ଅର୍ଗସ ବ୍ୟୁରୋ : ଖୁବ୍ ଶୀଘ୍ର ଆସିବ ବିଜେପିର ବିଧାନସଭା ପ୍ରାର୍ଥୀ ତାଲିକା । ବିଜେପି ରାଜ୍ୟ ପ୍ରଭାରୀ ବିଜୟ ପାଲ ସିଂ ତୋମାରଙ୍କ ସୂଚନା। ଓଡ଼ିଶାରେ ଏଥର ଡବଲ୍ ଇଞ୍ଜିନ୍ ସରକାର ହେବ। ରାଜ୍ୟରେ ବିଜେପି ଏକାକୀ ନିର୍ବାଚନ ଲଢ଼ିବ ଏବଂ ସରକାର ଗଢ଼ିବ ବୋଲି ତୋମାର ଦୃଢ଼ୋକ୍ତି କରିଛନ୍ତି । 

ଦଳର ପ୍ରାର୍ଥୀ ଚୟନ ନେଇ ରାଜ୍ୟ ଓ କେନ୍ଦ୍ର ନେତୃତ୍ବଙ୍କ ସହିତ ଆଲୋଚନା ହୋଇଛି ବୋଲି କହିଛନ୍ତି ତୋମାର । ଗୁରୁବାର ବିଳମ୍ବିତ ରାତିରେ ଦିଲ୍ଲୀରେ ବସିଥିଲା ବିଜେପି କୋର୍ କମିଟି ବୈଠକ । ଗୃହମନ୍ତ୍ରୀ ଅମିତ୍ ଶାହା ଓ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେ.ପି ନଡ୍ଡାଙ୍କ ଉପସ୍ଥିତିରେ ଓଡ଼ିଶା ସମ୍ପର୍କରେ ହୋଇଛି ମାନସ ମନ୍ଥନ । ଏହାପୂର୍ବରୁ କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଜାତୀୟ ଗଣମାଧ୍ୟମରେ ବୟାନ ଦେଇ କହିଥିଲେ, ଓଡ଼ିଶାରେ ବିଜେପିର ଶକ୍ତିଶାଳୀ ହେବାକୁ ଯାଉଛି । 

ଅଧିକ ପଢନ୍ତୁ ଓଡ଼ିଶା ଖବର 

ଓଡ଼ିଶାରେ ବଢ଼ିଛି ମୋଦିଙ୍କ ଲୋକପ୍ରିୟତା । ଉଭୟ ଲୋକସଭା ଏବଂ ବିଧାନସଭାରେ ବୃଦ୍ଧି ହେବ ସିଟ ସଂଖ୍ୟା । ରାଜନୈତିକ ବିଶାରଦଙ୍କ ଆକଳନ ଠାରୁ ବହୁ ଗୁଣ ଅଧିକ ଆସନ ଜିତିବ ବିଜେପି । ଏକା ଲଢିଲେ ବି ସରକାର ଗଢ଼ିବା ପାଇଁ ବିଜେପି ଓଡ଼ିଶାରେ ଲଢିବ ବୋଲି କହିଥିଲେ ଶାହ ।