ଅର୍ଗସ ବ୍ୟୁରୋ : ବାଲେଶ୍ବର ମୁଖ୍ୟ ଚିକିତ୍ସାଳୟର ପ୍ରସୂତି ବିଭାଗରେ ନବଜାତ ଶିଶୁ ପୁତ୍ର ଚୋରି ଘଟଣା । ମିଳିଲା ନିଖୋଜ ଶିଶୁ । ସିଟି ଡିଏସପି ଗାୟତ୍ରୀ ପ୍ରଧାନ ଘଟଣାର ତଦନ୍ତ କରୁଥିଲେ ନିଖୋଜ ଶିଶୁର ସନ୍ଧାନ ମିଳିଛି । 

ଅନ୍ୟପଟରେ ଅତିରିକ୍ତ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଛୁଆ ଚୋରି ନେଇ ପରିବାର ପକ୍ଷରୁ ଅଣାଯାଇଥିବା ଅଭିଯୋଗକୁ ଖଣ୍ଡନ କରିଛନ୍ତି । ମେଡିକାଲ ପକ୍ଷରୁ ତଦନ୍ତ କରାଯିବ ଏବଂ ଅଭିଯୁକ୍ତଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ନିଆଯିବ ବୋଲି ଜିଲ୍ଲା ମୁଖ୍ୟ ଚିକିତ୍ସାଧିକାରୀ କହିଛନ୍ତି ।

ଅଧିକ ପଢନ୍ତୁ ଓଡ଼ିଶା ଖବର

ସିସିଟିଭି ଫୁଟେଜ୍ ଆଧାରରେ ସଂପୃକ୍ତ ମହିଳାଙ୍କ ବିଷୟରେ ସୂଚନା ପାଇ ପୋଲିସ ତାଙ୍କୁ ବିଳମ୍ବିତ ରାତିରେ ଧରିଥିଲା । ଏଥିସହ ତାଙ୍କ ନିକଟରୁ ଶିଶୁ ପୁତ୍ରଟିକୁ ପୋଲିସ୍ ଉଦ୍ଧାର କରି ମେଡିକାଲରେ ଭର୍ତ୍ତି କରିଛି । ତନାଘନାରୁ ଜଣାଯାଇଛି, ମହିଳା ଜଣକ ନିଜ ଶିଶୁକନ୍ୟାର ଚିକିତ୍ସା କରାଇବା ଲାଗି ମେଡିକାଲ ଆସିଥିଲେ । ଏହି ସମୟରେ ସେ ମେଡିକାଲରେ ଏକ ଶିଶୁପୁତ୍ରକୁ ଦେଖି ନିଜ ଝିଅକୁ ତା ସ୍ଥାନରେ ରଖି ଶିଶୁପୁତ୍ରକୁ ନେଇ ଚାଲିଯାଇଥିଲେ ।