ଗାନ୍ଧୀନଗର: ମହାନଗର ନିଗମ ନିର୍ବାଚନରେ ବିଜେପିର ବାଜିମାତ୍ । ଗୁଜରାଟରେ ହୋଇଥିବା ସମସ୍ତ ମହାନଗର ନିଗମରେ ବିଜୟୀ ହୋଇଛି ବିଜେପି । ରାଜକୋଟ, ଭଦୋଦରା ଓ ଅହମଦାବାଦ ସମେତ ସମସ୍ତ ୧୫ଟି ମହାନଗର ନିଗମରେ ବିଜେପି ଜିତିଛି ।

ବିଜେପିର ଐତିହାସିକ ବିଜୟ ପରେ ଅହମଦାବାଦରେ ଆୟୋଜିତ ହୋଇଛି ବିଜୟ ଉତ୍ସବ । ଯେଉଁଥିରେ ଗୁଜରାଟ ମୁଖ୍ୟମନ୍ତ୍ରୀ ଭୂପେନ୍ଦ୍ର ପଟେଲଙ୍କ ସହ ଉପମୁଖ୍ୟମନ୍ତ୍ରୀ ହର୍ଷ ସଂଘବୀ ଓ ରାଜ୍ୟ ବିଜେପି ସଭାପତି ଜଗଦୀଶ ବିଶ୍ଵକର୍ମା ସାମିଲ୍ ହୋଇଥିଲେ ।

ଏଥିସହ ପଢ଼ନ୍ତୁ: 'ପାଣ୍ଡିଆନ BJDରେ ରହିବା କଥା ଉଠିଲେ, ମୁଁ ପ୍ରଥମେ ଦଳ ଛାଡ଼ିବି': ବଦ୍ରି ପାତ୍ର 

ଅହମଦାବାଦ ମହାନଗର ନିଗମର ୧୯୨ ଆସନ ମଧ୍ୟରୁ ବିଜେପି ଏକାକୀ ୧୪୬ଟି ଅକ୍ତିଆର୍ କରିଛି । ଏଠି କଂଗ୍ରେସ ମାତ୍ର ୧୮ଟି ଆସନ ଜିତିବାରେ ସକ୍ଷମ ହୋଇଛି । ସେପଟେ ସୁରଟରେ ଗତ ନିର୍ବାଚନରେ ୨୭ଟି ଆସନ ଅକ୍ତିଆର୍ କରିଥିବା ଆମ୍ ଆଦମୀ ପାର୍ଟିକୁ ମାତ୍ର ୪ଟିରେ ସନ୍ତୁଷ୍ଟ ହେବାକୁ ପଡ଼ିଛି ।

The bond between Gujarat and the BJP gets even stronger!

Gratitude to the people of Gujarat for a sweeping mandate in the Mahanagarpalika, Nagarpalika, Taluka Panchayat and Zilla Panchayat elections held across the state. The people have voted for politics of good governance,…

— Narendra Modi (@narendramodi) April 28, 2026

ଗୁଜରାଟର ୧୫ଟି ମହାନଗର ନିଗମରେ ବିଜେପିର ବିପୁଳ ବିଜୟ ହୋଇଛି । ଯାହାକୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସୋସିଆଲ୍ ମିଡିଆ ଏକ୍ସରେ ଶୁଭେଚ୍ଛା ଜଣାଇଛନ୍ତି । ପ୍ରଧାନମନ୍ତ୍ରୀ ଲେଖିଛନ୍ତି, "ଗୁଜରାଟରେ ବିଜେପିର ବଡ଼ ପରିବାରକୁ ଶୁଭେଚ୍ଛା । ବିଜୟ ପାଇଁ ବିଜେପି କାର୍ଯ୍ୟକର୍ତ୍ତାଙ୍କ ପରିଶ୍ରମକୁ ଧନ୍ୟବାଦ । ବିଜେପି ସବୁବେଳେ ଲୋକଙ୍କ ସହ, ଲୋକଙ୍କ ସମସ୍ୟା ଅଛି । ସେଥିପାଇଁ ଆମ ଦଳକୁ ଲୋକେ ପୁଣି ପ୍ରଥମ ପସନ୍ଦ ଭାବେ ବାଛିଛନ୍ତି ।"

ଏଥିସହ ପଢ଼ନ୍ତୁ: ଶେଷ ହେଲା ପ୍ରଚାର; ବୁଧବାର ଅନ୍ତିମ ପର୍ଯ୍ୟାୟ ମତଦାନ 

ରାଜକୋଟ ମହାନଗର ନିଗମର ୭୨ଟି ଆସନରୁ ବିଜେପି ୬୫ଟି ଆସନରେ ପ୍ରଚଣ୍ଡ ବିଜୟ ହାସଲ କରିଛି । ଏଠି କଂଗ୍ରେସ ମାତ୍ର ୭ଟି ଆସନ ହାତେଇବାରେ ସକ୍ଷମ ହୋଇଛି । ଭଦୋଦରାର ୭୬ଟି ଆସନରୁ ୪୯ଟିରେ ବିଜେପି ବିଜୟୀ ହୋଇଥିବା ବେଳେ କଂଗ୍ରେସକୁ ମିଳିଛି ୬ଟି ଆସନ ।

ଗୁଜରାଟର ମହାନଗର ନିଗମ ନିର୍ବାଚନରେ ବିଜେପି ବାଜିମାତ୍ କରିଛି । ୧୫ଟି ମହାନଗର ନିଗମରେ ରେକର୍ଡ ବିଜୟ ହାସଲ କରିଛି । କଂଗ୍ରେସ ଦ୍ଵିତୀୟ ସ୍ଥାନରେ ରହିଥିବା ବେଳେ ଆମ୍ ଆଦମୀ ପାର୍ଟିକୁ ଲାଗିଛି ବଡ଼ ଝଟ୍‌କା ।