ଅର୍ଗସ ବ୍ୟୁରୋ : ବ୍ରାଉନସୁଗାର ବେପାରରେ ଦୁଇ ଉଚ୍ଚଶିକ୍ଷିତ ମହିଳା । ଭୁବନେଶ୍ବରରେ ଘର ଭଡା ନେଇ ଚଳାଇଥିଲେ ଧଳାଜହର କାରବାର । ସୁନ୍ଦର ଚେହେରା ଦେଖାଇ ଗ୍ରାହକଙ୍କୁ କରୁଥିଲେ ଆକର୍ଷିତ । ଦୁଇ ମହିଳାଙ୍କୁ ଗିରଫ କରିଛି କମିଶନରେଟ୍ ପୋଲିସର ସ୍ପେଶାଲ କ୍ରାଇମ୍ ୟୁନିଟ୍ ।

ଅଧିକ ପଢନ୍ତୁ ଓଡ଼ିଶା ଖବର

ନିଶା ବେପାରରେ ସମ୍ପୃକ୍ତ ଥିବା ଜଣେ ଯୁବତୀ କମ୍ପ୍ୟୁଟର ଆପ୍ଲିକେସନରେ ପିଜି କରିଛନ୍ତି । ଆଉ ଜଣେ ଯୁବତୀ ଘରୋଇ କମ୍ପାନୀରେ ଚାକିରି କରିଥିଲେ । ଗିରଫ ୨ ଜଣ ହେଲେ କୋଣାର୍କ ଅଞ୍ଚଳର ୨୩ ବର୍ଷୀୟ ପ୍ରଜ୍ଞା ପ୍ରିୟା ସ୍ବାଇଁ ଓ ବାଲେଶ୍ଵର ବସ୍ତା ଅଂଚଳର ୩୦ ବର୍ଷୀୟ କରିଶ୍ମା ରାଉତ । ଉଭୟଙ୍କଠାରୁ ୨୫୬ ଗ୍ରାମର ବ୍ରାଉନସୁଗାର ଜବତ କରିଛି ପୋଲିସ । ଯାହାର ଆନୁମାନିକ ମୂଲ୍ୟ ୨୬ ଲକ୍ଷ ଟଙ୍କାରୁ ଉର୍ଦ୍ଧ୍ବ ହେବ ।