ପଶ୍ଚିମବଙ୍ଗରେ ନିର୍ବାଚନୀ ହିଂସା ମଧ୍ୟରେ ମତଦାନ ଚାଲିଛି । ୧୪୨ଟି ବିଧାନସଭା ଆସନରେ ଭୋଟ ଦେବା ପାଇଁ ଭୋଟରଙ୍କ ଲମ୍ବା ଧାଡ଼ି ଲାଗିଛି । ପ୍ରଥମ ପର୍ଯ୍ୟାୟ ଭଳି ଏଥର ମଧ୍ୟ ଭୋଟ୍ ଦେବା ପାଇଁ ପ୍ରବଳ ଉତ୍ସାହ ଦେଖିବାକୁ ମିଳୁଛି । ନିର୍ବାଚନ କମିଶନଙ୍କ ସୂଚନା ଅନୁସାରେ ଅପରାହ୍ନ ୧ଟା ସୁଦ୍ଧା ପଶ୍ଚିମବଙ୍ଗରେ ୬୧.୧୧ ପ୍ରତିଶତ ମତଦାନ ହୋଇଛି ।

ପ୍ରଥମ ପର୍ଯ୍ୟାୟରେ ବେଙ୍ଗଲରେ ୧୫୨ଟି ଆସନରେ ମତଦାନ ହୋଇଥିଲା । ତୁଳନାତ୍ମକ ଭାବରେ, ପ୍ରଥମ ପର୍ଯ୍ୟାୟରେ ସକାଳ ୯ଟା ସୁଦ୍ଧା ୧୮.୭୬ ପ୍ରତିଶତ ମତଦାନ ହୋଇଥିବା ବେଳେ, ସକାଳ ୯ଟା ସୁଦ୍ଧା ଦ୍ୱିତୀୟ ପର୍ଯ୍ୟାୟରେ ୧୮.୩୯ ପ୍ରତିଶତ ମତଦାନ ହୋଇଥିଲା ।

ଅପରାହ୍ନ ୧ଟା ସୁଦ୍ଧା କୋଲକାତା ଦକ୍ଷିଣରେ ସର୍ବନିମ୍ନ ଭୋଟଦାନ ରେକର୍ଡ କରାଯାଇଛି। ସକାଳ ୯ଟା ପର୍ଯ୍ୟନ୍ତ ଭୋଟଦାନ ୧୬.୮୧ ପ୍ରତିଶତ ଥିଲା, ଯାହା ୧୧ଟା ସୁଦ୍ଧା ୩୬.୭୮ ପ୍ରତିଶତକୁ ବୃଦ୍ଧି ପାଇଥିଲା ଏବଂ ଅପରାହ୍ନ ୧ଟା ସୁଦ୍ଧା ଏହା ମାତ୍ର ୫୭.୭୩ ପ୍ରତିଶତରେ ପହଞ୍ଚିଥିଲା । ଏହି ଜିଲ୍ଲାରେ ସବୁଠାରୁ କମ୍‌ ମତଦାନ ରେକର୍ଡ କରାଯାଇଛି ।

ଅଧିକ ପଢ଼ନ୍ତୁ: ବେଙ୍ଗଲ ନିର୍ବାଚନରେ ମମତାଙ୍କ ଦାଦାଗିରି, EVM ମେସିନ୍‌ରେ ଲୁଚାଇଦେଲେ ବିଜେପି ଚିହ୍ନ

ସେପଟେ ପଶ୍ଚିମବଙ୍ଗ ବିଧାନସଭା ନିର୍ବାଚନର ଦ୍ୱିତୀୟ ପର୍ଯ୍ୟାୟରେ ଅନେକ ସ୍ଥାନରେ ଜାଲିଆତି ଏବଂ ହିଂସାର ଅଭିଯୋଗ ସାମ୍ନାକୁ ଆସିଛି । ବିଜେପି ତୃଣମୂଳ କଂଗ୍ରେସ ପ୍ରାର୍ଥୀ ଜାହାଙ୍ଗୀର ଖାନଙ୍କ ବିରୋଧରେ ଏକ ଗମ୍ଭୀର ଅଭିଯୋଗ ଆଣିଛି । ବିଜେପି ଆଇଟି ସେଲ୍ ପ୍ରଭାରୀ ଅମିତ ମାଲବ୍ୟ ଅଭିଯୋଗ କରିଛନ୍ତି ଯେ ଡାଇମଣ୍ଡ ହାର୍ବରର ଫାଲଟା ନିର୍ବାଚନମଣ୍ଡଳୀର ଅନେକ ପୋଲିଂ ବୁଥରେ ଭୋଟ୍‌ ଦେବାରୁ ରୋକିବା ପାଇଁ EVM ମେସିନରେ ବିଜେପି ଚିହ୍ନ ଆଗରେ ଟେପ୍ ଲଗାଯାଇଛି । ବିଜେପି ଏହି ପ୍ରସଙ୍ଗରେ ତୃଣମୂଳ କଂଗ୍ରେସ, ମୁଖ୍ୟମନ୍ତ୍ରୀ ମମତା ବାନାର୍ଜୀ ଏବଂ ଅପରାଧୀ ପ୍ରାର୍ଥୀ ଜାହାଙ୍ଗୀର ଖାନଙ୍କୁ ଟାର୍ଗେଟ କରିଛି ।

ଅମିତ ମାଲବ୍ୟ ସୋସିଆଲ ମିଡିଆ 'X' ରେ ଏକ ପୋଷ୍ଟରେ ଲେଖିଛନ୍ତି, "ଏହା ଦର୍ଶାଉଛି ଯେ ବଙ୍ଗଳାର ମୁଖ୍ୟମନ୍ତ୍ରୀ ମମତା ବାନାର୍ଜୀ ଡାଇମଣ୍ଡ ହାର୍ବରର ଫାଲଟା ନିର୍ବାଚନ ମଣ୍ଡଳୀରୁ ଟିଏମସି ଟିକେଟରେ ପ୍ରତିଦ୍ୱନ୍ଦ୍ୱିତା କରୁଥିବା ଜଣେ ଅପରାଧୀ ଜାହାଙ୍ଗୀର ଖାନଙ୍କୁ କାହିଁକି ସମର୍ଥନ କରନ୍ତି ।" ମାଲବ୍ୟଙ୍କ ଅନୁଯାୟୀ, ଫାଲଟାର ଅନେକ ପୋଲିଂ ବୁଥରେ EVM ରେ ବିଜେପି ବଟନ୍ ଉପରେ ଟେପ୍ ଲଗାଯାଇଛି । ଏହା ଭୋଟରମାନଙ୍କୁ ବିଜେପିକୁ ଭୋଟ ଦେବାରୁ ରୋକିବାର ଏକ ପ୍ରୟାସ ।