ଅର୍ଗସ ବ୍ୟୁରୋ : ଜମୁଛି ବାସୁଦେବପୁରର ପ୍ରସିଦ୍ଧ ଗଣପର୍ବ କାଳୀପୂଜା । ୧୦ଦିନ ଧରି ଧୁମଧାମରେ ପାଳନ ହେଉଛି ଏହି ପୂଜା। ହଜାର ହଜାର ଲୋକଙ୍କ ସମାଗମ ସାଙ୍ଗକୁ ସନ୍ଧ୍ୟାରେ ବିଭିନ୍ନ ପୂଜା ମଣ୍ଡପରେ ଲାଗୁଛି ଭିଡ଼ । ମା' କାଳୀଙ୍କୁ ଦର୍ଶନ କରିବା ସହ ସାମାଜିକ ସଚେତନତାର ବାର୍ତ୍ତାକୁ ଲୋକେ ଉପଭୋଗ କରୁଛନ୍ତି । ଚଳିତ ବର୍ଷ ୫ଟି ମଣ୍ଡପରେ ମା' ପୂଜା ପାଉଛନ୍ତି । ହଜାର ହଜାର ସଂଖ୍ୟାରେ ରାଜ୍ୟ ଓ ଦେଶ ବାହାରୁ ଲୋକେ ଆସି ମା' କାଳୀଙ୍କୁ ଦର୍ଶନ କରିବା ସହ ମେଳାକୁ ଉପଭୋଗ କରୁଛନ୍ତି । ମଣ୍ଡପରେ ସୁସଜ୍ଜିତ ତୋରଣ ସାଙ୍ଗକୁ ଭଳିକି ଭଳି ଆଲୋକ ସଜା ଉପରେ ଗୁରୁତ୍ୱ ଦିଆଯାଇଛି । ଏହା ସହିତ ଚଳିତ ବର୍ଷ ତାରିଣୀ ଛକରେ କାଳୀ ମନ୍ଦିରରେ ମା'ଙ୍କର ପଥର ମୂର୍ତ୍ତି ବେଶ ଲୋକଙ୍କୁ ଆକର୍ଷିତ କରୁଛି ।

ଏହି ପୂଜାରେ ପ୍ରତିଦିନ ସନ୍ଧ୍ୟାରେ ଭଜନ ସନ୍ଧ୍ୟା ସହିତ ମନରଞ୍ଜନ ପାଇଁ ମଣ୍ଡପ ନିକଟରେ ରାମଦୋଳି, ବ୍ରେକଡେନ୍ସ, ମିନାବଜାର ଇତ୍ୟାଦି ଲୋକଙ୍କର ବେଶ ମନ ମୋହୁଛି । ଏହା ସହ ୫ଟି ଯାତ୍ରା ପରିବେଷଣ କରାଯାଉଛି। ଦୀର୍ଘ ୨୦ ଦିନ ପୂଜା ପାଇବା ପରେ ଡିସେମ୍ବର ୧ ତାରିଖରେ ମା'ଙ୍କୁ ମେଲାଣି ଦିଆଯିବ ।

ଯେହେତୁ କାଳୀପୂଜାରେ ହଜାର ହଜାର ଭକ୍ତଙ୍କ ଭିଡ଼ ଜମିବ ସେଥିପାଇଁ ପ୍ରଶାସନ ଓ ସମସ୍ତ କମିଟି ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି । ଏକ ଶାନ୍ତି କମିଟି ବୈଠକ କରାଯାଇଛି । ସହରର କିଛି ସ୍ଥାନେ ସ୍ଥାନେ ସିସି କ୍ୟାମେରା ଲଗାଇଯାଇଛି । ଶାନ୍ତି ଶୃଙ୍ଖଳାର ସହ କେମିତି କାଳୀପୂଜା ପାଳନ ହେବ ସେଥିପାଇଁ ଫୋର୍ସ ମୃତୟନ ସହିତ ଲୋକଙ୍କ ପାଇଁ ପାଣି ଟାଙ୍କି, ଅସ୍ଥାୟୀ ଶୌଚାଳୟ ଓ ପାର୍କିଂ ପାଇଁ ବ୍ୟବସ୍ଥା କରାଯାଇଥିବା କମିଟିର ସଭାପତି କହିଛନ୍ତି ।

ଅଧିକ ପଢନ୍ତୁ ଓଡିଶା ଖବର...

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV