UP Politics Today / 'ଲାଲ ଟୋପି ଛାଡି ନୀଳ ଟୋପି ଏବଂ କୁର୍ତ୍ତା ସିଲେଇ କର; ତଥାପି ସହ ସପା ଆସିବେ ନାହିଁ ଦଳିତ'

ଆସନ୍ତା ବର୍ଷ ହେବାକୁ ଯାଉଛି ଉତ୍ତର ପ୍ରଦେଶ ବିଧାନସଭା ନିର୍ବାଚନ। ହେଲେ ଏହା ପୂର୍ବରୁ ବିଭିନ୍ନ ଦଳ ମଧ୍ୟରେ ରାଜନୈତିକ ବୟାନବାଜିକୁ ନେଇ ସରଗରମ ହୋଇ ଉଠିଛି ରାଜ୍ୟ ରାଜନୀତି। ଏହିକ୍ରମରେ ଉତ୍ତର ପ୍ରଦେଶ ସରକାରଙ୍କ କ୍ୟାବିନେଟ ମନ୍ତ୍ରୀ ଏବଂ ସୁହଲଦେବ ଭାରତୀୟ ସମାଜ ପାର୍ଟି (SBSP) ମୁଖ୍ୟ ଓମ ପ୍ରକାଶ ରାଜଭର, ପୁନର୍ବାର ସମାଜବାଦୀ ପାର୍ଟି (ସପା) ଅଧ୍ୟକ୍ଷ ଅଖିଳେଶ ଯାଦବଙ୍କୁ କରିଛନ୍ତି ଟାର୍ଗେଟ। ସେ ସପା ମୁଖିଆଙ୍କ ସାମ୍ପ୍ରତିକ ରାଜନୈତିକ ରଣନୀତି ଉପରେ ପ୍ରଶ୍ନ ଉଠାଇଛନ୍ତି। ମନ୍ତ୍ରୀ ରାଜଭର ଅଶୋକ ଜୟନ୍ତୀରେ ଛୁଟି ଦାବି, ସହାରନପୁର ବିବାଦ, ମୌଲାନା ତୌକୀର ରାଜାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଏବଂ ଦଳିତ ଭୋଟ୍ ହାସଲ ପାଇଁ ନୀଳ ପୋଷାକ ପିନ୍ଧୁଥିବା ସପା ନେତାଙ୍କୁ ସମାଲୋଚନା କରିଛନ୍ତି। ମନ୍ତ୍ରୀ କହିଛନ୍ତି ଯେ କେବଳ ପ୍ରତୀକ ଏବଂ ରଙ୍ଗ ପରିବର୍ତ୍ତନ କରିବା ଦ୍ୱାରା ରାଜନୈତିକ ବିଶ୍ୱସନୀୟତା ସୃଷ୍ଟି ହୁଏ ନାହିଁ। ସେ ସପା-କଂଗ୍ରେସ ମେଣ୍ଟ, ବିଧାୟକଙ୍କ ଉପରେ ଚାପ ଅଭିଯୋଗ ଏବଂ PDA ରାଜନୀତି ସମ୍ପର୍କରେ ବିରୋଧି ପକ୍ଷଙ୍କୁ ଟାର୍ଗେଟ କରିଛନ୍ତି।

ଅଖିଳେଶ ଯାଦବ ଭୟଭୀତ: ମନ୍ତ୍ରୀ ରାଜଭର
ସମ୍ରାଟ ଅଶୋକଙ୍କ ଜୟନ୍ତୀରେ ଛୁଟି ପାଇଁ ଅଖିଳେଶ ଯାଦବଙ୍କ ଦାବିକୁ ବିରୋଧ କରିଛନ୍ତି ମନ୍ତ୍ରୀ ଓପି ରାଜଭର। ଏନେଇ ସେ କହିଛନ୍ତି ଯେ ଅଖିଳେଶ ଯାଦବ କେବଳ ରାଜନୈତିକ ବୟାନ ଦେଉଛନ୍ତି। ସେ ଯାହା କହିଛନ୍ତି ତାହାର କୌଣସି ବାସ୍ତବତା ନାହିଁ। କାରଣ ୫ ବର୍ଷ ଧରି ଉତ୍ତର ପ୍ରଦେଶର ମୁଖ୍ୟମନ୍ତ୍ରୀ ଥିବା ସମୟରେ କାହିଁକି ଏକଥା ସେ ମନେ ରଖି ନଥିଲେ? ସତ କଥା ହେଉଛି କ୍ଷମତାରୁ ହଟିବା ପରେ ହିଁ ସେ ସବୁକିଛି ମନେ ରଖୁଛନ୍ତି। ସରକାର ସପା ବିଧାୟକଙ୍କ ଉପରେ ଚାପ ପକାଇବା ଅଭିଯୋଗକୁ ସମ୍ପୂର୍ଣ୍ଣ ପ୍ରତ୍ୟାଖ୍ୟାନ କରିବା ସହିତ, ମନ୍ତ୍ରୀ କହିଛନ୍ତି ଯେ ଅଖିଳେଶ ଯାଦବ ନିଜେ ଭୟଭୀତ। ସରକାର ତାଙ୍କ ବିଧାୟକଙ୍କୁ ଚାପ ପକାଇବାର କୌଣସି ଆବଶ୍ୟକତା ନାହିଁ। ସେମାନେ ସ୍ୱେଚ୍ଛାକୃତ ଭାବରେ ଏକାଠି ହେଉଛନ୍ତି। ଏମଏଲସି (MLC) ନିର୍ବାଚନରେ ​​ମଧ୍ୟ ସପା ସଦସ୍ୟ ସ୍ୱେଚ୍ଛାକୃତ ଭାବରେ ଭୋଟ ଦେଇଥିଲେ। ସେତେବେଳେ ସେମାନଙ୍କ ଉପରେ କିଏ ଚାପ ପକାଇଥିଲା?

ଏହା ସହ ପଢନ୍ତୁ: ୧୮ ପ୍ରତିଶତ ଭୋଟ୍ ପାଇଁ ଏତେ ଭୟଭୀତ କାହିଁକି? ଅଖିଳେଶଙ୍କୁ ରାଜଭରଙ୍କ କଟାକ୍ଷ

କୋର୍ଟ ନୋଟିସ ଜାରି ହେବା ସମୟରେ କେଉଁଠି ଥିଲେ ସପା-କଂଗ୍ରେସ ନେତା?
ସହାରନପୁର ଯାଇଥିବା ବିରୋଧି ପ୍ରତିନିଧିମଣ୍ଡଳୀକୁ ଟାର୍ଗେଟ କରିଛନ୍ତି ମନ୍ତ୍ରୀ ରାଜଭର। ଏନେଇ ସେ କହିଛନ୍ତି ଯେ ସେମାନେ କେବଳ ଫତିହା ପଢି ପାରିବେ ଏବଂ ଅନ୍ୟ କିଛି କରିବେ ନାହିଁ। କୋର୍ଟ ନୋଟିସ ଜାରି ହେବା ସମୟରେ ସପା-କଂଗ୍ରେସ ନେତା କେଉଁଠି ଶୋଇଥିଲେ। ସେମାନେ ସେମାନଙ୍କ ମାମଲା ନେଇ କୋର୍ଟ କାହିଁକି ଗଲେ ନାହିଁ?

