ନୂଆଦିଲ୍ଲୀ: ଆମ୍ ଆଦମୀ ପାର୍ଟିକୁ ଝଟ୍‌କା । ଦଳ ଛାଡ଼ିଲେ ରାଘବ ଚଢ଼ାଙ୍କ ୭ ଜଣ ଆପ୍ ସାଂସଦ । ଆପ୍ ଛାଡ଼ି ରାଘବ ଚଢ଼ା ଅନ୍ୟ ସାଂସଦମାନଙ୍କ ସହ ବିଜେପିରେ ମିଶିବାକୁ ଘୋଷଣା କରିଛନ୍ତି ।

ଆପ୍‌କୁ ଭର୍ତ୍ସନା, ବିଜେପିକୁ ପ୍ରଶଂସା

ଆମ୍ ଆଦମୀ ପାର୍ଟି ଛାଡ଼ିବା ନେଇ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ରାଘବ ଚଢ଼ା । ସେ କହିଛନ୍ତି, "ଯେଉଁ ଆମ୍ ଆଦମୀ ପାର୍ଟିକୁ ମୁଁ ମୋର ରକ୍ତ ଓ ଝାଳ ଦେଇ, ଜୀବନର ୧୫ ବର୍ଷ ଦେଇଥିଲି । ସେହି ଦଳ ଆଜି ଦଳୀୟ ସିଦ୍ଧାନ୍ତ ଠାରୁ, ମୌଳିକ ନୀତି ଠାରୁ ଦୂରେଇ ଯାଇଛି । ଏବେ ଦଳ ଦେଶର ସ୍ଵାର୍ଥ ପାଇଁ ନୁହେଁ, ବରଂ ବ୍ୟକ୍ତିଗତ ଫାଇଦା ପାଇଁ କାମ କରୁଛନ୍ତି ।"

VIDEO | Delhi: During a press conference, Rajya Sabha MP Raghav Chadha (@raghav_chadha) says, “The Aam Aadmi Party, which I nurtured with my blood and sweat and to which I gave 15 years of my youth, has now completely deviated from its principles, values, and core morals. The… pic.twitter.com/l8J9e9gspF

— Press Trust of India (@PTI_News) April 24, 2026

ଏଥିସହ ପଢ଼ନ୍ତୁ: ଆମ୍‌ ଆଦମୀ ପାର୍ଟିରୁ ରାଘବ ଚଢ଼ାଙ୍କ ଇସ୍ତଫା; ୩ ସାଂସଦଙ୍କ ସହ ବିଜେପିରେ ମିଶିବେ

ସବୁ କହିଦେଲେ ରାଘବ

ରାଘବ ଚଢ଼ା ଆହୁରି କହିଛନ୍ତି, "ଆପଣମାନେ ପ୍ରାୟ ବର୍ଷେ ହେଲା ମୋତେ ପଚାରୁଥିଲେ, ମୁଁ କାହିଁକି ଦଳୀୟ କାର୍ଯ୍ୟକ୍ରମ ଠାରୁ ଦୂରରେ ? ଦଳ ଠାରୁ ଅଲଗା କାହିଁକି ରହୁଥିଲି ? ସେତେବେଳେ ଚୁପ୍ ରହୁଥିଲି । ମୁଁ ଚେଷ୍ଟା କରୁଥିଲି ସବୁକିଛି ଠିକ୍ ହେଇ ଯାଉ ।"

#WATCH | 2/3rd MPs of AAP in Rajya Sabha announce merging with the BJP.

AAP MP Raghav Chadha says, "...I am telling you the real reason as to why I distanced myself from party activities. I did not want to be a part of their crimes. I was not eligible for their friendship… pic.twitter.com/2bo15cJIx7

— ANI (@ANI) April 24, 2026

ପାପରେ ସାମିଲ୍ ନାହିଁ

ଆଜି ମୁଁ ଆପଣମାନଙ୍କୁ ପ୍ରକୃତ କାରଣ କହୁଛି । କାହିଁକି ନିଜକୁ ଦଳ ଠାରୁ ଦୂରେଇ ରଖିଥିଲି । ଏହାର କାରଣ ହେଲା, ମୁଁ ସେମାନଙ୍କ ପାପରେ ସାମିଲ୍ ହେବାକୁ ଚାହୁଁ ନଥିଲି । ଆଜି ଆମେ ଏମିତି ଏକ ସ୍ଥିତିରେ ଅଛୁ, ଯେଉଁଠି ଆମ ପାଖରେ ୨ଟି ବିକଳ୍ପ । ଗୋଟିଏ ହେଉଛି ରାଜନୀତି ଛାଡ଼ିଦେବା ଅନ୍ୟଟି ୧୫ ବର୍ଷ ଧରି ସାର୍ବଜନୀନ ଭାବେ କରିଥିବା ତ୍ୟାଗକୁ, ଅନୁଭବକୁ, ଅଭିଜ୍ଞତାକୁ, କ୍ଷମତାକୁ ନେଇ ସକରାତ୍ମକ ରାଜନୀତି କରିବା ।

#WATCH | 2/3rd MPs of AAP in Rajya Sabha announce merging with the BJP.

AAP MP Raghav Chadha says, "There are 10 AAP MPs in the Rajya Sabha, more than 2/3rd of them are with us in this. They have signed and this morning we submitted the signed letter and documents to the Rajya… pic.twitter.com/mn4kuYs2ht

— ANI (@ANI) April 24, 2026

ଏଥିସହ ପଢ଼ନ୍ତୁ: କିଏ ସେ ୭ ସାଂସଦ ? ଆପ୍ ଛାଡ଼ି ବିଜେପିରେ ମିଶିବେ; ନାଁ କହିଦେଲେ ରାଘବ

ରାଘବ ଚଢ଼ା ଆହୁରି କହିଛନ୍ତି ଯେ, "ଆମେ ନିଷ୍ପତ୍ତି ନେଇଛୁ ଆମ୍ ଆଦମୀ ପାର୍ଟିର ଦୁଇ ତୃତୀୟାଂଶ ସାଂସଦ ବିଜେପିରେ ମିଶିବୁ ଏବଂ ଏଥିପାଇଁ ଆମେ ପଦକ୍ଷେପ ନେଇ ସାରିଛୁ । ରାଜ୍ୟସଭାରେ ଆପ୍‌ର ୧୦ ସାଂସଦଙ୍କ ମଧ୍ୟରୁ ଆମ ସହ ଦୁଇ ତୃତୀୟାଂଶ ସଦସ୍ୟ ଅଛନ୍ତି । ଆଜି ସକାଳେ ଆମେ ରାଜ୍ୟସଭା ଅଧ୍ୟକ୍ଷଙ୍କୁ ହସ୍ତାକ୍ଷର କରି ଡକ୍ୟୁମେଣ୍ଟ ଦେଇଛୁ । ଆମ ସହ ହରଭଜନ ସିଂହ, ସ୍ଵାତୀ ମାଲିୱାଲ, ରାଜେନ୍ଦ୍ର ଗୁପ୍ତା, ସନ୍ଦୀପ ପାଠକ, ବିକ୍ରମଜିତ ସାହନୀ ଓ ଅଶୋକ ମିତ୍ତଲ ଅଛନ୍ତି ।"