅର୍ଗସ ବ୍ୟୁରୋ : ସାଇବର ଥାନା ପୋଲିସ ହାତରେ ଚାଲାକ୍ ଠକ । Olxରେ ଘର ଭଡ଼ା ଦେବାକୁ କହି ଠକେଇ କରୁଥିବା ଯାଜପୁରର ଧୀରେନ୍ଦ୍ର ଜେନାକୁ ଗିରଫ କରିଛି ସାଇବର ଥାନା ପୋଲିସ । ଯାଜପୁରରେ ରହି ଭୁବନେଶ୍ବରର ଛାତ୍ର ଛାତ୍ରୀଙ୍କୁ ଏମାନେ ଟାର୍ଗେଟ କରୁଥିଲେ । ଧୀରେନ୍ଦ୍ରର ଅନ୍ୟ ସହଯୋଗୀମାନେ ଫେରାର ଥିବାବେଳେ ସେମାନଙ୍କୁ ଧରିବା ପାଇଁ ବିଭିନ୍ନ ସ୍ଥାନରେ ରେଡ୍ ଜାରି ରଖିଛି ସାଇବର ଥାନା ପୋଲିସ । 

ଅଧିକ ପଢନ୍ତୁ ଓଡ଼ିଶା ଖବର

୧୨ଟି ଅଭିଯୋଗକୁ କେନ୍ଦ୍ର କରି ଧିରେନକୁ ଗିରଫ କରାଯାଇଛି । ଏହି ଠକମାନେ ନିଜ ଆକାଉଣ୍ଟ ନ ଦେଇ ବିଭିନ୍ନ ଦୋକାନୀଙ୍କ ଆକାଉଣ୍ଟକୁ ମଗାଉଥିଲା ଟଙ୍କା । ୧୩ରୁ ଅଧିକ ଆକାଉଣ୍ଟ ଫ୍ରିଜ୍ କରିଛି ସାଇବର ପୋଲିସ । ସେହିପରି ପାଖାପାଖି ୫୦ହଜାରରୁ ଅଧିକ ଟଙ୍କା ଠକେଇ କରିଥିବା ତଦନ୍ତ ସମୟରେ ଜଣା ପଡିଛି । ଏହାସହ  ୮ଟି ସିମ କାର୍ଡ, ଦୁଇଟି ବ୍ୟାଙ୍କ ପାସବୁକ, ଗୋଟିଏ ଚେକ୍ ବୁକ୍, ଦୁଇଟି ଏଟିଏମ କାର୍ଡ ଏବଂ ପରିଚୟପତ୍ର ଜବତ ହୋଇଛି ।