ବିଜେଡିରେ ସାମିଲ ହେଲେ ପାଣ୍ଡିଆନଙ୍କ ପତ୍ନୀ ସୁଜାତା କାର୍ତ୍ତିକେୟନ । ଶଙ୍ଖ ଭବନରେ ସ୍ବତନ୍ତ୍ର କାର୍ଯ୍ୟକ୍ରମରେ ବିଜେଡିରେ ମିଶିଛନ୍ତି ସୁଜାତା । ନବୀନ ପଟ୍ଟନାୟକଙ୍କ ଉପସ୍ଥିତିରେ ବିଧିବଦ୍ଧ ଭାବେ ଶଙ୍ଖ ଧରିଛନ୍ତି ସୁଜାତା । ସେ ଆଜି ପ୍ରଥମେ ନବୀନ ନିବାସ ଯାଇ ଦଳୀୟ ମୁଖ୍ୟଙ୍କୁ ଭେଟିବା ପରେ ଶଙ୍ଖ ଭବନରେ ପହଞ୍ଚିଥିଲେ ଏବଂ ସେଠାରେ ଦଳୀୟ ଚିହ୍ନ ଧରି ବିଜେଡିର ସଦସ୍ୟତା ଗ୍ରହଣ କରିଛନ୍ତି ।

ଅଧିକ ପଢ଼ନ୍ତୁ: ବିଜେଡିରେ ମିଶିଲେ ପାଣ୍ଡିଆନଙ୍କ ସ୍ତ୍ରୀ ସୁଜାତା

ତେବେ ସବୁଠୁ ଗୁରୁତ୍ବପୂର୍ଣ୍ଣ କଥା ହେଉଛି, ସୁଜାତାଙ୍କ ବିଜେଡିରେ ସାମିଲ ପାଇଁ ଶଙ୍ଖ ଭବନରେ ଏକ ଭବ୍ୟ ଓ ସ୍ବତନ୍ତ୍ର କାର୍ଯ୍ୟକ୍ରମ ହୋଇଥିଲା । କିନ୍ତୁ ଏହି ମିଶ୍ରଣ ପର୍ବକୁ ବହୁ ବରିଷ୍ଠ ବିଜେଡି ନେତା ଆସିନଥିଲେ । ଏମିତିକି ପୂର୍ବତନ ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ ମଧ୍ୟ ଅନୁପସ୍ଥିତ ରହିଥିଲେ । ଦିନେ ବିଜେଡି ଦଳର ଦ୍ବିତୀୟ କ୍ଷମତା କେନ୍ଦ୍ର ଥିବା ବବି ଦାସ ଏବେ ଦଳ ପାଇଁ ହେଲେ କି ଅଲୋଡା ? ଯାହାକୁ ନେଇ ବିଜେଡି ରାଜନୀତିରେ ଚର୍ଚ୍ଚା ବଢିଛି । ତେବେ କେବଳ ବବି ଦାସ ନୁହଁନ୍ତି ଏହାସହ ବରିଷ୍ଠ ନେତା ବଦ୍ରି ନାରାୟଣ ପାତ୍ର, ରଣେନ୍ଦ୍ର ପ୍ରତାପ ସ୍ବାଇଁ, ପ୍ରସନ୍ନ ଆଚାର୍ଯ୍ୟ, ବିକ୍ରମ ଆରୁଖ ଓ ଭୂପିନ୍ଦର ସିଂଙ୍କ ଭଳି ବରିଷ୍ଠ ନେତା ଏହି ମିଶ୍ରଣ ପର୍ବରୁ ଆସିଥିଲେ । ତେବେ ଦଳ କହିଛି କାହାର କ'ଣ ବ୍ୟକ୍ତିଗତ କାର୍ଯ୍ୟ ଥିବ ଆସିନଥିବୋ । ବବି ଦାସ ରାଜ୍ୟ ବାହାରେ ଥିବା କଥା କହିଛନ୍ତି ପ୍ରତାପ ଜେନା ।

ସେପଟେ ମିଶ୍ରଣ ପର୍ବକୁ ନେଇ ବରିଷ୍ଠ ବିଜେଡି ନେତା ଭୂପିନ୍ଦର ସିଂ କହିଛନ୍ତି, ମୋତେ କେହି ଡାକି ନାହାନ୍ତି, ଏ ନେଇ ମୁଁ କିଛି ବି ଜାଣିନି । ଆଗାମୀ ଦିନରେ ଦଳର ଲାଭ ହେବ କି କ୍ଷତି ହେବ ସମୟ କହିବ ବୋଲି ସେ କହିଛନ୍ତି । ଅନ୍ୟପକ୍ଷରେ ଏହି କାର୍ଯ୍ୟକ୍ରମରେ ବରିଷ୍ଠ ନେତାଙ୍କ ଅନୁପସ୍ଥିତିକୁ ନେଇ ନାନା ଚର୍ଚ୍ଚା ସୃଷ୍ଟି ହେଉଛି ।