Toshali Mela / ସପିଂରୁ ଖାଦ୍ୟ ପର୍ଯ୍ୟନ୍ତ ସବୁକିଛି; ୯୦୫ ଷ୍ଟଲ୍ ସହ ଆରମ୍ଭ ହେଲା ବଡ଼ ମେଳା

ବୁଣାକାର ଓ କାରିଗରଙ୍କ ପାଇଁ ଲାଗିଲା ସମୃଦ୍ଧିର ମହାକୁମ୍ଭ । ଜୀବନ, ଜୀବିକାକୁ ନୂଆ ଦିଗ ଦେଖାଇବ ତୋଷାଳୀ ସ୍ଵଦେଶୀ ମେଳା ୨୦୨୬ । ଏହି ମେଳା ଆସନ୍ତା ଆସନ୍ତା ୨୬ ତାରିଖ ଯାଏଁ ଅନୁଷ୍ଠିତ ହେବ । ମେଳାରେ ସୁନ୍ଦର ତୋରଣ ସାଙ୍ଗକୁ ବିଭିନ୍ନ ଥିମର କାରୁକାର୍ଯ୍ୟ ସମସ୍ତଙ୍କ ମନ ମୋହିଛି । ଜନତା ମଇଦାନରେ ଆୟୋଜିତ ହୋଇଛି ଏହି ମେଳା । ପ୍ରଥମ ଥର ତୋଷାଳୀ ମେଳାରେ ଦେଶୀ ଜିନିଷକୁ ଗୁରୁତ୍ଵ ଦିଆଯାଇଛି । ଖୁବ ସୁନ୍ଦର ଭାବେ ସଜ୍ଜିତ ହୋଇଛି ୩ଟି ପାଭେଲିୟନ, ଯେଉଁଥିରେ ରେଶମ ଘର, ହସ୍ତଶିଳ୍ପ ଘର, ହସ୍ତତନ୍ତ ଓ ବୟନଶିଳ୍ପକୁ ଆପଣ ପାଖରୁ ଦେଖିବାକୁ ପାଇବେ । ରେଶମ ପୋକରୁ କିପରି ସୂତା ଓ କପଡା ତିଆରି ହୁଏ, ତାର ପୁରା ପ୍ରକ୍ରିୟା ଦର୍ଶକଙ୍କୁ ମେଳାରେ ପ୍ରତ୍ୟକ୍ଷ ଭାବେ ଦର୍ଶାଯାଉଛି । ସେହିପରି ରାଜ୍ୟର ଭିନ୍ନ ଭିନ୍ନ ହସ୍ତତନ୍ତ ମଧ୍ୟ ମେଳାର ଶୋଭା ବର୍ଦ୍ଧନ କରିଛି ।

• ରାଜ୍ୟ ବାହାରୁ ଆସିଛନ୍ତି ବ୍ୟବସାୟୀ

ଚଳିତ ଥର ରାଜ୍ୟ ବାହାରୁ ନିଜ ସମାଗ୍ରୀ ଧରି ଅନେକ ବ୍ୟବସାୟୀ ଏଠାକୁ ଆସିଛନ୍ତି । ସମ୍ବଲପୁରୀ ଶାଢ଼ୀ, ସିଲ୍କ କଲିକତା ଶାଢ଼ୀ, ଆସାମୀ ସାଲୱାର , ଦକ୍ଷିଣରୁ କାଞ୍ଜିବରମ୍, ସିଲ୍କ ପାଟ ଶାଢ଼ୀ ମହିଳାଙ୍କୁ ବେଶ ଆକର୍ଷିତ କରୁଛି । ଓଡିଶାରୁ ଭଲ ବ୍ୟବସାୟ ହେବା ନେଇ ଆଶା ରଖିଛନ୍ତି ରାଜ୍ୟ ବାହାରୁ ଆସିଥିବା ବ୍ୟବସାୟୀ ।

ପଢନ୍ତୁ ଏହି ଖବର: ପର୍ଯ୍ୟଟକଙ୍କୁ ଆକୃଷ୍ଟ କରୁଛି ପୁରୀ ଜିଲ୍ଲା; ଦ୍ଵିତୀୟ ପସନ୍ଦ ପାଲଟିଲା କୋଣାର୍କ

