BJP Targets BJD / ବିଜେଡିକୁ ବିଜେପିର ଟାର୍ଗେଟ୍, ଔଷଧ ବିକଳରେ ନବୀନ ତାଟିଆ କାମୁଡ଼ୁଛନ୍ତି

ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କୁ ଘେରିଲା ବିଜେପି । ଦିଲ୍ଲୀରେ ବିଜେପି ସାଂସଦ ମିଳିତ ପ୍ରେସମିଟ୍‌ କରି ନବୀନଙ୍କୁ ଘେରିଛନ୍ତି । CJP ପ୍ରସଙ୍ଗରେ ନବୀନଙ୍କ ପ୍ରତିକ୍ରିୟାକୁ ନେଇ ବିଜେପି ସାଂସଦ ମିଳିତ ପ୍ରେସମିଟ କରି କଡ଼ା କାଉଣ୍ଟର କରିଛନ୍ତି । ପ୍ରେସମିଟ କରି ସାଂସଦ ଭର୍ତ୍ତୃହରି ମହତାବ କହିଛନ୍ତି, ବିଜେଡି ଭୁଲି ଯାଉଛି ତାଙ୍କ ଶାସନ ସମୟରେ କ'ଣ କରିଥିଲେ । ଔଷଧ ବିକଳରେ ନବୀନ ତାଟିଆ କାମୁଡୁଛନ୍ତି କହି ବିଜେପି କଟାକ୍ଷ କରିଛନ୍ତି ।

ଅଧିକ ପଢ଼ନ୍ତୁ: ବଦଳୁଛି ରାଜନୈତିକ ସମୀକରଣ; ନବୀନଙ୍କ ଗଡ଼ ହିଞ୍ଜିଳିରେ ପ୍ରଦୀପ ପାଣିଗ୍ରାହୀଙ୍କ ଏଣ୍ଟ୍ରି

ଚଟୁ ଆମିଷ ବେଣ୍ଟ ନିରାମିଷ ନ୍ୟାୟରେ ବିଜେଡି କହୁଛି ଆମେ CJP କୁ ସମର୍ଥନ କରୁନାହୁଁ କିନ୍ତୁ ଆମେ ଆନ୍ଦୋଳନକୁ ସମର୍ଥନ କରୁଛୁ । ନବୀନ ବାବୁ ହୁଏତ ଭାବୁଛନ୍ତି ଲୋକଙ୍କ ସ୍ମୃତି ଶକ୍ତି ବହୁତ କମ୍‌ ଏବଂ ସେମାନେ ସବୁ କିଛି ଭୁଲିଯାଇଛନ୍ତି । ମାତ୍ର ଓଡ଼ିଶାବାସୀଙ୍କୁ ଏତେ ଦୁର୍ବଳ ଭାବିବା ଆଦୌ ଉଚିତ ନୁହେଁ । ହିସାବ କଲେ ପ୍ରତ୍ୟେକ ବର୍ଷ ବିଭିନ୍ନ ପ୍ରତିଯୋଗିତାମୂଳକ ପରୀକ୍ଷାରେ କିଛି ନା କିଛି ଅଘଟଣ ଓ ଅନିୟମିତତା ଘଟି ଆସିଛି । ଯାହାର ସମ୍ପୂର୍ଣ୍ଣ ଚିଠା ଓ ପ୍ରମାଣ ଆଜି ଗଣମାଧ୍ୟମରେ ମଧ୍ୟ ଅନେକ ଥର ପ୍ରକାଶ ପାଇଛି । ଯେଉଁଭଳି ଭାବରେ ସେ CJP କୁ ସମର୍ଥନ କରିବାକୁ ଆଗେଇ ଆସିଛନ୍ତି, ତାହା ସେମାନଙ୍କର ନିମ୍ନ ମନୋବୃତ୍ତିର ପରିଚୟ ଦେଉଛି ବୋଲି ଭର୍ତ୍ତୃହରି ମହତାବ କହିଛନ୍ତି ।