ତୌକୀର ରଜା ରାଜ୍ୟରେ ଦଙ୍ଗା ସୃଷ୍ଟି କରିବାକୁ ଚାହୁଁଥିଲେ: ମନ୍ତ୍ରୀ ରାଜଭର
ବରେଲି ମୌଲାନା ତୌକୀର ରଜା ଖାନଙ୍କ ବିରୋଧରେ ନିଆଯାଇଥିବା କାର୍ଯ୍ୟାନୁଷ୍ଠାନକୁ ଯଥାର୍ଥ ଦର୍ଶାଇଛନ୍ତି ମନ୍ତ୍ରୀ ଓପି ରାଜଭର। ଏନେଇ ସେ କହିଛନ୍ତି ଯେ ପ୍ରଶାସନ ସଠିକ୍ ପଦକ୍ଷେପ ନେଇଛି। ମୌଲାନା ତୌକୀର ରଜା ଖାନ୍ ରାଜ୍ୟରେ ଦଙ୍ଗା ସୃଷ୍ଟି କରିବାକୁ ଚାହୁଁଥିଲେ। ସେ ଭାବିଥିଲେ ଯେ ଯେପରି ସେମାନେ ସମାଜବାଦୀ ସରକାର ଶାସନ ସମୟରେ ଦଙ୍ଗା କରିଥିଲେ, ଏବେ ସେପରି ଦଙ୍ଗା କରି ଖସିଯିବେ। ହେଲେ ଏହା ଯୋଗୀ ଆଦିତ୍ୟନାଥଙ୍କ ଶାସନ। ସମ୍ବିଧାନ ରାଜ୍ୟକୁ ଶାସନ କରେ ଏବଂ ଯିଏ ଆଇନକୁ ନିଜ ହାତରେ ନେବ ତାଙ୍କୁ କଠୋର ଦଣ୍ଡ ମିଳିବ।

ଏହା ସହ ପଢନ୍ତୁ:  ଅଖିଲେଶ ଯାଦବଙ୍କୁ ଓପି ରାଜଭରଙ୍କ ଟାର୍ଗେଟ; ଏନଡିଏ ମେଣ୍ଟରେ ଆସନ ବାଣ୍ଟିବାକୁ ସେ କିଏ?

'କେବଳ ପୋଷାକ ବଦଳାଇ କୌଣସି ଦଳିତ ସେମାନଙ୍କ ସହିତ ଯୋଗଦେବେ ନାହିଁ'
ନୀଳ ପୋଷାକ ପିନ୍ଧି ଦଳିତଙ୍କୁ ଆକର୍ଷିତ କରିବା ପାଇଁ ସପା ନେତାଙ୍କ ପ୍ରୟାସକୁ କଟାକ୍ଷ କରିଛନ୍ତି ମନ୍ତ୍ରୀ ଓପି ରାଜଭର। ଏନେଇ ସେ କହିଛନ୍ତି ଯେ କୌଣସି ଦଳିତ କେବଳ ପୋଷାକ ବଦଳାଇ ସେମାନଙ୍କ ସହିତ ଯୋଗଦେବେ ନାହିଁ। ଅଖିଳେଶ ଯାଦବ ତାଙ୍କର ଲାଲ ଟୋପିକୁ ନୀଳ ରଙ୍ଗରେ ବଦଳାଇବା, ନୀଳ ପତାକା ଉତ୍ତୋଳନ କରିବା ଏବଂ ନୀଳ ରଙ୍ଗର କୁର୍ତ୍ତା ସିଲେଇ କରିବା ଆବଶ୍ୟକ। ତାହେଲେ ହୁଏତ କେହି ବିଚାର କରିବେ। ଏପରି ପ୍ରଦର୍ଶନୀର କୌଣସି ପ୍ରଭାବ ପଡ଼ିବ ନାହିଁ।ସପା ସରକାର ସମୟରେ ପଦୋନ୍ନତିରେ ସଂରକ୍ଷଣ ଉଚ୍ଛେଦ କରାଯାଇଥିଲା। ଦଳିତଙ୍କ ଉପରେ ଅତ୍ୟାଚାର କରାଯାଇଥିଲା ଏବଂ କାଂଶୀରାମଙ୍କ ନାମରେ ନାମିତ ଜିଲ୍ଲାର ବଦଳାଇ ଦିଆଯାଇଥିଲା। ଏପରି ପରିସ୍ଥିତିରେ, ସପା ଦଳିତଙ୍କୁ କିପରି ସାମ୍ନା କରିପାରିବ?