ରାଜ୍ୟସଭା ନିର୍ବାଚନ ପାଇଁ ସମୟ ଯେତିକି ପାଖଉଛି, ସେତିକି ସରଗରମ ହେଉଛି ରାଜ୍ୟ ରାଜନୀତି । ଆଉ ରାଜ୍ୟସଭା ନିର୍ବାଚନକୁ ନେଇ ନବୀନ ଦେଇଥିବା ଘୋଡ଼ା ବେପାର ପ୍ରସଙ୍ଗରେ କଡ଼ା କାଉଣ୍ଟର କରିଛନ୍ତି ପ୍ରତାପ ଷଡ଼ଙ୍ଗୀ । ନବୀନଙ୍କ ବିରୋଧରେ ସାଂଘାତିକ ଅଭିଯୋଗ ଆଣି ପ୍ରତାପ କହିଲେ, ଅତୀତରେ ଘୋଡା ବେପାରରେ ମୋତେ ଅଫର କରିଥିଲେ ନବୀନ । ମୋତେ କିଣିବାକୁ ଚେଷ୍ଟା କରିଥିଲେ । ଆଉ ଏଥିପାଇଁ ନବୀନ ୩ ଜଣ ବିଧାୟକଙ୍କୁ ପଠାଇଥିଲେ । ତେବେ ମୁଁ ମନା କରିଥିଲି ବୋଲି ପ୍ରତାପ କହିଛନ୍ତି ।

ନବୀନ ଏବେ ବି ଚାହୁଁଛନ୍ତି ହେଲେ କରିପାରୁନାହାନ୍ତି, କାହିଁକି ନା କ୍ଷମତା ଆଉ ନାହିଁ । ସେଥିପାଇଁ ସେ ଏମିତି ଘୋଡା ବେପାର କଥା କହୁଛନ୍ତି । ବିଜେପି ଘୋଡା ବେପାର କରୁନି ବୋଲି ପ୍ରତାପ ଷଡ଼ଙ୍ଗୀ କହିଛନ୍ତି ।

ସେହିପରି ନବୀନ ପଟ୍ଟନାୟକଙ୍କୁ କାଉଣ୍ଟର କରିଛନ୍ତି ବରିଷ୍ଠ ବିଜେପି ନେତା ଜୟନାରାୟଣ ମିଶ୍ର । ସେ କହିଛନ୍ତି, ନବୀନ ବାବୁ ମୁଖ୍ୟମନ୍ତ୍ରୀ ଥିବା ବେଳେ ତାଙ୍କର ଘୋଡା ବେପାରର ଅଭିଜ୍ଞତା ଅଛି । କାମଳ ରୋଗୀଙ୍କୁ ସବୁ ହଳଦିଆ ଦେଖାଯାଏ ବୋଲି କହି ଟାର୍ଗଟ୍‌ କଲେ ଜୟନାରାୟଣ ମିଶ୍ର । ଆମେ ଘୋଡା ବେପାର କରୁ ନାହୁଁ । ସେମାନେ ଆମକୁ ଭୋଟ୍‌ ଦେଉଛନ୍ତି ଆମେ ନେଉଛୁ । ଏହି ମନ୍ତବ୍ୟ ଦେବା ସହିତ ନବୀନ ବାବୁ ଆଡମିଟ୍‌ କରିଦେଲେ ସେ ହାରିସାରିଲେଣି । ଆମେ ଘୋଡା ବେପାର କରୁନାହୁଁ ବିବେକାନୁମୋଦିତ ଭୋଟ୍‌ ଦେବା ପାଇଁ ଅନୁରୋଧ କରୁଛୁ ବୋଲି କହିଛନ୍ତି ଜୟନାରାୟଣ ମିଶ୍ର ।

ଏଥିସହ ପଢ଼ନ୍ତୁ: ବାଜି ମାରିନେଲା ବିଜେପି; ବିରୋଧି ଚିତପଟାଙ୍ଗ