ଅର୍ଗସ ବ୍ୟୁରୋ : କନିଷ୍ଠ ଶିକ୍ଷକ ନିଯୁକ୍ତି ଉପରେ ହାଇକୋର୍ଟଙ୍କ ଅନ୍ତରୀଣ ରୋକ୍ । ୨୪ ଜାନୁଆରୀ ପର୍ଯ୍ୟନ୍ତ ପରବର୍ତ୍ତୀ ଶୁଣାଣି ନହେବା ଯାଏ ଚୁଡାନ୍ତ ନିଯୁକ୍ତି ଦେଇପାରିବେନି ରାଜ୍ୟ ସରକାର । ତେବେ ୨୦ ଏବଂ ୨୧ ତାରିଖରେ ସାର୍ଟିଫିକେଟ୍ ଯାଞ୍ଚ ପ୍ରକ୍ରିୟା ଜାରି ରହିବ । ସେପଟେ କନିଷ୍ଠ ଶିକ୍ଷକ ନିଯୁକ୍ତିକୁ ନେଇ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ରଙ୍କ ଶାଣିତ ଆକ୍ରମଣ । ଧର୍ମେନ୍ଦ୍ର କହିଛନ୍ତି, ୨୦ ହଜାର ପିଲାଙ୍କ ଭବିଷ୍ୟତ ସହ ଖେଳୁଛନ୍ତି ସରକାର । ଓଡ଼ିଆ ପିଲାଙ୍କ ଭବିଷ୍ୟତକୁ ଅନ୍ଧାରକୁ ଠେଲିଦେଉଥିବା ମାହାଲ୍‌ ମାଣ୍ଡାଙ୍କୁ ଜବାବ ଦିଅନ୍ତୁ ବୋଲି କହିଛନ୍ତି ଧର୍ମେନ୍ଦ୍ର ।

ଗୋଟିଏ ପଟେ ନିଯୁକ୍ତିରେ ହେରଫେର୍ ଅଭିଯୋଗ, ଅନ୍ୟପଟେ ପ୍ରଶ୍ନପତ୍ରକୁ ନେଇ ପୁଣି ଦେଖା ଦେଇଛି କେଁ । ଦୁଇଟି ସେଟରେ ପ୍ରଶ୍ନ ସମାନ ଅଛି କିନ୍ତୁ ଉତ୍ତର ଭିନ୍ନ ଭିନ୍ନ । ଏହା ସମ୍ଭବ କେମିତି ? ଏହାପୂର୍ବରୁ ଆଡମିଟ୍ କାର୍ଡରେ ପରୀକ୍ଷାର୍ଥୀଙ୍କ ନା ମାହୋଲ ମାଣ୍ଡା ଏବଂ ଆଡମିଟ୍ କାର୍ଡରେ ପରୀକ୍ଷାର୍ଥୀଙ୍କ ବଦଳରେ ପକ୍ଷୀର ଫଟୋ ଲାଗିବା ଘଟଣା ଆଶାୟୀ ଶିକ୍ଷକଙ୍କୁ ଆଶ୍ଚର୍ଯ୍ୟ କରିଛି । ବଡ ହେରଫେର୍ ଅଭିଯୋଗ ଆଣିବା ସହ ଲୋୟର ପିଏମଜିରେ ଧାରଣାରେ ବସିଛନ୍ତି ଶହ ଶହ ଆଶାୟୀ ଶିକ୍ଷକ । ସେମାନଙ୍କ ପ୍ରଶ୍ନ, କଟ ଅଫ୍ ତାଲିକା ପ୍ରକାଶ ନକରି କିପରି ମେରିଟ୍ ଲିଷ୍ଟ ପ୍ରକାଶ କରାଗଲା ? ସରକାର ନିଜେ ଏହି ମେରିଟ୍ ଲିଷ୍ଟ ଉପରେ ଅଙ୍କୁଶ ଲଗାଇବାକୁ ଷଡ଼ଯନ୍ତ୍ର କରିଥିବା ଅଭିଯୋଗ ।

ଅଧିକ ପଢନ୍ତୁ ଓଡ଼ିଶା ଖବର

୨୦ ହଜାର କନିଷ୍ଠ ଶିକ୍ଷକ ନିଯୁକ୍ତି ପାଇଁ ପରୀକ୍ଷା ପରେ ଓସେପା ବା ଓଡ଼ିଶା ବିଦ୍ୟାଳୟ ଶିକ୍ଷା କାର୍ଯ୍ୟକ୍ରମ ପ୍ରାଧିକରଣ ପକ୍ଷରୁ ଜାନୁଆରୀ ୧୫,୨୦୨୪ ରେ ପ୍ରକାଶ ପାଇଥିବା ମେଧା ତାଲିକାକୁ ନେଇ ତେଜୁଛି ବିବାଦ । ଆଶାୟୀଙ୍କ ଅଭିଯୋଗ, ମୂଳ ବିଜ୍ଞପ୍ତିରେ ପ୍ରକାଶ ପାଇଥିବା ତାଲିକାକୁ ଉଲଂଘନ କରିଛନ୍ତି ରାଜ୍ୟ ସରକାର। ଏହାପୂର୍ବରୁ ଓଡ଼ିଶା ଷ୍ଟାଫ୍ ସିଲେକ୍ସନ ପ୍ରଶ୍ନପତ୍ର ମଧ୍ୟ ଲିକ୍ ଅଭିଯୋଗ ହୋଇଥିଲା। କିଛି ମାସ ତଳେ ପଶ୍ଚିମବଙ୍ଗର ତତ୍କାଳୀନ ଶିକ୍ଷାମନ୍ତ୍ରୀ ପାର୍ଥ ଚାଟାର୍ଜୀ ଓ ତାଙ୍କ ଘନିଷ୍ଠ ସହଯୋଗୀ ଅର୍ପିତା ମୁଖାର୍ଜୀଙ୍କୁ ଗିରଫ କରିଥିଲା ଇଡି । ଶହ ଶହ କୋଟି ଟଙ୍କା ଜବତ ବି ହୋଇଥିଲା। ଏବେ ପ୍ରଶ୍ନ, ପଶ୍ଚିମବଙ୍ଗ ଭଳି ଦୁର୍ନୀତି ପଛରେ ଅଛନ୍ତି କି ବଡବଡିଆ ?

Argus News | argus news | -Argusnews Home: Odisha Latest News, Breaking News, Trending News, Live TV and more