ନୂଆଦିଲ୍ଲୀ: ବଦଳିଥିଲା ରାଜ୍ୟ ନାଁ । ଏବେ ବଦଳିବାକୁ ଯାଉଛି କ୍ଷମତା । ଏକଜିଟ୍ ପୋଲର ଆକଳନ ଅନୁସାରେ, କେରଳର ନାଁ ବଦଳି କେରଳମ୍ ହୋଇଥିବା ବେଳେ ବଦଳିପାରେ ଶାସନଭାର ।

ଆକ୍ସିସ୍ ମାଇଁ ଇଣ୍ଡିଆ ଏକଜିଟ୍ ପୋଲ ସର୍ଭେ ଅନୁସାରେ, କେରଳ ବିଧାନସଭାରେ କଂଗ୍ରେସ ମେଣ୍ଟ UDF ବାଜି ମାରି ନେବ । ୧୪୦ ଆସନ ବିଶିଷ୍ଟ କେରଳ ବିଧାନସଭାରେ UDFକୁ ମିଳିପାରେ ୭୮ରୁ ୯୦ ଆସନ । ଆଉ ଏହି ଅଙ୍କ ହିଁ କହୁଛି, କେରଳରେ ମଜଭୁତ୍ ହେଉଛି UDF ।

ଏଥିସହ ପଢ଼ନ୍ତୁ: ରାଜନୀତିର ନୂଆ 'ସୁପରଷ୍ଟାର'; ବିଜୟ ଦୋହରାଇବେ କି MGR ଓ NTRଙ୍କ ଇତିହାସ ? 

ସେହିଭଳି LDFକୁ ଏଠି ୪୯ରୁ ୬୨ ଆସନ ମିଳିପାରେ । ବିଜେପିକୁ ମିଳିପାରେ ୩ଟି ଆସନ । ପିପୁଲ୍ସ ଇନସାଇଟ୍ ଅନୁସାରେ, କେରଳରେ UDF ୬୬ରୁ ୭୬ ଆସନ ପାଇବ । LDFକୁ ମିଳିବ ୫୮ରୁ ୬୮ଟି ସିଟ୍ । ବିଜେପି ଖାତାକୁ ଯିବ ୧୦ରୁ ୧୪ ଆସନ ।

ସମସ୍ତ ଏକଜିଟ୍ ପୋଲ ଆକଳନ ଦେଖିଲେ କେରଳରେ ପରିବର୍ତ୍ତନର ଆଭାସ ଆସୁଛି । ଅର୍ଥାତ୍ କ୍ଷମତା ପରିବର୍ତ୍ତନର ଇସାରା ଦେଉଛି ବୁଥ୍ ବାହୁଡ଼ା ମତ । ତେବେ କେରଳରେ କିଏ ବାଜିମାତ୍ କରିବ ତାହା ମେ ୪ ତାରିଖରେ ଜଣାପଡ଼ିବ ।

ଏଥିସହ ପଢ଼ନ୍ତୁ: ପଶ୍ଚିମବଙ୍ଗରେ ଭାଙ୍ଗିବ TMC ଗଡ଼; ବିଜେପି ଏକାକୀ ସରକାର ଗଢ଼ିବା ନେଇ Exit Pollର ଆକଳନ 

ପୁଡୁଚେରୀ ଏକଜିଟ୍ ପୋଲ

ସେପଟେ ପୁଡୁଚେରୀରେ କ୍ଷମତାସୀନ ମେଣ୍ଟକୁ ଜନତା ପସନ୍ଦ କରୁଥିବା ଏକଜିଟ୍ ପୋଲରେ ଆକଳନ କରାଯାଇଛି । କେନ୍ଦ୍ର ଶାସିତ ପ୍ରଦେଶ ପୁଡୁଚେରୀରେ ମୋଟ ୩୦ଟି ଆସନ ଥିବାବେଳେ ବହୁମତ ହେଉଛି ୧୭ ।

ବିଜେପି ମେଣ୍ଟକୁ ବହୁମତ

ପୁଡୁଚେରୀ ବିଧାନସଭା ନିର୍ବାଚନ ଏକଜିଟ୍ ପୋଲରେ ଏନଡିଏକୁ ବହୁମତ ମିଳିବା ଆକଳନ କରାଯାଇଛି । ଆକ୍ସିସ୍ ମାଇଁ ଇଣ୍ଡିଆ ସର୍ଭେରେ ଏନଡିଏକୁ ୧୬ରୁ ୨୦ ଆସନ ମିଳିବା ଅନୁମାନ କରାଯାଇଥିବା ବେଳେ କଂଗ୍ରେସ ୬ରୁ ୮ଟି ଏବଂ ଅନ୍ୟମାନଙ୍କୁ ୩ରୁ ୭ଟି ସିଟ୍ ମିଳିପାରେ ।