Trisha Krishnan / ଷ୍ଟାଲିନଙ୍କ ଅଶ୍ଳୀଳ କମେଣ୍ଟକୁ ନେଇ ରାଗିଗଲେ ସାଉଥ୍ ସେଲିବ୍ରିଟି, କହିଲେ ତୁରନ୍ତ କ୍ଷମା ମାଗ..

ଚେନ୍ନାଇ: ତାମିଲନାଡୁ ରାଜନୀତିରେ ଏବେ ବଡ଼ ଭୂମିକମ୍ପ ସୃଷ୍ଟି ହୋଇଛି । ବିରୋଧୀ ଦଳ ନେତା ଉଦୟନିଧି ଷ୍ଟାଲିନଙ୍କ ଅଭିନେତ୍ରୀ ତ୍ରିଶା କୃଷ୍ଣନଙ୍କ ବିରୁଦ୍ଧରେ ଅଭଦ୍ର ଟିପ୍ପଣୀ ଚାରିଆଡ଼େ ଚହଳ ସୃଷ୍ଟି କରିଛି । ଅନେକ ସାଉଥ୍ ଫିଲ୍ମ ଇଣ୍ଡଷ୍ଟ୍ରିର ଅଭିନେତ୍ରୀ ଷ୍ଟାଲିନଙ୍କ ବୟାନକୁ କଡ଼ା ନିନ୍ଦା କରିଛନ୍ତି । ମହିଳାଙ୍କ ବିରୁଦ୍ଧରେ ଏପରି ଅଭଦ୍ର ଟିପ୍ପଣୀକୁ ସେମାନେ ନାପସନ୍ଦ କରିବା ସହ ତୁରନ୍ତ ତ୍ରିଶାଙ୍କୁ କ୍ଷମା ମାଗିବାକୁ ଦାବି କରିଛନ୍ତି ।

ବିଶେଷ କରି ଦକ୍ଷିଣ ସିନେ ଜଗତର ଜଣାଶୁଣା ସିଙ୍ଗର ଚିନ୍ମୟୀ ଶ୍ରୀପଦା ଓ ଅଭିନେତ୍ରୀ ଖୁଶବୁ ସୁନ୍ଦର ଏହି ଘଟଣାରେ ତ୍ରିଶାଙ୍କ ସପକ୍ଷରେ ବାହାରିଛନ୍ତି । ଚିନ୍ମୟୀ କହିଛନ୍ତି ଯେ ରାଜନୀତିରେ ମହିଳାଙ୍କୁ ଟାଣିବା ଉଚିତ ନୁହେଁ । ନିଜ ଏକ୍ସ ପୋଷ୍ଟରେ ଚିନ୍ମୟୀ କହିଛନ୍ତି ଯେ ନେତାମାନଙ୍କୁ ଜନତାଙ୍କ ପ୍ରକୃତ ମୁଦ୍ଦା ଉପରେ କଥା ହେବା ଦରକାର । ବରଂ ଏଠି ମହିଳାଙ୍କୁ ଟାର୍ଗେଟ୍ କରାଯାଉଛି, ଯାହାର ରାଜନୀତି ସହିତ କୌଣସି ସମ୍ପର୍କ ହିଁ ନାହିଁ । ସେ ପ୍ରଥମେ ଷ୍ଟାଲିନଙ୍କ ଟିପ୍ପଣୀକୁ ବୁଝିପାରିନଥିଲେ ପରେ ସେ ଦ୍ଵିଅର୍ଥବୋଧକ ଅଭଦ୍ର ଟିପ୍ପଣୀ ଦେଇଥିବା ସେ ଜାଣିବାକୁ ପାଇଥିଲେ ବୋଲି କହିଛନ୍ତି ।

• ଖୁଶବୁ ସୁନ୍ଦର ବି କଲେ ନିନ୍ଦା

ବିଜେପି ନେତ୍ରୀ ତଥା ଅଭିନେତ୍ରୀ ଖୁଶବୁ ସୁନ୍ଦର ମଧ୍ୟ ଉଦୟନିଧିଙ୍କ ବୟାନକୁ କଡ଼ା ନିନ୍ଦା କରିଛନ୍ତି । ସେ ଏହାକୁ ଅଭଦ୍ର ଓ ଅପମାନଜନକ ବୋଲି କହିଛନ୍ତି । ସେ କହିଛନ୍ତି, "ଏପରି ଭାଷାକୁ ଯଦି ସାଧାରଣ ଢଙ୍ଗରେ ନିଆଯାଏ, ତେବେ ଆମ ପରିବାରର ମହିଳା ସୁରକ୍ଷିତ ରହିବେ ନାହିଁ । ସାର୍ବଜନୀନ ସ୍ଥାନରେ ନିଜ ଭାଷା ଉପରେ ସଂଯମତା ରକ୍ଷା କରିବା ଉଚିତ । ମହିଳାଙ୍କୁ ସମ୍ମାନ କରିବା ଦରକାର, ରାଜନୀତିରେ ସେମାନଙ୍କୁ ମୁଦ୍ଦା କରିବା ଅନୁଚିତ୍ । ଉଦୟନିଧି ଷ୍ଟାଲିନ ତୁରନ୍ତ ଅଭିନେତ୍ରୀ ତ୍ରିଶାଙ୍କୁ କ୍ଷମା ମାଗନ୍ତୁ ।"

ପଢନ୍ତୁ ଏହି ଖବର: "ମୁଁ ରାକ୍ଷସ ପାଲଟିଯାଇଥିଲି, ବହୁତି ପିଉଥିଲି"; କାନ୍ଦିଲେ ରାମ କପୁର, କହିଲେ ମରିଯାଇଥାନ୍ତେ

• କଣ ପୂରା ଘଟଣା ?

ତଞ୍ଜାବୁରରେ ଡିଏମକେ ପକ୍ଷରୁ କାବେରୀ ଜଳ ବିବାଦକୁ ନେଇ ବିରୋଧ ପ୍ରଦର୍ଶନ କରାଯାଇଥିଲା, ଯାହାର ଭିଡିଓ ପରବର୍ତ୍ତୀ ସମୟରେ ବେଶ ଭାଇରାଲ ହୋଇଥିଲା । ଏଥିରେ ଷ୍ଟାଲିନ୍ କାବେରୀ ନଦୀ ବିବାଦରେ ମୁଖ୍ୟମନ୍ତ୍ରୀ ଜୋସେଫ ବିଜୟଙ୍କୁ ଘେରିଥିଲେ । ସେତେବେଳେ ଭିଡ଼ ଭିତରେ କିଛି ଲୋକ 'ତ୍ରିଶା ତ୍ରିଶା' ବୋଲି ନାରା ଦେଇଥିଲେ । ତ୍ରିଶାଙ୍କ ନାଁ ଶୁଣି ଷ୍ଟାଲିନ ପ୍ରଥମେ ହସିଥିଲେ ଓ ଏହାପରେ ଅଶ୍ଳୀଳ ଟିପ୍ପଣୀ ଦେଇଥିଲେ । ପରବର୍ତ୍ତୀ ସମୟରେ ସେ କାବେରୀ ଜଳ ବିବାଦକୁ ନେଇ କହିଥିଲେ ବୋଲି ସଫେଇ ଦେଇଥିଲେ । ଏହି ଘଟଣାରେ ତାଙ୍କୁ ଘରୁ ଉଠାଇ ନେଇଛି ତାମିଲନାଡୁ ପୋଲିସ ।