ନୂଆଦିଲ୍ଲୀ: ଟିଏମ୍‌ସିର ବିଧାୟକ ଦଳ ପରେ ଭାଗ ଭାଗ ହେଲା ସଂସଦୀୟ ଦଳ । ଲୋକସଭା ବାଚସ୍ପତି ଓମ୍ ବିର୍ଲାଙ୍କୁ ଭେଟିଛନ୍ତି ଟିଏମ୍‌ସିର ବିଦ୍ରୋହୀ ୨୦ ସାଂସଦ । ଓମ୍ ବିର୍ଲାଙ୍କୁ ତାଙ୍କ ବାସଭବନରେ ଭେଟି ସଂସଦରେ ବସିବାକୁ ଅଲଗା ବ୍ୟବସ୍ଥା କରିବାକୁ ଅନୁରୋଧ କରିଛନ୍ତି ।

ଏଥିସହ TMCର ବିଦ୍ରୋହୀ ସାଂସଦ ନ୍ୟାସନାଲିଷ୍ଟ ସିଟିଜେନ୍ସ ପାର୍ଟି ଅଫ୍ ଇଣ୍ଡିଆ (NCPI)ରେ ବିଲୟ କରିଥିବା ଘୋଷଣା କରିଛନ୍ତି । ଏନେଇ ବିଦ୍ରୋହୀ ଟିଏମ୍‌ସି ସାଂସଦ କାକୋଳୀ ଘୋଷ କହିଛନ୍ତି, "ଆମେ ୨୦ ଜଣ ସାଂସଦ ବାଚସ୍ପତିଙ୍କୁ ଭେଟି ସଂସଦରେ ଅଲଗା ବସିବା ବ୍ୟବସ୍ଥା କରିବାକୁ ପତ୍ର ଦେଇଛୁ । ୨୦ ସାଂସଦ ଏକାଠି ହୋଇ ରାଷ୍ଟ୍ର ପାଇଁ ପ୍ରଧାନମନ୍ତ୍ରୀ ମୋଦିଙ୍କ ନେତୃତ୍ଵରେ କାମ କରିବୁ ।"

ଏଥିସହ ପଢ଼ନ୍ତୁ: ଦିଦିଙ୍କ ଦଳରେ ବଡ଼ ଫାଟ; NDAକୁ ସମର୍ଥନ ଘୋଷଣା କଲେ TMCର ୨୦ ସାଂସଦ

ବିଦ୍ରୋହୀ ସାଂସଦ ଗୋଷ୍ଠୀର ନେତା କାକୋଳି ଘୋଷ କହିଛନ୍ତି, "ସଂସଦରେ ଆମ ଅଲଗା ବସିବାକୁ ଚାହୁଁଛୁ । ଆମ ପାଖରେ ଦୁଇ ତୃତୀୟାଂଶ ବହୁମତ ରହିଛି । ଆମେ ନିଜକୁ ନ୍ୟାସନାଲିଷ୍ଟ ସିଟିଜେନ୍ସ ପାର୍ଟିରେ ବିଲୟ କରୁଛୁ ।"

#WATCH दिल्ली: लोकसभा स्पीकर ओम बिरला से मुलाक़ात के बाद बागी TMC सांसद काकोली घोष दस्तीदार ने कहा, "हमने बैठने के लिए अलग इंतज़ाम करने का अनुरोध किया है। हमने कहा है कि हम नेशनलिस्ट सिटिज़न्स पार्टी में विलय कर रहे हैं।" pic.twitter.com/6NhXXmQSkd

— ANI_HindiNews (@AHindinews) June 14, 2026

NCPI ବା ନ୍ୟାସନାଲିଷ୍ଟ ସିଟିଜେନ୍ସ ପାର୍ଟି ହେଉଛି ତ୍ରିପୁରା ଓ ମେଘାଳୟର ଏକ ଦଳ । ଏହି ଦଳ ୨୦୨୩ରେ ତ୍ରିପୁରା ନିର୍ବାଚନ ଲଢ଼ିଥିଲା । ଏବେ ଟିଏମ‌ସିର ବିଦ୍ରୋହୀ ୨୦ ସାଂସଦ ନ୍ୟାସନାଲିଷ୍ଟ ସିଟିଜେନ୍ସ ପାର୍ଟିରେ ମିଶିବାକୁ ଲିଖିତ ସହମତି ଦେଇଛନ୍ତି ।

#WATCH | Delhi: TMC rebel MP Sudip Bandyopadhyay says, "We have joined the Nationalist Citizens' Party. This is a political party. It is a recognised regional party. We have merged with it... It will be decided in the court which one the real TMC is." pic.twitter.com/BEbG5atOUx

— ANI (@ANI) June 14, 2026

ସେହିଭଳି ବିଦ୍ରୋହୀ ସାଂସଦ ଶତାବ୍ଦୀ ରାୟ କହିଛନ୍ତି, "ଆମେ NCPIରେ ନିଜକୁ ବିଲୟ କରୁଛୁ । ଆଗାମୀ ରଣନୀତି ସମୟ ଆସିଲେ ନିର୍ଦ୍ଧାରଣ କରିବୁ । ଆମ ସହ ୨୦ ସାଂସଦ ଅଛନ୍ତି । ଆମେ ଦଳର ଚିହ୍ନ ଦାବି କର ନାହୁଁ, ଏହା ବାଚସ୍ପତି ନିଷ୍ପତ୍ତି ନେବେ କଣ କରିବାକୁ ହେବ ।"

ଏଥିସହ ପଢ଼ନ୍ତୁ: ଦିଦିଙ୍କ 'ଏପାଙ୍ଗ ଓପାଙ୍ଗ ଝପାଙ୍ଗ' କଣ ? ରୋକ୍ ଲଗାଇଲେ ଶୁଭେନ୍ଦୁ 

ଦିଦିଙ୍କ ପାଇଁ ବଢ଼ିଲା ସଂକଟ

ପଶ୍ଚିମବଙ୍ଗରେ TMC ପାଖରେ ମୋଟ ୨୯ ଲୋକସଭା ସାଂସଦ ଥିଲେ । ଏବେ ନାଟକୀୟ ଭାବେ ୨୦ ଜଣ ବିଦ୍ରୋହୀ ସାଂସଦ, NCPIରେ ବିଲୟ କରିବା ପରେ ମମତାଙ୍କ ପାଇଁ ସଂକଟ ବଢ଼ିଛି । ଏହା ପୂର୍ବରୁ ସମାନ ଢଙ୍ଗରେ ଟିଏମ୍‌ସିର ୮୦ ବିଧାୟକଙ୍କ ମଧ୍ୟରୁ ୫୮ ଜଣ ବିଦ୍ରୋହ କରି ଦଳ ଛାଡ଼ିଥିବା ବେଳେ ୨ ଜଣଙ୍କୁ ପୂର୍ବରୁ ଦଳ ବହିଷ୍କୃତ କରିଥିଲା ।