ମଣ୍ଡେଇ ମଞ୍ଚରେ ହଟହଟା ହେଲେ ଡାବୁଗାଁ ବିଧାୟକ ମନୋହର ରାନ୍ଧାରୀ । ମଞ୍ଚରେ ଅସଭ୍ୟ ଭାଷା କହି ଏବେ ଅଡ଼ୁଆରେ ଡାବୁଗାଁ ବିଧାୟକ । ସାଂସ୍କୃତିକ ମଞ୍ଚ ଉପରେ ମୁହାଁମୁହିଁ ହେଲେ ବିଧାୟକ ମନୋହର ରାନ୍ଧାରୀ ଓ ବିଜେପି କର୍ମୀ । ଆଉ ମଞ୍ଚ ଉପରେ ଶାଳୀନତା ଭୁଲି ଗଲେ ବିଜେଡି ବିଧାୟକ । ବିଜେପି କର୍ମୀଙ୍କୁ ଅସଭ୍ୟ ଭାଷାରେ କଲେ ଗାଳି କଲେ । ଯାହାର ଭିଡିଓ ଏବେ ସୋସିଆଲ ମିଡିଆରେ ବେଶ୍‌ ଭାଇରାଲ ହେବାରେ ଲାଗିଛି । ସାଂସ୍କୃତିକ ମଞ୍ଚରେ ଅସଭ୍ୟ ଭାଷା କହିବା ଘଟଣାକୁ କଡ଼ା ନିନ୍ଦା କରିଛନ୍ତି ନବରଙ୍ଗପୁର ଜିଲ୍ଲାବାସୀ । ଏଭଳି ଘଟଣା ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲାର ସାଂସ୍କୃତିକ ମହୋତ୍ସବ ମଣ୍ଡେଇ ମଞ୍ଚରେ ।

ଅଧିକ ପଢ଼ନ୍ତୁ: ''କଂଗ୍ରେସ ମୋତେ ବହିଷ୍କାର କରିଛି, କିନ୍ତୁ ମୁଁ କଂଗ୍ରେସଠୁ ଦୂରେଇ ଯାଇନି''

ସୂଚନା ଅନୁସାରେ, ନବରଙ୍ଗପୁର ଜିଲ୍ଲା ମଣ୍ଡେଇ ମହୋତ୍ସବର ଉଦଯାପନୀ ଉତ୍ସବରେ ଅନ୍ୟ ଅତିଥିମାନଙ୍କ ସହିତ ଅତିଥି ଭାବେ ଯୋଗ ଦେଇଥିଲେ ଡାବୁଗାଁ ବିଧାୟକ ମନୋହର ରାନ୍ଧାରୀ । ସେ ମଞ୍ଚ ଉପରେ ନିଜ ବକ୍ତବ୍ୟ ରଖିବା ସମୟରେ ତାଙ୍କୁ ବିଭିନ୍ନ କାର୍ଯ୍ୟକ୍ରମରେ ଅଣଦେଖା କରାଯାଉଥିବା ଅଭିଯୋଗ ନେଇ ଜିଲ୍ଲା ପ୍ରଶାସନ ଉପରେ ଅସନ୍ତୋଷ ବ୍ୟକ୍ତ କରିଥିଲେ । ଏହି ସମୟରେ ମଞ୍ଚ ତଳେ ଥିବା ବିଜେପି କର୍ମୀ ମାନେ ଏହାକୁ ଦୃଢ଼ ପ୍ରତିବାଦ କରିଥିଲେ । ଆଉ ଏହା ପରେ ମଞ୍ଚ ଆଗରେ ପ୍ରତିବାଦ କରୁଥିବା ଲୋକଙ୍କ ସହ ଯୁକ୍ତିତର୍କ କରିଥିଲେ ବିଜେଡି ବିଧାୟକ । ପରେ ସେ ନିଜ ଭାଷାଗତ ଶାଳୀନତା ଭୁଲି ଯାଇ ଅଶ୍ଳୀଳ ଭାଷାରେ ବିଜେପି କର୍ମୀଙ୍କୁ ଗାଳି କରିଥିଲେ । ଯାହାର ଭିଡିଓ ଏବେ ସୋସିଆଲ ମିଡିଆରେ ବେଶ୍‌ ଭାଇରାଲ ହେଉଛି ।



ସେପଟେ ଡାବୁଗାଁ ବିଧାୟକ ମନୋହର ରାନ୍ଧାରୀଙ୍କ ଏଭଳି ମନ୍ତବ୍ୟ ପରେ ପ୍ରତିକ୍ରିୟା ରଖିଛନ୍ତି ଗଣଶିକ୍ଷା ମନ୍ତ୍ରୀ ନିତ୍ୟାନନ୍ଦ ଗଣ୍ଡ । ସେ କହିଛନ୍ତି, ଯେଉଁମାନେ ୨୪ ବର୍ଷ ଶାସନ କଲେ ସେମାନେ ଆଜି ୧୭ ମାସର ସରକାରଙ୍କୁ ନାନା ପ୍ରକାର ପ୍ରଶ୍ନ କରୁଛନ୍ତି । ଆଜିର ଦିନରେ ରାଜନୈତିକ ପ୍ରସଙ୍ଗ ଉଠାଇବା କଥା ନୁହେଁ । କିନ୍ତୁ ସେମାନେ ସବୁବେଳେ ଅସହ୍ୟ । ରାଜନୈତିକ କଥା କହୁଛନ୍ତି । ଯାହାର ପ୍ରତି ଉତ୍ତର ରଖିବାକୁ ଆମେ ବାଧ୍ୟ ହେଉଛି । କିନ୍ତୁ ମଣ୍ଡେଇ ମହୋତ୍ସବ ହେଉଛି ଭାଇଚାରାର ମଞ୍ଚ । ଏଭଳି ମଞ୍ଚରେ ରାଜନୈତକ କଥା ଉଠାଇବା ଠିକ୍ ନୁହେଁ ।