ଜେଜେ ଆଗରେ ଚାଲିଗଲା ନାତିର ଜୀବନ । ଜେଜେ ଆଗରେ ନାତିକୁ ଘୋଷାରି ନେଲା ବୋଲେରୋ । ଏଭଳି ଏକ ହୃଦୟବିଦାରକ ଘଟଣା ଘଟିଛି ପୁରୀ ବଡ଼ଦାଣ୍ଡରେ । ପୁରୀ ବଳଗଣ୍ଡି ଛକରେ ଘଟିଛି ଦୁର୍ଘଟଣା । ସ୍କୁଟିକୁ ଘୋଷାଡି ନେଇଥିଲା ବୋଲେରୋଟି । ବୋଲେରୋ ଧକ୍କାରେ ସ୍କୁଟିରେ ଜଣେ ନାବାଳକର ମୃତ୍ୟୁ ହୋଇଥିବାବେଳେ ଦୁଇ ଜଣ ଗୁରୁତର ହୋଇଛନ୍ତି । ସେମାନଙ୍କ ଚିକିତ୍ସା ଜାରି ରହିଛି । ମୃତ ନାବାଳକ ଟାଉନ ଥାନା ଅଞ୍ଚଳର ଶ୍ରେୟାନ୍ସ ଦେ ।

ଅଧିକ ପଢ଼ନ୍ତୁ: ଉନ୍ନୟନ କମିଶନର ଭାବେ ଦାୟିତ୍ୱ ନେଲେ ବରିଷ୍ଠ IAS ଅଫିସର ଦେଓରଞ୍ଜନ ସିଂ

ନାବାଳକଙ୍କ ମୃତ୍ୟୁ ପରେ ଘଟଣାସ୍ଥଳରେ ଉତ୍ତେଜନା ଲାଗି ରହିଛି । ବଡ଼ଦାଣ୍ଡରେ ଶବ ରଖି ରାସ୍ତାରୋକ କରିଛନ୍ତି ଉତ୍ତ୍ୟକ୍ତ ଲୋକେ । ପୋଲିସ ପହଞ୍ଚି ତଦନ୍ତ କରୁଛି । ଦୁର୍ଘଟଣାଗ୍ରସ୍ତ ଗାଡି ଜବତ ହେବା ସହ ଡ୍ରାଇଭରକୁ ଥାନାରେ ଅଟକ ରଖାଯାଇଛି ।

ଅଧିକ ପଢ଼ନ୍ତୁ: କୁହୁଡ଼ି ପାଇଁ ଚିଲିକାରେ ଦିନ ୧୧ଟା ପର୍ଯ୍ୟନ୍ତ ଡଙ୍ଗା ଚଳାଚଳ ବନ୍ଦ

ସୂଚନା ଅନୁସାରେ, ଆଜି ସକାଳେ ଟାଉନ ଥାନା କୁମୁଟିସାହୀ ଅଞ୍ଚଳର ଜଣେ ବ୍ୟକ୍ତି ତାଙ୍କ ନାତି ଓ ଅନ୍ୟ ଜଣେ ପିଲାକୁ ସ୍କୁଟିରେ ନେଇ ବଡ଼ଦାଣ୍ଡରେ ମେଡିକାଲ ଛକ ଆଡୁ ଆସୁଥିଲେ । ଆଉ ଏହି ସମୟରେ ଭକ୍ତ ସାଲବେଗ ମନ୍ଦିର ନିକଟରେ ପଛ ଆଡ଼ୁ ଆସୁଥିବା ବୋଲେରୋ ଧକ୍କା ଦେଇଥିଲା । ସ୍କୁଟିକୁ ବଳଗଣ୍ଡି ଛକ ପର୍ଯ୍ୟନ୍ତ ଘୋଷାଡି ନେଇଥିଲା ଫଳରେ ଘଟଣାସ୍ଥଳରେ ଶ୍ରୀୟାନ୍ସଙ୍କ ମୃତ୍ୟୁ ହୋଇଥିଲା । ଅନ୍ୟ ଦୁଇଜଣ ଗୁରୁତର ଆହତ ହୋଇ ପୁରୀ ସଦର ହସ୍ପିଟାଲରେ ଭର୍ତ୍ତି ହୋଇଛନ୍ତି ।

ପୁରୀ ଜିଲ୍ଲା ବଳଗଣ୍ଡି ଛକରେ ଘଟିଥିବା ଦୁଃଖଦ ଦୁର୍ଘଟଣାରେ ଶ୍ରେୟାଂଶ ଦେ (ପିତା - ନିରଞ୍ଜନ ଦେ) ଙ୍କର ପ୍ରାଣହାନି ସମ୍ପର୍କରେ ଜାଣି ମୁଖ୍ୟମନ୍ତ୍ରୀ ଶ୍ରୀ @MohanMOdisha ଗଭୀର ଶୋକ ପ୍ରକାଶ କରିବା ସହ ତାଙ୍କ ପରିବାର ବର୍ଗଙ୍କ ପ୍ରତି ସମବେଦନା ଜଣାଇଛନ୍ତି। ଏଥିସହ ମୃତକଙ୍କ ପରିବାରର ନିକଟତମ ଆତ୍ମୀୟଙ୍କ ପାଇଁ ମୁଖ୍ୟମନ୍ତ୍ରୀ ରିଲିଫ…

— CMO Odisha (@CMO_Odisha) January 2, 2026

ପୁରୀ ଜିଲ୍ଲା ବଳଗଣ୍ଡି ଛକରେ ଘଟିଥିବା ଦୁର୍ଘଟଣାରେ ଶୋକ ବ୍ୟକ୍ତ କଲେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ। ଗଭୀର ଶୋକ ପ୍ରକାଶ କରିବା ସହ ତାଙ୍କ ପରିବାର ବର୍ଗଙ୍କ ପ୍ରତି ସମବେଦନା ଜଣାଇଛନ୍ତି । ଏଥିସହ ମୃତକଙ୍କ ପରିବାରର ନିକଟତମ ଆତ୍ମୀୟଙ୍କ ପାଇଁ ମୁଖ୍ୟମନ୍ତ୍ରୀ ରିଲିଫ ପାଣ୍ଠିରୁ ୪ ଲକ୍ଷ ଟଙ୍କାର ଅନୁକମ୍ପାମୂଳକ ସହାୟତା ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ।