ଅର୍ଗସ ବ୍ୟୁରୋ : ଶିକ୍ଷକଙ୍କ ମାଡ଼ରେ ଛାତ୍ର ଆହାତ । ଏଭଳି ଘଟଣା ଦେଖିବାକୁ ମିଳିଛି ନୂଆପଡା ଜିଲ୍ଲା ଖଡ଼ିଆଳ ଥାନା ଅନ୍ତର୍ଗତ ଡୁଆଝର ମଧ୍ୟ ଇଂରାଜୀ ବିଦ୍ୟାଳୟରେ । ସରକାର ବିଦ୍ୟାଳୟକୁ ଦଣ୍ଡମୁକ୍ତ ଘୋଷଣା କରି ଛାତ୍ରଛାତ୍ରୀ ମାନଙ୍କୁ ଶିକ୍ଷାର ମୁଖ୍ୟ ଶ୍ରୋତରେ ସାମିଲ କରିବାକୁ ଉଦ୍ୟମ କରୁଥିବା ବେଳେ ଦଣ୍ଡ ମୁକ୍ତ ବିଦ୍ୟାଳୟରେ ଶିକ୍ଷକ ଛାତ୍ରଙ୍କୁ ମାଡ ମାରିଥିବାରୁ ଅସନ୍ତୋଷ ଦେଖାଦେଇଛି । ଛାତ୍ର ମୋହିତ ସରାଫ ପିତା ରାଜପତି ସରାଫଙ୍କ ଖଡ଼ିଆଳ ଥାନାରେ ଅଭିଯୋଗ କରିଛନ୍ତି ।

ଅଧିକ ପଢନ୍ତୁ ଓଡ଼ିଶା ଖବର

ସୋମବାର ବିଦ୍ୟାଳୟର ମଧ୍ୟାହ୍ନ ଭୋଜନ ପରେ ଛାତ୍ର ମୋହିତ ସରାଫ ଅନ୍ୟ ଛାତ୍ର ମାନଙ୍କ ସହ କ୍ରିକେଟ ଖେଳୁଥିବା ସମୟରେ ଅସାବଧାନତା ଯୋଗୁଁ ବଲ ଅନ୍ୟ ଆଡେ ଚାଲି ଯାଇଥିଲା । ଏଥିରେ ବିଦ୍ୟାଳୟର ଶିକ୍ଷକ ରାହୁଲ ତାଣ୍ଡି ରାଗିଯାଇ ମୋହିତ ସରାଫଙ୍କୁ ବାଡ଼ିରେ ବାଡ଼େଇଥିବାପ୍ରକାଶ କରିଛନ୍ତି । ଛାତ୍ର ମୋହିତ ସରାଫଙ୍କ ଶରୀରର ବିଭିନ୍ନ ସ୍ଥାନରେ ମାଡର ଦାଗ ମଧ୍ୟ ରହିଛି ।

ଛାତ୍ର ଜଣକ ଘରକୁ ଗଲା ପରେ ଗୁରୁତର ହେବାରୁ ପ୍ରାଥମିକ ଚିକିତ୍ସା ପରେ ସୁସ୍ଥ ହୋଇଥିଲେ । ବର୍ତ୍ତମାନ ଛାତ୍ର ଚାଲି ପାରୁନଥିବା ଦେଖା ଯାଉଛି । ଶିକ୍ଷକ ଜଣକ ଛାତ୍ର ମାନଙ୍କୁ ମାଡ ମାରିବା ନିତିଦିନିଆ ଘଟଣା ହୋଇଥିବା ବେଳେ ସୋମବାର ଦିନର ମାଡ ଗୁରୁତର ହେବାରୁ ଖଡ଼ିଆଳ ଥାନାର ଦ୍ୱାରସ୍ଥ ହୋଇଥିବା ଛାତ୍ରଙ୍କ ପରିବାର ରାଜପତି ସରାଫ ପ୍ରକାଶ କରିଛନ୍ତି ।

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV