Dharmendra Resignation / ଧର୍ମେନ୍ଦ୍ରଙ୍କ ଇସ୍ତଫା; ଏଭଳି ନିଷ୍ପତ୍ତି ନୀତି ଆଦର୍ଶର ପରିଚୟ କଲେ ମୁଖ୍ୟମନ୍ତ୍ରୀ

ନୂଆଦିଲ୍ଲୀ: କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଆଜି ନିଜ ପଦରୁ ଇସ୍ତଫା ଦେଇଛନ୍ତି । ଦେଶସାରା ଛାତ୍ରଛାତ୍ରୀଙ୍କ ଆନ୍ଦୋଳନ ପରେ ଦେଶର ଯୁବବର୍ଗଙ୍କ ଆକାଂକ୍ଷା, ଭାବନା ଏବଂ ସେମାନଙ୍କ ନ୍ୟାୟୋଚିତ ଅପେକ୍ଷାକୁ ଗଭୀର ସମ୍ମାନ ଜଣାଇ ସେ ଏହି ନିଷ୍ପତ୍ତି ନେଇଥିବା କହିଛନ୍ତି । ଧର୍ମେନ୍ଦ୍ରଙ୍କ ଇସ୍ତଫା ପରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କଠାରୁ ଆରମ୍ଭ କରି ଅନେକ ବିଜେପି ନେତା ତାଙ୍କ କାର୍ଯ୍ୟକାଳ ମଧ୍ୟରେ ସେ କରିଥିବା ଉଲ୍ଲେଖନୀୟ କାର୍ଯ୍ୟକୁ ମନେ ପକାଇଛନ୍ତି ଓ କେନ୍ଦ୍ର ଶିକ୍ଷାମନ୍ତ୍ରୀ ଭାବେ ଭାରତର ଶିକ୍ଷା ବ୍ୟବସ୍ଥାରେ ଆଣିଥିବା ଯୁଗାନ୍ତକାରୀ ପଦକ୍ଷେପ ପାଇଁ ତାଙ୍କୁ ଧନ୍ୟବାଦ ଜଣାଇଛନ୍ତି ।

• 'ଉଚ୍ଚ ନୀତି ଆଦର୍ଶର ପରିଚାୟକ'

ଧର୍ମେନ୍ଦ୍ରଙ୍କ ଇସ୍ତଫା ପରେ ଶିକ୍ଷା କ୍ଷେତ୍ରରେ ଧର୍ମେନ୍ଦ୍ର ପ୍ରଧାନଙ୍କ ଅବଦାନକୁ ନେଇ ସୋସିଆଲ ମିଡିଆରେ ପୋଷ୍ଟ କରିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ଜାତୀୟ ଶିକ୍ଷା ନୀତି ଭଳି ଐତିହାସିକ ନୀତିକୁ କାର୍ଯ୍ୟକାରୀ କରିବା ସହ ଦେଶର କୋଟି କୋଟି ଛାତ୍ରଛାତ୍ରୀଙ୍କ ଭବିଷ୍ୟତକୁ ସୁଦୃଢ଼ କରିବା ପାଇଁ ଶିକ୍ଷାରେ ସେ ଅନେକ ଗୁରୁତ୍ୱପୂର୍ଣ୍ଣ ସଂସ୍କାର ଆଣିଛନ୍ତି । ବୃହତ୍ତର ସାମାଜିକ ହିତ ଓ ନୈତିକ ମୂଲ୍ୟବୋଧକୁ ପ୍ରାଥମିକତା ଦେଇ ପଦବୀରୁ ଇସ୍ତଫା ଦେବା ପାଇଁ ସେ ଗ୍ରହଣ କରିଥିବା ନିଷ୍ପତ୍ତି ତାଙ୍କ ଉଚ୍ଚ ନୀତି, ଆଦର୍ଶର ପରିଚାୟକ ବୋଲି ଲେଖିଛନ୍ତି ମୁଖ୍ୟମନ୍ତ୍ରୀ ।

As Union Minister of Education, Shri @dpradhanbjp led transformative reforms, including the historic National Education Policy (NEP 2020), laying a strong foundation for the future of millions of students across the nation. Prioritizing high moral values above all else, his… https://t.co/wTP17lVJ9X

— Mohan Charan Majhi (@MohanMOdisha) July 25, 2026

• ଧର୍ମେନ୍ଦ୍ରଙ୍କୁ ନେଇ ଏମିତି କହିଲେ ନିତିନ ନବୀନ

ସେହିପରି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ନିତିନ ନବୀନ ନିଜ ଏକ୍ସ ପୋଷ୍ଟରେ ଲେଖିଛନ୍ତି, "କେନ୍ଦ୍ର ଶିକ୍ଷା ମନ୍ତ୍ରୀ ଭାବରେ ଧର୍ମେନ୍ଦ୍ର ପ୍ରଧାନଙ୍କର ଭାରତର ଶିକ୍ଷା କ୍ଷେତ୍ରରେ ସଂସ୍କାର ଆଣିବା ଏବଂ ଅନ୍ୟାନ୍ୟ ପଦକ୍ଷେପ ସହିତ ଗୁରୁତ୍ୱପୂର୍ଣ୍ଣ 'ଜାତୀୟ ଶିକ୍ଷା ନୀତି (NEP 2020)'କୁ ସଫଳତାର ସହ କାର୍ଯ୍ୟକାରୀ କରିବାରେ ଏକ ପ୍ରମୁଖ ଭୂମିକା ଗ୍ରହଣ କରିଥିଲେ । ବୃହତ୍ତର ସ୍ୱାର୍ଥକୁ ପ୍ରାଥମିକତା ଦେଇ ତାଙ୍କର ପଦ ଛାଡ଼ିବାର ନିଷ୍ପତ୍ତି, ସାର୍ବଜନୀନ ଜୀବନରେ ସର୍ବୋଚ୍ଚ ନୈତିକତା ଏବଂ ନିଃସ୍ୱାର୍ଥପର ସେବାର ଉଦାହରଣ ପ୍ରଦାନ କରେ । ଏହି ନିଷ୍ପତ୍ତିରେ ଦଳ ଧର୍ମେନ୍ଦ୍ର ପ୍ରଧାନଙ୍କ ସହିତ ଦୃଢ଼ ଭାବରେ ଛିଡ଼ା ହୋଇଛି ।"

As Union Education Minister, Shri Dharmendra Pradhan Ji played a pivotal role in reforming India's education landscape and successfully implementing the landmark National Education Policy (NEP 2020), among other initiatives.

Prioritising larger interests, his decision to step… https://t.co/fJB5EnCBLk

— Nitin Nabin (@NitinNabin) July 25, 2026

ପଢନ୍ତୁ ଏହି ଖବର: ଛାତ୍ରଛାତ୍ରୀଙ୍କ ଉଜ୍ଜ୍ୱଳ ଭବିଷ୍ୟତର ରୂପକାର; କେନ୍ଦ୍ର ଶିକ୍ଷାମନ୍ତ୍ରୀ ଭାବେ ଧର୍ମେନ୍ଦ୍ର ପ୍ରଧାନଙ୍କ ଉଲ୍ଲେଖନୀୟ ଅବଦାନ

ଅନ୍ୟପଟେ କେନ୍ଦ୍ର ସଂସଦୀୟ ବ୍ୟାପାର ମନ୍ତ୍ରୀ କିରଣ ରିଜିଜୁ ଧର୍ମେନ୍ଦ୍ରଙ୍କ ଇସ୍ତଫା ପରେ ତାଙ୍କର ବିଭାଗ ପ୍ରତି ଅବଦାନକୁ ମନେ ପକାଇଛନ୍ତି । ସେ କହିଛନ୍ତି ଯେ ଶିକ୍ଷାମନ୍ତ୍ରୀ ଭାବେ ଧର୍ମେନ୍ଦ୍ରଙ୍କ ଯାତ୍ରା ସାର୍ବଜନୀନ ଜୀବନ ତଥା ଛାତ୍ର କଲ୍ୟାଣ କ୍ଷେତ୍ରରେ ତାଙ୍କର ଆଜୀବନ ନିଷ୍ଠାପର ସେବାର ଏକ ଜ୍ୱଳନ୍ତ ଉଦାହରଣ । ସେ କେନ୍ଦ୍ର କ୍ୟାବିନେଟରେ ଥିବାବେଳେ ଭାରତର ଶିକ୍ଷା ବ୍ୟବସ୍ଥାକୁ ସୁଦୃଢ଼ ​​କରିବା ଏବଂ ପ୍ରତ୍ୟେକ ନିଷ୍ପତ୍ତିର କେନ୍ଦ୍ରବିନ୍ଦୁରେ ଲକ୍ଷ ଲକ୍ଷ ଯୁବ ଛାତ୍ରଛାତ୍ରୀଙ୍କୁ ରଖିବା ଦିଗରେ ତାଙ୍କର ଆନ୍ତରିକ ଉତ୍ସର୍ଗୀକୃତ ମନୋଭାବକୁ ସେ ଅତି ନିକଟରୁ ଦେଖିଥିବା କହିଛନ୍ତି । ଏଭଳି ଏକ ଗୁରୁତ୍ୱପୂର୍ଣ୍ଣ କ୍ଷେତ୍ରର ନେତୃତ୍ୱ ନେବା ପାଇଁ ଅସାଧାରଣ ଦୃଢ଼ତା ଓ ସଂକଳ୍ପର ଆବଶ୍ୟକତା ରହିଥାଏ, ଯାହାକୁ ସେ ସାହସ ଓ ସ୍ପଷ୍ଟ ଦୂରଦୃଷ୍ଟି ସହ ଗ୍ରହଣ କରିଛନ୍ତି ବୋଲି ରିଜିଜୁ କହିଛନ୍ତି ।

True leadership is measured over decades & @dpradhanbjp ji’s journey stands as a testament to lifelong engagement with public life & student welfare.

Having worked alongside him in the Union Cabinet, I have seen his sincere dedication to strengthening India’s education ecosystem… pic.twitter.com/dNavUuVVh7

— Kiren Rijiju (@KirenRijiju) July 25, 2026