College Election Postponed / ବ୍ୟାସନଗର କଲେଜରେ ନିର୍ବାଚନ ସ୍ଥଗିତ, ସକାଳ ସୁଦ୍ଧା ପିଲାଙ୍କୁ ହଷ୍ଟେଲ୍‌ ଛାଡ଼ିବାକୁ ନିର୍ଦ୍ଦେଶ

ସ୍ଥଗିତ ରହିଲା ବ୍ୟାସନଗର କଲେଜ ନିର୍ବାଚନ l ଆଇନ ଶୃଙ୍ଖଳା ପରିସ୍ଥିତିକୁ ଦୃଷ୍ଟିରେ ରଖି ପରବର୍ତ୍ତୀ ନିର୍ଦ୍ଦେଶନାମା ପର୍ଯ୍ୟନ୍ତ ନିର୍ବାଚନକୁ ସ୍ଥଗିତ ରଖାଯାଇଛି l ଏନେଇ କଲେଜ ପକ୍ଷରୁ ବିଜ୍ଞପ୍ତି ଜାରି କରାଯାଇଛି । କାଲି ସକାଳ ସୁଦ୍ଧା ହଷ୍ଟେଲ ଖାଲି କରିବାକୁ ନିର୍ଦ୍ଦେଶ ଦିଆଯାଇଛି । ଏହା ସହ ପରବର୍ତ୍ତୀ ନିର୍ଦ୍ଦେଶ ଯାଏଁ ମହାବିଦ୍ୟାଳୟ ବନ୍ଦ ରହିବ ବୋଲି ନିର୍ଦ୍ଦେଶନାମା ଜାରି କରାଯାଇଛି ।

#Jajpur: Vyasnagar Autonomous College has been closed from 1 PM on October 8 until further notice, according to a notice issued by the principal. The 2026 students’ union election has also been postponed. Hostel boarders have been directed to vacate by the morning of October 9. #VyasnagarCollege #StudentElection #Odisha #ArgusNews

— Argus News (@ArgusNews_in) October 8, 2026

ସୂଚନା ଅନୁସାରେ, ଗତକାଲି ବିଳମ୍ବିତ ରାତିରେ ପ୍ରିନ୍ସପାଲଙ୍କ ବାସଭବନ ଓ ଛାତ୍ରବାସ ନିକଟରେ ସୁତୁଲି ବୋମା ଫୁଟିଥିଲା । ତେବେ ଏହି ଘଟଣା ପରେ କଲେଜ ପରିସରରେ ପୋଲିସ୍‌ ଫୋର୍ସ ମୁତୟନ କରାଯାଇଥିଲା । ଏହା ସହ ଘଟଣାସ୍ଥଳରେ ପୋଲିସ୍‌ ପହଞ୍ଚି ବିଭିନ୍ନ ଦିଗରୁ ଘଟଣାର ତଦନ୍ତ ଆରମ୍ଭ କରିଛି । ଏ ସମ୍ପର୍କରେ କଲେଜ କତୃପକ୍ଷଙ୍କ ଦ୍ୱାରା ଯାଜପୁର ରୋଡ୍‌ ଆଦର୍ଶ ଥାନାରେ ଏକ ଲିଖିତ ଏତଲା ଦିଆଯାଇଛି ।

ଅଧିକ ପଢ଼ନ୍ତୁ: ବାହାରିଲା ନିର୍ବାଚନ ବିଜ୍ଞପ୍ତି, ଲାଗିଲାଣି ବ୍ୟାନର ପୋଷ୍ଟର...ଉଷ୍ମ ହେଲାଣି ଛାତ୍ର ରାଜନୀତି

ଅନ୍ୟପକ୍ଷରେ ଏହି ଘଟଣା ପରେ AVBP ଓ BCJD ପକ୍ଷରୁ କଲେଜ ମୁଖ୍ୟ ଫାଟକ ସମ୍ମୁଖରେ ଧାରଣା ଦେଇଥିଲେ । ଯେଉଁମାନେ ଏଭଳି କାଣ୍ଡ ଘଟାଇଛନ୍ତି ସେମାନଙ୍କ ବିରୁଦ୍ଧରେ କାର୍ଯ୍ୟନୁଷ୍ଠାନ, କଲେଜ କ୍ୟାମ୍ପସରେ ସିସିଟିଭି ଲଗାଇବା, କଲେଜ କ୍ୟାମ୍ପସକୁ ଅଣ ଛାତ୍ର ପ୍ରବେଶକୁ ବିରୋଧ କରିବା ସହିତ ଉଚ୍ଚସ୍ତରୀୟ ତଦନ୍ତ ଭଳି ଦାବି ନେଇ ଗେଟ୍‌ ସମ୍ମୁଖରେ ଧାରଣା ପ୍ରତିବାଦ ଦିଆଯାଇଥିଲା l ସେତେବେଳେ କିଛି ସମୟ ପାଇଁ ଉତେଜନା ଦେଖାଦେଇଥିଲା l ଏହି ସବୁ ଘଟଣାକୁ ଦୃଷ୍ଟିରେ ରଖି ନିର୍ବାଚନକୁ ସ୍ଥଗିତ ରଖାଯାଇଛି l