ମହାରାଷ୍ଟ୍ରରେ ପାଣି ଟାଙ୍କି ଭୁଶୁଡି ତିନି ଜଣ ଦାଦନ ଶ୍ରମିକଙ୍କ ମୃତ୍ୟୁ

ଅର୍ଗସ ବ୍ୟୁରୋ :  ପୁଣିଥରେ ଗଞ୍ଜାମରୁ ଆସିଲା ଦାଦନ ଯନ୍ତ୍ରଣାର କରୁଣ ଚିତ୍ର  । ମହାରାଷ୍ଟ୍ରର ପୁନେରେ ପାଣିଟାଙ୍କି ଭୁଶୁଡି ଗଞ୍ଜାମର ତିନିଜଣ ଦାଦନ ଶ୍ରମିକଙ୍କ ମୃତ୍ୟୁ ହୋଇଛି । ସୂଚନା ମୁତାବକ ପୁନେର ଏନସିସି ଲିମିଟେଡ଼ କମ୍ପାନୀରେ କାର୍ଯ୍ୟରତ ଶ୍ରମିକ ମାନେ ପାଣି ଟାଙ୍କି ଭୁଶୁଡି ପଡିବାରୁ ସାତଜଣ ଠିକା ଶ୍ରମିକ ମୃତ୍ୟୁ ବରଣ କରିଥିଲେ l ସାତଜଣଙ୍କ ମଧ୍ୟରୁ ବିହାର ରାଜ୍ୟର ଚାରିଜଣ ହୋଇଥିବା ବେଳେ ଓଡିଶାର ତିନି ଜଣ ଶ୍ରମିକ ମୃତ୍ୟୁବରଣ କରିଛନ୍ତି ।

ଅଧିକ ପଢନ୍ତୁ ଓଡିଶା ଖବର

ଏହି ଘଟଣାଟି ଗତ 24ତାରିଖରେ ଘଟିଥିବା ବେଳେ ମୃତ୍ୟକଙ୍କ ଶବ ନିଜ ଗ୍ରାମକୁ ଆସିବାପରେ ଏକ ଶୋକକୁଳ ପରିବେଶରେ ଗ୍ରାମ ମଶାଣିରେ ଦାହା କରାଯାଇଥିଲା l କାମ କରୁଥିବା ସଂସ୍ଥା ପକ୍ଷରୁ କ୍ଷତିପୂରଣ ବାବଦରେ ଦଶ ଲକ୍ଷଟଙ୍କା ଓ ଶୁଦ୍ଧି କାର୍ଯ୍ୟ ପାଇଁ ଏକ ଲକ୍ଷ ଟଙ୍କା ମୃତକ ପରିବାରକୁ ଦିଆଯାଇଥିବା କହିଛନ୍ତି lଅନ୍ୟପଟେ ସ୍ଥାନୀୟ ବିଧାୟକ କୃଷ୍ଣଚନ୍ଦ୍ର ନାୟକ ଆଜିମୃତ ଦୁଇପରିବାରଙ୍କୁ ଭେଟି ସମବେଦନା ଜଣାଇଛନ୍ତି l