ବିଜେଡିରେ ସାମିଲ ହେଲେ ଭିକେ ପାଣ୍ଡିଆନଙ୍କ ପତ୍ନୀ ସୁଜାତା କାର୍ତ୍ତିକେୟନ । ଶଙ୍ଖ ଭବନରେ ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କ ଉପସ୍ଥିତିରେ ବିଧିବଦ୍ଧ ଭାବେ ବିଜେଡିରେ ସାମିଲ ହୋଇଛନ୍ତି । କିଛି ସମୟ ପୂର୍ବରୁ ସୁଜାତା ଶଙ୍ଖ ଭବନରେ ପହଞ୍ଚିଥିଲେ । ଗତ କିଛି ଦିନ ହେବ ସୁଜାତା କାର୍ତ୍ତିକେୟନ ବିଜେଡିରେ ସାମିଲ ହେବେ ବୋଲି ବେଶ୍ ଚର୍ଚ୍ଚା ହେଉଥିଲା । ଆଉ ଏହି ସମସ୍ତ କଳ୍ପନା ଜଳ୍ପନାର ଅନ୍ତ ଘଟାଇ ଆଜି ବିଜେଡିରେ ସାମିଲ ହୋଇଛନ୍ତି ସୁଜାତା ।

ଅଧିକ ପଢ଼ନ୍ତୁ: ଶଙ୍ଖ ଭବନରେ ପହଞ୍ଚିଲେ ସୁଜାତା, ଆଉ କିଛି ସମୟ ପରେ ମିଶିବେ ବିଜେଡିରେ

ସେପଟେ ବିଜେଡିରେ ସୁଜାତା ମିଶିବା ପରେ ତାଙ୍କୁ ସ୍ବାଗତ କରିଛନ୍ତି ବିଜେଡି ସୁପ୍ରିମୋ ନବୀନ ପଟ୍ଟନାୟକ । ସୁଜାତା ଜଣେ ସାଧାରଣ କର୍ମୀ ଭାବେ ଦଳରେ ମିଶିଲେ ବୋଲି ସେ କହିଛନ୍ତି । ସେହିପରି ଦଳର ନେତୃତ୍ବ ନେଇ ନବୀନ ବଡ଼ ବୟାନ ଦେଇଛନ୍ତି । ନବୀନ କହିଛନ୍ତି, ମୋ ନେତୃତ୍ବରେ ହିଁ ବିଜେଡି ପରବର୍ତ୍ତୀ ନିର୍ବାଚନ ଲଢ଼ିବ ।