କେମିତି ଓଡ଼ିଆ ଭାଷଣ ପଢ଼ୁଥିଲେ ନବୀନ । ଓଡ଼ିଆ ଅସ୍ମିତା କେମିତି ବର୍ଷ ବର୍ଷ ଧରି ତଳେ ପକାଇଥିଲେ । ବିଜୁ ଜନତା ଦଳ ପ୍ରତିଷ୍ଠା ଦିବସରେ ଦଳର ସଭାପତି, ବିରୋଧୀ ଦଳ ନେତା ତଥା ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପଢ଼ିଥିବା ଭାଷଣର କପି ଏବେ ସାମ୍ନାକୁ ଆସିଛି ।

ଅଧିକ ପଢ଼ନ୍ତୁ: ଉଦ୍ଧବ ଠାକରେଙ୍କ ଭଳି ଦଶା ଭୋଗିଥାନ୍ତେ ନବୀନ ? ବିଜେଡି ସୁପ୍ରିମୋଙ୍କ ହାତରୁ ଖସିଯାଇଥାନ୍ତା ଶଙ୍ଖ ଚିହ୍ନ !

ଇଂରାଜୀ ଅକ୍ଷରରେ ଓଡ଼ିଆ ଭାଷାକୁ କେମିତି କଦର୍ଥ କରି ଲେଖାଇଛି ଓ ଏହି ଭାଷଣକୁ ନିଜେ ନବୀନ କେମିତି ପଢ଼ୁଥିଲେ ତାହା ଦେଖିଲେ ଲାଗୁଛି ବିଜେଡି ଓ ନବୀନଙ୍କ ପାଇଁ ଓଡ଼ିଆ ଭାଷାର ମହତ୍ତ୍ବ କେତେ ଥିଲା । ଓଡ଼ିଆ ସ୍ବାଭିମାନ ଓ ଓଡ଼ିଆ ଅସ୍ମିତାକୁ କେମିତି ୨୯ ବର୍ଷ ଧରି ଧୋକା ଦେଇ ଚାଲିଥିଲେ ନବୀନ ତାହା ସର୍ବସାଧାରଣକୁ ଆସିବା ପରେ କଡ଼ା ପ୍ରତିକ୍ରିୟା ପ୍ରକାଶ ପାଇଛି ।

ଅଧିକ ପଢ଼ନ୍ତୁ: ଆସନ୍ତା ବର୍ଷ ଜାନୁଆରୀ, ଫେବ୍ରୁଆରୀରେ ହେବ ପଞ୍ଚାୟତ ଓ ପୌର ନିର୍ବାଚନ

ବରିଷ୍ଠ ସାମ୍ବାଦିକ ଅକ୍ଷୟ ସାହୁ ଏହି ଭାଷଣର ଏକ ଅଂଶକୁ ସୋସିଆଲ ମିଡିଆରେ ଟ୍ୟାଗ କରି କେମିତି ରାଜ୍ୟରେ ବର୍ଷ ବର୍ଷ ଧରି ନବୀନ ଶାସନ ଚାଲିଥିଲା ତାହାର ପୋଲ ଖୋଲିଛନ୍ତି । ଖଣ୍ଡି ଓଡ଼ିଆରେ ଭାଷଣ ସାଙ୍ଗକୁ ଓଡ଼ିଆ ଅସ୍ମିତାକୁ କୁଠାରଘାତ କରି କେମିତି ନବୀନଙ୍କର ଏକ ସୁନ୍ଦର ଭାବମୂର୍ତ୍ତି ତିଆରି କରାଯାଇଥିଲା ତାକୁ ଉଜାଗର କରିଛନ୍ତି ।