ଉଦଳା (ମୟୂରଭଞ୍ଜ): କଥାରେ ଅଛି ଯାହାକୁ ରଖିବେ ଅନନ୍ତ... ଆଜ୍ଞା ହଁ ଏଇ କଥା ସତ ହୋଇଛି । ବଢ଼ି ପାଣିର ସୁଅରେ ଭାସି ଯାଉଥିବା ଯୁବକଙ୍କୁ ମିଳିଛି ନୂଆ ଜୀବନ । ବାଇକରେ ଯୁବକ ଜଣଙ୍କ ଯାଉଥିବା ବେଳେ ପୋଲରୁ ନଦୀକୁ ଭାସି ଯାଇଥିଲେ । ଆଉ ଉପସ୍ଥିତ ବୁଦ୍ଧି ଖଟାଇ ସେ ବାଇକ୍ ଛାଡ଼ି ପହଁରି ପହଁରି କୂଳକୁ ପଳାଇ ଆସିଛନ୍ତି ।

ଏଥିସହ ପଢ଼ନ୍ତୁ: ନିୟମ ନ ମାନିଲେ ଶୁଣିବନି ପୋଲିସ; ଶୁକ୍ରବାର ସକାଳ ୮ଟାରୁ ଆରମ୍ଭ ହେବ ଭସାଣି

ଏ ଚମତ୍କାର ହୋଇଛି ମୟୂରଭଞ୍ଜ ଜିଲ୍ଲା ଉଦଳା ଅଞ୍ଚଳରେ । ମାନସିଂହ ହେମ୍ବ୍ରମ ନାମକ ଯୁବକ ଉଦଳାରୁ ରାସଗୋବିନ୍ଦପୁର ଯାଉଥିଲେ । ବାଇକ୍‌ ଯୋଗେ ଉଦଳା-ବାଲେଶ୍ଵର ରାସ୍ତାର ଜାମୁଘାଟ ପୋଲ ପାର୍ ହେଉଥିଲେ । ସେତେବେଳେ ଅସ୍ଥାୟୀ ପୋଲ ଉପରେ ୨ ଫୁଟ୍‌ର ପାଣି ଚାଲୁଥିଲା ।

କିନ୍ତୁ ଅନ୍ଧାରରେ ପୋଲ ଉପରେ ପାଣିର ମାତ୍ରାକୁ ଠିକ୍‌ରେ ଆକଳନ କରିପାରି ନଥିଲେ ମାନସିଂହ । ପୋଲ ଉପରକୁ ବାଇକ୍ ଗଡ଼ାଇବା ପରେ ଠିକ୍ ଅଧାରେ ପ୍ରଖର ସ୍ରୋତରେ ସେ ବାଇକ୍ ସହ ନଦୀ ଗର୍ଭକୁ ଭାସି ଯାଇଥିଲେ ।

ଏଥିସହ ପଢ଼ନ୍ତୁ: ମହେନ୍ଦ୍ରଗିରି ବୁଲିବାକୁ ଯାଇ ଫସିଲେ ୩୦ରୁ ଅଧିକ ପର୍ଯ୍ୟଟକ, ଉଦ୍ଧାର ପାଇଁ ଉଦ୍ୟମ ଜାରି

ପୋଲରୁ ବାଇକ୍ ଖସିବା ମାତ୍ରେ ଭୟଭୀତ ହୋଇ ପଡ଼ିଥିଲେ ସେ । ତୁରନ୍ତ ବାଇକ୍‌ ଓ ଅନ୍ୟ ସାମଗ୍ରୀ ଛାଡ଼ିଦେବା ସହ ମୁଣ୍ଡରୁ ହେଲମେଟ୍ କାଢ଼ି କୂଳକୁ ପହଁରି ପହଁରି ପଳାଇ ଆସିଥିଲେ । ମାନସିଂହଙ୍କ ଜୀବନ ବଞ୍ଚି ଯାଇଥିବା ବେଳେ ବାଇକ୍‌ଟି ନଦୀରେ ଭାସି ଯାଇଛି । ସମସ୍ତେ କହୁଛନ୍ତି, "ଯାହାକୁ ରଖିବେ ଅନନ୍ତ, କି କରିପାରେ ତା'ର ବଳବନ୍ତ ।"