Suvendu Adhikari PA Chandranath Rath: ନୂତନ ସରକାର ଗଠିତ ହେବା ପୂର୍ବରୁ ବୁଧବାର (ମେ ୬) ରାତିରେ ହୋଇଥିବା ଗୁଳିମାଡ଼ରେ କମ୍ପି ଉଠିଛି ପଶ୍ଚିମବଙ୍ଗ । ରାଜ୍ୟର ସମ୍ଭାବିଚ ପରବର୍ତ୍ତୀ ମୁଖ୍ୟମନ୍ତ୍ରୀ ତଥା ବିଜେପି ନେତା ଶୁଭେନ୍ଦୁ ଅଧିକାରୀଙ୍କ ଦୀର୍ଘଦିନର ନିକଟତର ସହଯୋଗୀଙ୍କୁ ବୁଧବାର ରାତିରେ କୋଲକାତା ନିକଟସ୍ଥ ମଧ୍ୟମଗ୍ରାମ ଅଞ୍ଚଳରେ ଗୁଳି କରି ହତ୍ୟା କରାଯାଇଛି। ଏହି ଘଟଣାକୁ ସ୍ଥାନୀୟ ଅଞ୍ଚଳରେ ଉତ୍ତେଜନା ସୃଷ୍ଟି ହୋଇଛି । ଖବର ପାଇବା ମାତ୍ରେ ପୋଲିସ ଏହି ଘଟଣାରେ ତଦନ୍ତ ଆରମ୍ଭ କରିଦେଇଛି।

ଗୁଳିମାଡ଼ରେ ପ୍ରାଣ ହରାଇଥିବା ବ୍ୟକ୍ତି ହେଉଛନ୍ତି ଚନ୍ଦ୍ରନାଥ ରଥ । ଯିଏ ଶୁଭେନ୍ଦୁ ଅଧିକାରୀଙ୍କ ବ୍ୟକ୍ତିଗତ ସହାୟକ ରହିଥିଲେ। ପ୍ରାରମ୍ଭିକ ସୂଚନା ଅନୁଯାୟୀ ଏହି ଘଟଣାରେ ଅଧିକାରୀଙ୍କ ବ୍ୟକ୍ତିଗତ ସହାୟକଙ୍କୁ ଟାର୍ଗେଟ କରି ପ୍ରାୟ ୪ ରାଉଣ୍ଡ ଫାୟାରିଂ କରାଯାଇଛି । ଚନ୍ଦ୍ରନାଥ ରଥଙ୍କୁ ତାଙ୍କ କାର୍ ରେ ଅତି ନିକଟରୁ ଗୁଳି କରାଯାଇଥିଲା । ଗୁଳିମାଡ଼ କାରଣରୁ ତାଙ୍କ ଛାତି ଏବଂ ମୁଣ୍ଡରେ ଆଘାତ ଲାଗିଥିଲା । ଗୁଳିମାଡ଼ ପରେ ତାଙ୍କୁ ନିକଟସ୍ଥ ହସ୍ପିଟାଲ ନିଆଯାଇଥିଲା । ହେଲେ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ହୋଇଥିଲା ।

ଏହା ସହ ପଢନ୍ତୁ: ଡିସିପି ଶାନ୍ତନୁ ସିହ୍ନା ବିଶ୍ୱାସ କିଏ? ଯାହଙ୍କ ବିରୋଧରେ ଜାରି ହୋଇଛି ଲୁକଆଉଟ୍ ନୋଟିସ୍

ଘଟଣାସ୍ଥଳରୁ ପ୍ରାରମ୍ଭିକ ସୂଚନା ଅନୁଯାୟୀ ଆକ୍ରମଣକାରୀ ଶୁଭେନ୍ଦୁ ଅଧିକାରୀଙ୍କ ବ୍ୟକ୍ତିଗତ ସହାୟକ ଚନ୍ଦ୍ରନାଥ ରଥଙ୍କ ଗାଡ଼ିକୁ ପିଛା କରୁଥିଲେ । ସେମାନଙ୍କ ମଧ୍ୟରୁ କେହି ଜଣେ ତାଙ୍କ ଗାଡ଼ିକୁ ପିଛା କରୁଥିଲେ । ଯେତେବେଳେ ଦତ୍ତଙ୍କ ଗାଡ଼ି ଧିର ହୋଇଯାଇଥିଲା, ସେତେବେଳେ ଆକ୍ରମଣକାରୀ ତାଙ୍କ ଉପରକୁ ଗୁଳି ଚଳାଇଥିଲେ । କେବଳ ଚନ୍ଦ୍ରନାଥ ରଥ ନୁହଁନ୍ତି ତାଙ୍କ ଗାଡ଼ି ଚଳାଉଥିବା ଡ୍ରାଇଭରଙ୍କୁ ମଧ୍ୟ ଗୁଳି ଲାଗିଛି । ସେ ଏବେ ଚିକିତ୍ସିତ ହେଉଛନ୍ତି । ଗୁଳିମାଡ଼ ଘଟଣା ପରେ ହସ୍ପିଟାଲ ବାହାରେ ସୁରକ୍ଷା ବ୍ୟବସ୍ଥାକୁ ବଢାଇ ଦିଆଯାଇଛି ।

କୋଲକାତା ଉପକଣ୍ଠସ୍ଥ ମଧ୍ୟମଗ୍ରାମ ଅଞ୍ଚଳରେ ଏହି ହତ୍ୟାକାଣ୍ଡ ଘଟିଛି । ଆକ୍ରମଣକାରୀଙ୍କ ବିଷୟରେ ବିବରଣୀ ଏବଂ ଘଟଣା ପଛରେ ରହିଥିବା କାରଣ ଏପର୍ଯ୍ୟନ୍ତ ଅସ୍ପଷ୍ଟ ରହିଛି । ପୋଲିସ ଏହି ଘଟଣାରେ ତଦନ୍ତ ଆରମ୍ଭ କରିଦେଇଛି । ଏହି ଘଟଣା ରାଜ୍ୟର ରାଜନୈତିକ ପାଣିପାଗକୁ ସରଗରମ କରିଦେଇଛି । ପଶ୍ଚିମବଙ୍ଗ ବିଧାନସଭା ନିର୍ବାଚନ ୨୦୨୬ ପାଇଁ ଫଳାଫଳ ଘୋଷଣା ହୋଇସାରିବା ରାଜ୍ୟର ବିଭିନ୍ନ ଛୋଟ ବଡ଼ ହିଂସାକାଣ୍ଡ ହେଉଥିବାର ଖବର ସାମ୍ନାକୁ ଆସୁଛି ।