Delhi ACB Action / ଦିଲ୍ଲୀ ଜଳ ବୋର୍ଡ ଟେଣ୍ଡର ଦୁର୍ନୀତି ମାମଲାରେ ପୂର୍ବତନ ମନ୍ତ୍ରୀ ସତ୍ୟେନ୍ଦ୍ର ଜୈନ ଗିରଫ

AAP leader Satyendar Jain arrested by ACB: ଆମ ଆଦମୀ ପାର୍ଟି ନେତା ଏବଂ ତଥା ପୂର୍ବତନ ମନ୍ତ୍ରୀ ସତ୍ୟେନ୍ଦ୍ର ଜୈନଙ୍କ ବିରୋଧରେ ଏକ ବଡ଼ କାର୍ଯ୍ୟାନୁଷ୍ଠାନ ନିଆଯାଇଛି। ଦିଲ୍ଲୀ ଜଳ ବୋର୍ଡ଼ ଏସଟିପି ଟେଣ୍ଡର (Delhi Jal Board STP Tender) ରେ ଅନିୟମିତତା ଏବଂ ଦୁର୍ନୀତି ଅଭିଯୋଗରେ ଦିଲ୍ଲୀ ସରକାରଙ୍କ ଦୁର୍ନୀତି ନିବାରଣ ଶାଖା (ACB) ପୂର୍ବତନ ମନ୍ତ୍ରୀ ସତ୍ୟେନ୍ଦ୍ର ଜୈନଙ୍କୁ ଗିରଫ କରିଛି। ଏହି ମାମଲାରେ ଜୈନଙ୍କ ସହିତ ଅନ୍ୟ ୬ ଜଣଙ୍କୁ ଗିରଫ କରାଯାଇ ସାରିଛି।

ମନ୍ତ୍ରୀଙ୍କ ପୂର୍ବରୁ ଗିରଫ ହଇ ସାରିଛନ୍ତି ୬ ଅଭିଯୁକ୍ତ
ଦିଲ୍ଲୀ ସରକାରଙ୍କ ଦୁର୍ନୀତି ନିବାରଣ ଶାଖା, ପୂର୍ବତନ ଜଳ ମନ୍ତ୍ରୀ ସତ୍ୟେନ୍ଦ୍ର କୁମାର ଜୈନ, ପୂର୍ବତନ DJB CEO ଏବଂ IAS ଅଧିକାରୀ ଉଦିତ ପ୍ରକାଶ ରାୟ, ପୂର୍ବତନ ପରାମର୍ଶଦାତା ଅଙ୍କିତ ଶ୍ରୀବାସ୍ତବ, AN ଏଣ୍ଟରପ୍ରାଇଜେସ୍ ମାଲିକ ନାଗେନ୍ଦ୍ର ଯାଦବ, ୟୁରୋଟେକ୍ ଇଭାୟରର୍ଣ୍ଣନମେଣ୍ଟ୍ ପ୍ରାଇଭେଟ୍ ଲିମିଟେଡ୍ (Euroteck Environment Pvt. Ltd.) ମାଲିକ ରାଜା କୁମାର କୁରା ଏବଂ "ଶ୍ରୀଜାନହାର" (Srijanhar) ମାଲିକ ପଙ୍କଜ ବର୍ମାଙ୍କୁ ଗିରଫ କରିସାରିଛି।

ଅଭିଯୋଗ ହୋଇଛି ଯେ ଏକ ନିର୍ଦ୍ଦିଷ୍ଟ ପ୍ରଯୁକ୍ତିବିଦ୍ୟା ଏବଂ ଏକ ଘରୋଇ କମ୍ପାନୀ ଲାଗି ଅନୁକମ୍ପା ଦେବା ପାଇଁ ଦିଲ୍ଲୀ ଜଳ ବୋର୍ଡ ସ୍ୱେରେଜ୍ ଟ୍ରିଟମେଣ୍ଟ ପ୍ଲାଣ୍ଟ (Delhi Jal Board Sewage Treatment Plant Projects) ଟେଣ୍ଡର ପାଇଁ ହୋଇଥିବା ସର୍ତ୍ତାବଳୀକୁ ହେରଫେର କରାଯାଇଥିଲା। ତଦନ୍ତରେ ପ୍ରତିବନ୍ଧକାତ୍ମକ ବୈଷୟିକ ସର୍ତ୍ତାବଳୀ ଲାଗୁ କରି, ପାଇଲଟ୍ ଅଧ୍ୟୟନ ନକରି ଏବଂ ଟେଣ୍ଡର ସର୍ତ୍ତାବଳୀ ପରିବର୍ତ୍ତନ କରି ସରକାରୀ ରାଜକୋଷ ଉପରେ ଆର୍ଥିକ ପ୍ରଭାବ ପକାଇଥିବା କଥା ପ୍ରକାଶ ପାଇଛି।

