ଅର୍ଗସ ବ୍ୟୁରୋ : କଟକ ଜିଲ୍ଲା ଆଠଗଡ଼ ବ୍ଲକ୍ ଧାଈପୁର ଖେଳପଡ଼ିଆରେ ଅନୁଷ୍ଠିତ ହୋଇଛି ବିକଶିତ ଭାରତ ସଂକଳ୍ପ ଯାତ୍ରା । ଏହି କାର୍ଯ୍ୟକ୍ରମରେ ଯୋଗ ଦେଇଛନ୍ତି କେନ୍ଦ୍ର ବନ୍ଦର, ଜାହାଜ ଚଳାଚଳ ଓ ଜଳ ମାର୍ଗ ଏବଂ ଆୟୁଷ ମନ୍ତ୍ରୀ ସର୍ବାନନ୍ଦ ସୋନୱାଲ । କେନ୍ଦ୍ର ସରକାରଙ୍କ ବିଭିନ୍ନ ଜନକଲ୍ୟାଣକାରୀ ଯୋଜନା ସମ୍ପର୍କରେ ସୂଚନା ଦେଇ କେନ୍ଦ୍ରମନ୍ତ୍ରୀ କହିଥିଲେ ସମାଜର ସବୁ ଲୋକଙ୍କ ପାଖରେ ସବୁ ସରକାରୀ ଯୋଜନାର ଉପକାର ପହଞ୍ଚିବ ଏହା ମୋଦି ଗ୍ୟାରେଣ୍ଟି । 

ଅଧିକ ପଢନ୍ତୁ ଓଡ଼ିଶା ଖବର

ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ବରେ ଭାରତ ଏବେ ବିକଶିତ ହେବା ଲକ୍ଷ୍ୟରେ ଆଗେଇ ଚାଲିଛି । ଦେଶବାସୀଙ୍କ ସେବା ଯୋଗାଇ ଦେବା ଦିଗରେ ବିଜେପି କାମ କରୁଛି । ଏହି କାର୍ଯ୍ୟକ୍ରମରେ ଆଠଗଡ଼ର ବିଜେପି ନେତା  ଅଭୟ ବାରିକ, କେନ୍ଦ୍ର ଶିଳ୍ପ କମର୍ସ ଏକଜିକ୍ୟୁଟିଭ୍ ଏମ ମୁଥୁସ୍ବାମୀ, ଧାଇପୁର ସରପଞ୍ଚ ମିନାକ୍ଷୀ ସାହୁ ପ୍ରମୁଖ ଯୋଗ ଦେଇଥିଲେ । ସମସ୍ତଙ୍କୁ ବିକଶିତ ଭାରତର ଶପଥ ପାଠ କରାଇଥିଲେ କେନ୍ଦ୍ରମନ୍ତ୍ରୀ ।