ଅର୍ଗସ ବ୍ୟୁରୋ : ଆଗକୁ ଆସୁଛି ଆଲୋକର ପର୍ବ ଦୀପାବଳି l ସେନେଇ ପ୍ରତ୍ୟେକ ଓଡ଼ିଆ ଘରେ ଦ୍ଵୀପ ଜାଳିବା ସହିତ ବେଶ ଆନନ୍ଦିତ ଭାବେ ପାଳନ କରିଥାନ୍ତି ଏହି ପର୍ବକୁ l ତେବେ ପୂର୍ବ ଭଳି ଦ୍ଵୀପର ଚାହିଦା ଆଉ ନାହିଁ l କାରଣ ଲିଚୁ , ମହମବତୀ ଓ ରଙ୍ଗୀନ ଲାଇଟ ମାଟି ଦୀପର ଚାହିଦାକୁ ବୁଡ଼େଇ ଦେଉଛି l ତଥାପି କିଛି କୁମ୍ଭକାର ନିଜର କୌଳିକ ବୃତ୍ତି କୁ ଏବେବି ଆପଣେଇଛନ୍ତି l

ଏ ହେଉଛି କଟକ ଜିଲ୍ଲା ମାହାଙ୍ଗା ବ୍ଲକ ଲଳିତଗିରି ପଞ୍ଚାୟତ ଜେରକନ୍ଦ ଗ୍ରାମ l ଏଠାରେ ୨୦ ରୁ ଉର୍ଦ୍ଧ କୁମ୍ଭକାର ପରିବାର ନିଜର କୌଳିକ ବୃତ୍ତି ନେଇ ବଞ୍ଚି ଆସିଛନ୍ତି l ସବୁ ପୂଜା ପର୍ବ ପୂର୍ବରୁ ସମସ୍ତ ପ୍ରକାରର ମାଟିର ତିଆରି ସାମଗ୍ରୀ ତିଆରି କରି ବିକ୍ରୀ କରିଥାନ୍ତି ଏହି କୁମ୍ଭକାର ପରିବାର l ଏବଂ ସେଥିରୁ ଯେତିକି ରୋଜଗାର ହୁଏ ସେଥିରେ ତାଙ୍କ ପରିବାରର ଗୁଜୁରାଣ ମେଣ୍ଟିଥାଏ l ପୂର୍ବରୁ ଜଣେ କାରିଗର ୫/୭ ହଜାର ଟଙ୍କାର ଦୀପ ବିକ୍ରି କରୁଥିଲେ ଏହି ଦୀପାବଳୀ ପର୍ବରେ l ହେଲେ ଏବେ ସେତିକି ବିକ୍ରି ହେଉନାହିଁ l ଏବେ ଲୋକେ ଲିଚୁ , ମହମବତୀ ଓ ବିଭିନ୍ନ ପ୍ରକାରର ରଙ୍ଗୀନ ଲାଇଟ୍ ଉପରେ ଗୁରୁତ୍ବ ଦେଉଛନ୍ତି l ତେଣୁ ମାଟି ଦୀପର ଚାହିଦା ଧୀରେ ଧୀରେ କମିଯାଇଛି l ପୂର୍ବରୁ ଯେଉଁ ଭଳି ଭାବେ ଦୀପାବଳି ପାଳନ କରୁଥିଲେ ଲୋକେ ତାହା ଏବେ ଫିକା ପଡ଼ିଯାଇଛି l ଲୋକେ ପୂର୍ବରୁ ଘର ପିଛା ୫୦୦/୬୦୦ ଦ୍ଵୀପ ନେଇ କୋଠା ଘରର ଛାତ ହେଉ କି ବାଲକୁନି କିମ୍ବା ଦୁଆର ମୁହଁ ରେ ଜାଳୁ ଥିଲେ ଦ୍ଵୀପ l ଏବେ ୧୦/୨୦ ଦ୍ଵୀପ ରେ ଦୀପାବଳି ପର୍ବକୁ ପାଳନ କରୁଛନ୍ତି ଲୋକେ l

ଦୀପାବଳୀ ପୂର୍ବରୁ ଏହି ଜେରକନ୍ଦ ଗ୍ରାମକୁ ଅନେକ ବ୍ୟବସାୟୀ ମାନେ ବିଭିନ୍ନ ଜାଗାରୁ ଆସି ଦ୍ଵୀପ ନେଇଥାନ୍ତି ବେପାର ପାଇଁ । ହେଲେ ଦୁଇ ବର୍ଷ ହେବ ବେପାରୀଙ୍କ ଦେଖା ନାହିଁ l ଏବେ ପ୍ଲାଷ୍ଟିକ ଦ୍ଵୀପ , ଲିଚୁ ଲାଇଟ, ରଙ୍ଗୀନ ଲାଇଟ ଓ ମହମବତୀ ଉପରେ ଲୋକେ ବେଶୀ ଗୁରୁତ୍ଵ ଦେଉଛନ୍ତି l ମାଟି ଦ୍ଵୀପ ପ୍ରତି ଲୋକମାନେ ଆଗଭଳି ପଚାରୁ ନାହାଁନ୍ତି l ଯେଉଁଥିପାଇଁ ଏବେ କୁମ୍ଭକାର ମାନେ ଚିନ୍ତାରେ ରହୁଛନ୍ତି l

ଓଡିଶା ଖବର ଆହୁରି ପଢନ୍ତୁ

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV