କେନ୍ଦ୍ରାପଡ଼ା: ଜାମିନ୍ ପାଇଲେ ତିଖିରୀ ସରପଞ୍ଚ । କେନ୍ଦ୍ରାପଡ଼ା SJDM କୋର୍ଟ ଦେଲେ ଜାମିନ୍ । ତିଖିରୀର ଚର୍ଚ୍ଚିତ ସରପଞ୍ଚ ଚାମେଲି ଓଝାଙ୍କୁ ଜାମିନ୍ ମିଳିଛି । ପୋଲିସକୁ ଆକ୍ରମଣ ମାମଲାରେ ଚାମେଲି ଓଝାଙ୍କୁ ଜାମିନ୍ ପ୍ରଦାନ କରିଛନ୍ତି କେନ୍ଦ୍ରାପଡ଼ା SDJM ।

୩୦ ହଜାର ଟଙ୍କା ଓ ୨ ଜାମିନ୍‌ଦାରଙ୍କ ବଦଳରେ ମିଳିଲା ଚାମିଲ୍ ଓଝାଙ୍କୁ ଜାମିନ୍ ମିଳିଛି । ତିଖିରୀ ସରପଞ୍ଚ ଚାମେଲି ଓଝାଙ୍କ ଜାମିନ ଆବେଦନ ପାଇଁ ମଙ୍ଗଳବାର ମେଡିକାଲରେ ପହଞ୍ଚିଥିଲେ ତାଙ୍କ ଓକିଲ ରମାକାନ୍ତ କାନୁନଗୋ ।

ଏଥିସହ ପଢ଼ନ୍ତୁ: କେନ୍ଦ୍ରାପଡ଼ା ସରପଞ୍ଚ ଚାମେଲିଙ୍କୁ ଗିରଫ ଘଟଣା: ପ୍ରତିକ୍ରିୟା ରଖିଲେ ଆଇନମନ୍ତ୍ରୀ, ରିପୋର୍ଟ ଆସିଲେ ନିଆଯିବ ଆକ୍ସନ 

ପୂର୍ବରୁ ଚାମେଲିଙ୍କୁ କୋର୍ଟ ଚାଲାଣ ଦିନ ତାଙ୍କର ସ୍ୱାସ୍ଥ୍ୟାବସ୍ଥା ଭଲ ନଥିଲା । ତେଣୁ ଜାମିନ ପାଇଁ ଚାମେଲି କିଛି ତଥ୍ୟ ଦେଇପାରିନଥିଲେ । ମଙ୍ଗଳବାର ଚାମେଲିଙ୍କ ସହ ତାଙ୍କ ଓକିଲ ଆଲୋଚନା କରିବା ପରେ ଜାମିନ୍ ଆବେଦନ କରିଥିଲେ । କେନ୍ଦ୍ରାପଡ଼ା SDJM କୋର୍ଟ ଚାମିଲ୍ ଓଝାଙ୍କୁ ଜାମିନ୍ ଦେଇଛନ୍ତି ।

ଗତ ୧୧ ତାରିଖ ଦିନ ଚାମେଲିଙ୍କ ମୋବାଇଲ ମହାକାଳପଡ଼ା ପୋଲିସ ଛଡ଼ାଇ ନେଇଥିବାର ଅଭିଯୋଗ କରିଥିଲେ ନିଜେ ଚାମେଲି । ମୋବାଇଲରେ ଅନେକ କିଛି ଭିଡିଓ ଥିବା ନେଇ ସେ ବାରମ୍ବାର ଦାବି କରି ଆସୁଥିଲେ ।

ତେବେ ୫ ଦିନ ପରେ ପୋଲିସ ଚାମେଲିଙ୍କ ମୋବାଇଲ୍ ଫୋନ୍ ଫେରାଇ ଦେଇଥିବା ଚାମେଲିଙ୍କ ବାପା ସୂଚନା ଦେଇଛନ୍ତି । ଦୋଷୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଦାବି କରିଛନ୍ତି ଚାମେଲିଙ୍କ ବାପା ନିରଞ୍ଜନ ଓଝା ।

ଗତ ୧୦ ତାରିଖରେ ମହାକାଳପଡ଼ା ବ୍ଲକ ପରିସରରେ ବିଡିଓଙ୍କୁ ଚାମେଲି ଦୁର୍ବ୍ୟବହାର କରିଥିବା ଅଭିଯୋଗ ହୋଇଥିଲା । ଯାହା ପରେ ପୋଲିସ ଚାମେଲିଙ୍କୁ ଉଠାଇ ନେଇଥିବା ବେଳେ ତାଙ୍କ ମୋବାଇଲ୍ ଛଡ଼ାଇ ନିଆଯାଇଥିବା ଅଭିଯୋଗ କରିଥିଲେ । ବିଡିଓ ଦେଇଥିବା ଏତଲା ଆଧାରରେ ଚାମେଲିଙ୍କୁ ଗିରଫ କରିଥିଲା ପୋଲିସ ।

ଏଥିସହ ପଢ଼ନ୍ତୁ: ଗିରଫ ହେଲେ ଚର୍ଚ୍ଚିତ ସରପଞ୍ଚ ଚାମେଲି ଓଝା, ବିଡ଼ିଓ ଏବଂ ପୋଲିସକୁ ଚାମେଲି ଦୁର୍ବ୍ୟବହାର କରିଥିବା ଅଭିଯୋଗ ହୋଇଥିଲା 

ହେଲେ ଚାମେଲି ଓଝା ଦେଇଥିବା ଏଫ୍ଆଇଆର୍ ଆଧାରରେ ମାମଲା ରୁଜୁ କରାଯାଇ ନଥିବା ଅଭିଯୋଗ ହୋଇଛି । ଚାମେଲି ଏତଲାରେ ବିଡିଓ, ପୋଲିସ ଅଧିକାରୀଙ୍କ ନାଁ ଉଲ୍ଲେଖ କରିଥିବା ବେଳେ ଏଫ୍ଆଇଆର୍‌ରେ ବିଡିଓ ଓ ପୋଲିସ କର୍ରଚାରୀଙ୍କ ନାଁ ନଥିବା ନେଇ ପ୍ରଶ୍ନ ଉଠିଛି ୟ ଚାମେଲା ଓଝାଙ୍କ ମାମଲାରେ ଜାତୀୟ ମାନବାଧିକାର କମିଶନରେ ପହଞ୍ଚିଛି ।