Nitin Nabin Election Mantra / ସରକାରରେ ରହି କେମିତି ଜିତି ହେବ ନିର୍ବାଚନ, ବୈଠକରେ ମନ୍ତ୍ର ଦେଲେ ରାଷ୍ଟ୍ରୀୟ ସଭାପତି

ନୂଆ ରାଷ୍ଟ୍ରୀୟ ସଭାପତି ନିତିନ ନବୀନଙ୍କ ମନ୍ତ୍ର ନେଇ, ନୂଆ ଯୋଶରେ ରାଜ୍ୟ ବିଜେପି କ୍ୟାମ୍ପ । ମିଶନ ପଞ୍ଚାୟତ, ଆଉ ତା ପୂର୍ବରୁ ୩ ମାସର ଟାସ୍କ ଧରାଇଛନ୍ତି ନିତିନ ନବୀନ । ପୁଣି ଥରେ ଜୁଲାଇରେ ଓଡ଼ିଶା ଆସି କରିବେ ସମୀକ୍ଷା । ଏହା ସହ ବଢିଛି ବୋର୍ଡ ନିଗମ ନିଯୁକ୍ତି ଆଉ ମନ୍ତ୍ରୀ ମଣ୍ଡଳ ସଂପ୍ରସାରଣ ଚର୍ଚ୍ଚା ।

ସରକାରରେ ରହି କେମିତି ଜିତି ହେବ ନିର୍ବାଚନ । ମାରାଥନ ବୈଠକ କରି ମନ୍ତ୍ର ଦେଇଛନ୍ତି ରାଷ୍ଟ୍ରୀୟ ସଭାପତି ନିତିନ ନବୀନ । ମିଶନ ପଞ୍ଚାୟତ ଆଉ ସୋସିଆଲ ମିଡିଆ ପାଇଁ ନେତାଙ୍କୁ ବି ଦେଇଛନ୍ତି ଟାକ୍ସ । ପ୍ରବାସ କରିବାକୁ ବିଧାୟକ, ସାଂସଦ ଏବଂ ମନ୍ତ୍ରୀଙ୍କୁ ଦେଇଛନ୍ତି ନିର୍ଦ୍ଦେଶ । ୩ ମାସ ପରେ ପୁଣି ଓଡ଼ିଶା ଆସି କରିବେ ସମୀକ୍ଷା । ଦୁଇ ଦିନିଆ ଗସ୍ତରେ ମାରାଥନ ବୈଠକ କରି ନେତାଙ୍କୁ ବାଣ୍ଟିଲେ ଅଲଗା ଅଲଗା ଦାୟିତ୍ଵ । ସରକାର ଏବଂ ସଙ୍ଗଠନ ଭିତରେ ସମନ୍ବୟକୁ ଗୁରୁତ୍ଵ ଦେଇ ନିତିନ ନବୀନ କହିଥିଲେ ବାରମ୍ବାର ବୈଠକରେ ଏକାଠି ବସିବେ ଜନ ପ୍ରତିନିଧି ଓ ସଙ୍ଗଠନ ଦାୟିତ୍ଵରେ ଥିବା ନେତା ।

ଅଧିକ ପଢ଼ନ୍ତୁ: ୨୦୩୬ ବିକଶିତ ଓଡ଼ିଶା ଗଠନରେ ରୋଡ୍‌ ମ୍ୟାପ୍‌ ନେଇ ୫ ପରାମର୍ଶ ଦେଲେ ନିତିନ ନବୀନ

ମାସର ପ୍ରଥମ ସପ୍ତାହରେ ମଣ୍ଡଳ, ଦ୍ଵିତୀୟ ସପ୍ତାହରେ ଜିଲ୍ଲା, ତୃତୀୟ ସପ୍ତାହରେ ଶକ୍ତି କେନ୍ଦ୍ର ଏବଂ ଚତୁର୍ଥ ସପ୍ତାହରେ ମନ୍‌ କି ବାତ୍‌ କାର୍ଯ୍ୟକ୍ରମରେ ନିଜେ ସାମିଲ ହେବାକୁ ବିଧାୟକ ସାଂସଦମାନଙ୍କୁ ନିର୍ଦ୍ଦେଶ ଦିଆଯାଇଛି । ନିର୍ବାଚନ ଜିତିବାକୁ ନିୟମିତ ଲୋକ ସଂପର୍କ ପାଇଁ ପ୍ରବାସ କାର୍ଯ୍ୟକ୍ରମ ଉପରେ ଗୁରୁତ୍ଵ ଦେଇଛନ୍ତି । ମାସର ପ୍ରଥମ ସପ୍ତାହରେ ୭ଟି ନିର୍ବାଚନ ମଣ୍ଡଳୀରେ ପ୍ରବାସ କରିବେ ସାଂସଦ । ପଦାଧିକାରୀ ବୈଠକରେ ବି ପଦପଦବୀରେ ଥିବା ନେତାଙ୍କୁ ବି ପ୍ରବାସ କରିବାକୁ ନିର୍ଦ୍ଦେଶ ଦେଇଛନ୍ତି ରାଷ୍ଟ୍ରୀୟ ସଭାପତି ।

ପ୍ରଶିକ୍ଷିଣ ଶିବିର ଓ ପଦାଧିକରାରୀ ବୈଠକରେ ସୋସିଆଲ ମିଡିଆ ଉପରେ ଗୁରୁତ୍ଵ ଦେଇଥିଲେ ନିତିନ ନବୀନ । ସୋସିଆଲ ମିଡିଆରେ ବିଧାୟକ ସାଂସଦମାନେ କେତେ ଆକ୍ଟିଭ । ଦିନକୁ କେତେ ପୋଷ୍ଟ କରୁଛନ୍ତି, ରାଜ୍ୟ ଏବଂ କେନ୍ଦ୍ରର କେତେ ଯୋଜନା ସେୟାର କରୁଛନ୍ତି ପଚାରି ବୁଝିଥିଲେ । ତଳ ସ୍ତରର କର୍ମୀଙ୍କୁ ବି ସୋସିଆଲ ମିଡିଆରେ ଆକ୍ଟିଭ ରଖିବାକୁ ନେତାଙ୍କୁ ଦେଇଥିଲେ ନିର୍ଦ୍ଦେଶ । ବିରୋଧୀଙ୍କ ଫେକ୍ ନେରେଟିଭକୁ କାଉଣ୍ଟର କରିବା ସହ ସୋସିଆଲ ମିଡିଆରେ ସରକାରଙ୍କ ଛବିକୁ ଜଗିବାକୁ ଆହ୍ଵାନ ଦେଇଥିଲେ ନିତିନ ନବୀନ । ଯାହାକୁ ପାଥେୟ କରି ଆଗକୁ କାମ କରିବେ ବୋଲି କହିଛନ୍ତି ବିଜେପି ନେତା ଓ କର୍ମୀ । ନିତିନ ନବୀନଙ୍କ ନୂଆ ମନ୍ତ୍ର ଆଗାମୀ ଦିନରେ ବିଜେପି ସଙ୍ଗଠନ ପାଇଁ କେତେ ଶକ୍ତି ବର୍ଦ୍ଧକ ହେଉଛି ତାଉପରେ ନଜର ।