ଏହା ସହ ପଢନ୍ତୁ: ଇଡ଼ି ପଞ୍ଝାରେ ପଞ୍ଜାବ ସରକାରଙ୍କ ମନ୍ତ୍ରୀ ସଞ୍ଜୀବ ଅରୋରା; ପୂର୍ବରୁ ବାସଭନବରେ ହୋଇଥିଲା ଚଢାଉ

କ'ଣ ରହିଛି ACB ଅଭିଯୋଗ
ଦିଲ୍ଲୀ ଦୁର୍ନୀତି ନିବାରଣ ଶାଖା (Anti Corruption Branch Delhi) କହିବା ଅନୁଯାୟୀ, ତଦନ୍ତରେ ଘରୋଇ କମ୍ପାନୀ, ମଧ୍ୟସ୍ଥି ଏବଂ ସରକାରୀ ଅଧିକାରୀଙ୍କ ମଧ୍ୟରେ କଥିତ ସହଯୋଗର ପ୍ରମାଣ ମଧ୍ୟ ଉନ୍ମୋଚିତ ହୋଇଛି। ସବୁଠାରୁ ଗୁରୁତ୍ୱପୂର୍ଣ୍ଣ ଅଭିଯୋଗ ହେଉଛି ଯେ ପ୍ରାୟ ୧.୫୨ କୋଟି ଟଙ୍କାର ଲାଞ୍ଚ AN ଏଣ୍ଟରପ୍ରାଇଜେସ୍ ମାଧ୍ୟମରେ ତତ୍କାଳୀନ DJB ସିଇଓ ଉଦିତ ପ୍ରକାଶ ରାୟ ଏବଂ ତାଙ୍କ ସମ୍ପର୍କୀୟଙ୍କ ବ୍ୟାଙ୍କ ଖାତାକୁ ସ୍ଥାନାନ୍ତର କରାଯାଇଥିଲା।

ତଦନ୍ତକାରୀ ସଂସ୍ଥା ଅନୁଯାୟୀ, ଏହି ଟଙ୍କାକୁ ସମ୍ପତ୍ତି କ୍ରୟ ପାଇଁ ବ୍ୟବହୃତ କରାଯାଇଥିଲା ବୋଲି ଅଭିଯୋଗ ହୋଇଛି। ACB କହିଛି ଯେ ଇଲେକ୍ଟ୍ରୋନିକ୍ ପ୍ରମାଣ ଏବଂ ଆର୍ଥିକ କାରବାରର ତଦନ୍ତରୁ ଟେଣ୍ଡର ପ୍ରକ୍ରିୟାକୁ ପ୍ରଭାବିତ କରିବା ପାଇଁ ଏକ କଥିତ ଷଡ଼ଯନ୍ତ୍ର ପ୍ରକାଶ ପାଇଛି। ସମସ୍ତ ୬ ଜଣ ଅଭିଯୁକ୍ତଙ୍କୁ ମଙ୍ଗଳବାର (ଅଗଷ୍ଟ ୧୮) ଗିରଫ କରାଯାଇଥିଲା। ଏହି ମାମଲାରେ ଅଧିକ ତଦନ୍ତ ଜାରି ରହିଛି।

ACB ଅନୁଯାୟୀ, ଦିଲ୍ଲୀ ଜଳ ବୋର୍ଡର STP ଟେଣ୍ଡରର ସର୍ତ୍ତାବଳୀକୁ ଏକ ନିର୍ଦ୍ଦିଷ୍ଟ ପ୍ରଯୁକ୍ତିବିଦ୍ୟା ଏବଂ କିଛି ଘରୋଇ କମ୍ପାନୀକୁ ସମର୍ଥନ କରିବା ପାଇଁ ହେରଫେର କରାଯାଇଥିଲା ବୋଲି ଅଭିଯୋଗ ହୋଇଛି। ତଦନ୍ତକାରୀ ସଂସ୍ଥା ଦାବି କରିଛି ଯେ ପାଇଲଟ୍ ଅଧ୍ୟୟନ ନକରି ଟେଣ୍ଡର ସର୍ତ୍ତାବଳୀ ପରିବର୍ତ୍ତନ କରାଯାଇଥିଲା। ଯାହା ଫଳରେ ସରକାରୀ ରାଜକୋଷକୁ ବହୁତ କ୍ଷତି ହୋଇଥିଲା। ଇଲେକ୍ଟ୍ରୋନିକ୍ ପ୍ରମାଣ ଏବଂ ଆର୍ଥିକ କାରବାର ଆଧାରରେ, ACB ଘରୋଇ କମ୍ପାନୀ, ମଧ୍ୟସ୍ଥି ଏବଂ ବରିଷ୍ଠ ଅଧିକାରୀଙ୍କ ମଧ୍ୟରେ ହୋଇଥିବା ବେଆଇନ କାରବାର ସମ୍ପର୍କରେ ପର୍ଦ୍ଦାଫାସ କରିଛି।