• ମନ ମୋହୁଛି ସୂତା, ପାଟ ଶାଢୀ

ସେହିପରି ଓଡ଼ିଆ ଓ ଓଡିଶା ବାହାରୁ ଆସିଥିବା ଗ୍ରାହକଙ୍କ ମନ ମୋହୁଛି ସମ୍ବଲପୁରୀ ସୂତା ଶାଢୀ ଓ ପାଟ । ଯାହାର ମୂଲ୍ୟ ୩୦୦୦ରୁ ନେଇ ୩୦,୦୦୦ ଟଙ୍କା ଥିବା ବ୍ୟବସାୟୀମାନେ କହିଛନ୍ତି । ଓଡ଼ିଶା ସମେତ ଦେଶର ୨୦ଟି ରାଜ୍ୟର କାରିଗର, ବୁଣାକାରମାନେ ଏହି ମେଳାକୁ ଆସିଛନ୍ତି । ଗ୍ରାହକଙ୍କୁ ଆକୃଷ୍ଟ କରିଲା ଭଲି ଶାଢୀରୁ ନେଇ ଘର ସଜା ଜିନିଷ ପର୍ଯ୍ୟନ୍ତ ସବୁ ଷ୍ଟଲ୍ ଲାଗିଛି । ଓଡ଼ିଶା ଲୋକଙ୍କ ହାତ ତିଆରି ମାଟି ପାତ୍ର, ପୁନଃ ବ୍ୟବହାର ଉପକରଣ, ଓଡ଼ିଆ ଖାଦ୍ୟପେୟ ସହ ପିଲାମାନଙ୍କ ପାଇଁ ଅନେକ କିଛି ଖେଳଣା ଜିନିଷର ଷ୍ଟଲ୍ ରହିଛି ।

• ସନ୍ଧ୍ୟା ହେଲା ମାନେ ଜମୁଛି ଗ୍ରାହକଙ୍କ ଭିଡ଼

ମେଳାର ଦ୍ଵିତୀୟ ଦିନରେ ଗ୍ରାହକଙ୍କ ଭିଡ ବେଶ ଦେଖିବାକୁ ମିଳିଛି । ଖାସ୍ କରି ମହିଳାମାନଙ୍କୁ ମେଳାର ଥିମ୍ ବେଶ ଆକର୍ଷିତ କରୁଛି । ହସ୍ତତନ୍ତ ଓ ହସ୍ତଶିଳ୍ପର କାରୁକାର୍ଯ୍ୟ ହୋଇଥିବା ଅନେକ ସମାଗ୍ରୀ ଲୋକଙ୍କୁ ପସନ୍ଦ ଆସିଛି । ଏହାସହ ମେଳାରେ ଆସୁଥିବା ଶିଶୁମାନଙ୍କୁ ନେଇ ବୟସ୍କ ଲୋକଙ୍କ ପାଇଁ ସ୍ଵତନ୍ତ୍ର ରେଷ୍ଟ ରୁମ ମଧ୍ୟ କରାଯାଇଛି । ଭୁବନେଶ୍ବରରେ ଲାଗୁଥିବା ବିଭିନ୍ନ ମେଳା ମଧ୍ୟରୁ ତୋଷାଳୀକୁ ରାଜଧାନୀବାସୀ ବେଶ ଅପେକ୍ଷା କରିଥାନ୍ତି । ଗ୍ରାହକଙ୍କ ମତ ଏହି ମେଳାର ମଜା ସନ୍ଧ୍ୟାରେ ଦ୍ୱିଗୁଣିତ ହେଉଛି । ଏହି ମେଳା ହସ୍ତଶିଳ୍ପ ଉନ୍ନତି ଏବଂ ଓଡ଼ିଶାର ପ୍ରଗତିରେ ସହାୟକ ହେବ ବୋଲି ଆଶା କରାଯାଉଛି ।

ଅଧିକ ଖବର ପଢନ୍ତୁ...