Argus News - ତୃତୀୟ ଶ୍ରେଣୀ ଛାତ୍ରଙ୍କୁ ଦିଦି ମାଡ଼ ମାରିଥିବା ଅଭିଯୋଗ

ଅର୍ଗସ ବ୍ୟୁରୋ : ଶିକ୍ଷୟିତ୍ରୀଙ୍କ ମାଡ଼ରେ ଛାତ୍ର ଗୁରୁତର । ତୃତୀୟ ଶ୍ରେଣୀ ଛାତ୍ରଙ୍କୁ ଦିଦି ମାଡ଼ ମାରିଥିବା ଅଭିଯୋଗ । ଆସିକା ଥାନା  ମୁକୁନ୍ଦପୁର ଗ୍ରାମର ତୃତୀୟ ଶ୍ରେଣୀର ଛାତ୍ର ଆୟୁଷ ଜେନା ସ୍କୁଲ ଶିକ୍ଷୟତ୍ରୀଙ୍କ ମାଡ଼ରେ ଲହୁଲୁହାଣ ହୋଇଥିବା ଅଭିଯୋଗ ହୋଇଛି । ସାମାନ୍ୟ ଭୁଲକୁ ନେଇ ଦିଦି ଯସସ୍ମୀନି ପଟନାୟକ ମୁଣ୍ଡକୁ ବାଡେଇ ଥିବା ସୂଚନା ରହିଛି । 

ଛାତ୍ରଙ୍କ ମୁଣ୍ଡରେ ଗଭୀର ଆଘାତ ହୋଇଥିବା ସହ ଦେହରେ ବି ଆଘାତ ଲାଗିଛି ।  ଏପଟେ ଏହି ଘଟଣାକୁ ନେଇ ଛାତ୍ରଛାତ୍ରୀ ସ୍କୁଲ ସମ୍ମୁଖରେ ଧାରଣା ଦେଇଛନ୍ତି । ଗାଁ ଲୋକେ ମଧ୍ୟ ସ୍କୁଲ ସମ୍ମୁଖରେ ରୁଣ୍ଡ ହୋଇଥିବା ବେଳେ ଘଟଣାକୁ ନେଇ ଚାପା ଉତ୍ତେଜନା ଲାଗିରହିଛି । ଆୟୁଷଙ୍କ ଘର ଲୋକଙ୍କ ପକ୍ଷରୁ ଆସିକା ଥାନାରେ ଦିଦିଙ୍କ ନାମରେ ମାମଲା ରୁଜୁ କରାଯାଇଛି ।

ଓଡିଶା ଖବର ଆହୁରି ପଢନ୍ତୁ