ଅର୍ଗସ ବ୍ୟୁରୋ : ବାପାକୁ ବଟି ମାଗି ପୁଅ ଗିରଫ । କଟକ ଚାଉଳିଆଗଞ୍ଜ ପୋଲିସ ଦ୍ଵାରା ଦୁର୍ଦ୍ଦାନ୍ତ ଅପରାଧୀ ସତ୍ୟରଞ୍ଜନ ସାମଲ ଗିରଫ । ସତ୍ୟରଞ୍ଜନ ତା ବାପାଙ୍କୁ ଧମକ ଚମକ ଦେବା ସହ ୧୦ ଲକ୍ଷ ଟଙ୍କା ମାଗିଥିଲା । ଟଙ୍କା ନ ଦେବାରୁ ତାଙ୍କୁ ଆକ୍ରମଣ କରି ଅନଲାଇନ ମାଧ୍ୟମରେ କିଛି ଟଙ୍କା ମଧ୍ୟ ଜୋରଜବରଦସ୍ତ କରି ନେଇ ଯାଇଥିଲା । ଏହାପରେ ବାପା ସୁବାଷ ଚନ୍ଦ୍ର ସାମଲ ଥାନାରେ ଅଭିଯୋଗ କରିବା ସହ ଏତଲା ଦେଇଥିଲେ ।

ଚାଉଳିଆଗଞ୍ଜ ପୋଲିସ ସତ୍ୟରଞ୍ଜନକୁ ଗିରଫ କରିବା ସହ ୧୧୦ଦଫା ମଧ୍ୟ ଲଗାଇଛି । ତେବେ ତା ବିରୋଧରେ ବିଭିନ୍ନ ଥାନାରେ ଏକାଧିକ ମାମଲା ରହିଛି । ପୋଲିସର ସୂଚନା ଅନୁଯାୟୀ-ପୂର୍ବରୁ ସତ୍ୟରଞ୍ଜନ ନିଜକୁ ଡାକ୍ତର ପରିଚୟ ଦେଇ ଏକାଧିକ ଲୋକଙ୍କୁ ଠକିଛି । ଏହାସହ ବିଭିନ୍ନ ଯୁବତୀ ମାନଙ୍କୁ ଡାକ୍ତର ପରିଚୟ ଦେଇ ବିବାହର ପ୍ରତିଶ୍ରୁତି ଦେଇ ସେମାନଙ୍କ ଠାରୁ ଟଙ୍କା ଠକି ଗିରଫ ମଧ୍ୟ ହୋଇଛି ।

ଅଧିକ ପଢନ୍ତୁ ଓଡ଼ିଶା ଖବର

ଠକେଇ କରୁଥିବା ଟଙ୍କାରେ ଦାମି ଗାଡି ଚଢିବା ସହ ସୌଖିନ ଜୀବନ ଯାପନ ବିତଉଥିଲା ସେ । ତେବେ ତା ବାପା ସୁବାଷ ସାମଲଙ୍କ ଟଙ୍କା ମାଗିଥିଲା ସେ ନ ଦେବାରୁ ତାଙ୍କୁ ଘର ଭିତରେ ବନ୍ଦ କରି ରଖିବା ସହ ମାରଧର କରିଥିଲା । ବାପାର ଅଭିଯୋଗ କ୍ରମେ ପୋଲିସ ଗିରଫ କରି କୋର୍ଟ ଚାଲାଣ କରିଛି ।

Argus News | argus news | -Argusnews Home: Odisha Latest News, Breaking News, Trending News, Live TV and more