ବିଧାନସଭା ଅଚଳାବସ୍ଥା ନେଇ ବିଜେଡିକୁ ବିଜେପି ବିଧାୟକ ଜୟନାରାୟଣ ମିଶ୍ରଙ୍କ ନିଶାନା । ପ୍ରଥମ ଦିନରୁ ବିଜେଡିର ଏହା ଷ୍ଟ୍ରାଟେଜି ଥିଲା ଯେ ବିଧାନସଭାକୁ ଚାଲେଇଦେବେ ନାହିଁ । ବିଜେଡି ନେତା ବିଧାନସଭା ଆସିବାକୁ ଅକ୍ଷମ । ତେଣୁ ତାଙ୍କର ସୁପର ଲିଡର ଯିଏ ଅଛନ୍ତି ସେ କହିଛନ୍ତି ବିଧାନସଭା ଚଲାଇଦେବା ନାହିଁ । ତାଙ୍କର ଯଦି ଆନ୍ତରିକ ଇଚ୍ଛା ଥାଆନ୍ତା ସେମାନେ ଲେଖିକି ଦିଅନ୍ତେ ବୋଲି ଜୟନାରାୟଣ ମିଶ୍ର କହିଛନ୍ତି ।

ଅଧିକ ପଢ଼ନ୍ତୁ: କିଏ ହେବେ ଭୁବନେଶ୍ୱର କ୍ଲବର ପରବର୍ତ୍ତୀ ସଭାପତି ? ମୁହାଁମୁହିଁ ଦୁଇ ପୂର୍ବତନ ମୁଖ୍ୟ ଶାସନ ସଚିବ

ସେହିପରି ସେ ଆହୁରି କହିଛନ୍ତି, ପ୍ରଥମ ଦିନ କଂଗ୍ରେସ ସାର ଉପରେ ମୁଲତବୀ ଆଣିଥିଲା । ସେମାନେ ଯଦି ଏତେ ଚିନ୍ତିତ ତେବେ ସେଦିନ ଆଲୋଚନା କରିଥାନ୍ତେ । ସେମାନେ ସୁପର ଲିଡରଙ୍କ ନିର୍ଦ୍ଦେଶରେ ଏପରି କରୁଛନ୍ତି । ବରିଷ୍ଠ ନେତାମାନେ ମଧ୍ୟ ଲବିରେ କହୁଛନ୍ତି ଆମେ ନିର୍ଦ୍ଦେଶ ପାଇ ଗୃହ ବନ୍ଦ କରୁଛୁ । କିନ୍ତୁ ଗୃହରେ ଚୁପ୍ ରହୁଛନ୍ତି । ଦ୍ବିତୀୟ ସ୍ଥାନ ପାଇଁ ଏହି ପ୍ରତିଯୋଗିତା ଚାଲିଛି । କିଏ ସିଲଭର କିଏ ବ୍ରୋଞ୍ଜ ପାଇଁ ଆମର କିଛି ସେଥିରେ ନାହିଁ ବୋଲି ବିଜେପି ବିଧାୟକ ଜୟନାରାୟଣ ମିଶ୍ର କହିଛନ୍ତି ।