SP vs Congress cold war for UP mission 2027: ୨୦୨୭ ଉତ୍ତର ପ୍ରଦେଶ ବିଧାନସଭା ନିର୍ବାଚନ ପାଇଁ ଆଉ ଗୋଟିଏ ବର୍ଷରୁ କମ୍ ସମୟ ବାକି ରହିଛି। ଏପରିକି ଏହି ନିର୍ବାଚନ ଆଗୁଆ ହେବା ନେଇ ଚର୍ଚ୍ଚା ଆରମ୍ଭ ହୋଇଯାଇଛି। ନିର୍ବାଚନ ପାଖେଇ ଆସୁଥିବାରୁ ବିଭିନ୍ନ ଦଳ ସେମାନଙ୍କର ପ୍ରସ୍ତୁତିକୁ ଜୋରଦାର କରିବାରେ ଲାଗିଛନ୍ତି। ଅନ୍ୟପଟେ ଆସନ ଭାଗବଣ୍ଟାକୁ ନେଇ ବିବାଦ ମଧ୍ୟ ଆରମ୍ଭ ହେଉଛି। ବିରୋଧି ମେଣ୍ଟରେ କଂଗ୍ରେସ ପକ୍ଷରୁ ଉଠାଯାଇଥିବା ଦାବି ଏବେ ଚିନ୍ତାର କାରଣ ହେଉଛି। ନବନିଯୁକ୍ତ ଉତ୍ତର ପ୍ରଦେଶ କଂଗ୍ରେସ ପ୍ରଭାରୀ ରାଜେନ୍ଦ୍ର ପାଲ ଗୌତମ ଆସନ ଭାଗବଣ୍ଟା ବରାବର କରିବାକୁ ନେଇ କହି ସାରିଛନ୍ତି। ଯାହା ସମାଜବାଦୀ ପାର୍ଟି (ସପା) ଉପରେ ଚାପ ବଢାଇବାରେ ଲାଗିଛି। କଂଗ୍ରେସ ପ୍ରଭାରୀ ଦଳ ପାଇଁ ସିଟ୍ ବୁଝମଣାକୁ ନେଇ ଏକ ଦୃଢ଼ ଦାବି ଉପସ୍ଥାପନ କରିଛନ୍ତି। ଗତ ୨୦୧୭ ନିର୍ବାଚନରେ ସପା, କଂଗ୍ରେସ ସହ ମେଣ୍ଟ କରିବା ସତ୍ତ୍ୱେ ଶୋଚନୀୟ ପରାଜୟ ବରଣ କରିଥିଲା। ସେତେବେଳେ ସପା, କଂଗ୍ରେସ ଲାଗି ୧୦୦ ଆସନ ଛାଡ଼ିଥିଲା। ହେଲେ ୨୦୧୭ ଲଢେଇରେ କଂଗ୍ରେସ କେବଳ ୭ ଆସନ ଜିତିଥିଲା। ୨୦୧୭ ନିର୍ବାଚନ ଝଟକାକୁ ଦେଖି ସପା, କଂଗ୍ରେସ ଦ୍ୱାରା ଉଠା ଯାଉଥିବା ଗ୍ରହଣ କରାଯିବାର ସମ୍ଭାବନା କମ୍ ରହିଛି।

ଭଭୟ ଦଳ ମଧ୍ୟରେ ଟଣାଓଟରା କେଉଁଠି ଶେଷ ହେବ ଏବଂ ଏସପି-କଂଗ୍ରେସ କେତେ ଆସନରେ ପ୍ରତିଦ୍ୱନ୍ଦ୍ୱିତା କରିବ ତାହା ଦେଖିବାକୁ ବାକି ରହିଲା। ଚାପ ବୃଦ୍ଧି କରିବା ପାଇଁ, କଂଗ୍ରେସ ଏହା ମଧ୍ୟ କହିଛି ଯେ, ଦଳୀୟ ନେତୃବୃନ୍ଦ ମାୟାବତୀଙ୍କୁ ସମ୍ମାନ କରେ ଏବଂ ବହୁଜନ ସମାଜ ପାର୍ଟି (ବିଏସପି) ସହ ଆଲୋଚନା କରିବା ପାଇଁ ଦ୍ୱାର ଖୋଲା ରହିଛି। ରିପୋର୍ଟ ଅନୁସାରେ କଂଗ୍ରେସ ରାଜ୍ୟରେ ୧୫୦ ଆସନରେ ପ୍ରତିଦ୍ୱନ୍ଦ୍ୱିତା କରିବା ପାଇଁ ଦାବି କରିପାରେ। ଅନ୍ୟପକ୍ଷରେ ଏସପି କହିସାରିଛି ଯେ କଂଗ୍ରେସ ଲାଗି ୭୦-୮୦ ରୁ ଅଧିକ ଆସନ ଛାଡ଼ିବାକୁ ପ୍ରସ୍ତୁତ ନାହିଁ। ସ୍ପଷ୍ଟ ଭାବରେ କହିବାକୁ ଗଲେ ୨୦୨୭ ବିଧାନସଭା ନିର୍ବାଚନ ପାଇଁ ସପା-କଂଗ୍ରେସ ମଧ୍ୟରେ ଆସନ ଭାଗବଣ୍ଟ ଏତେ ସହଜ ହେବ ନାହିଁ। କାରଣ ସପା ଅଧ୍ୟକ୍ଷ ଖିଳେଶ ଯାଦବ ନିଶ୍ଚିତ ଭାବରେ ଚାହିଁବେ ଯେ ତାଙ୍କ ଦଳ ଯଥାସମ୍ଭବ ଅଧିକ ଅଧିକ ଆସନରେ ଲଢ଼େଇ କରୁ। ହେଲେ କଂଗ୍ରେସ ଠାରୁ ଦଳକୁ ଦୂରେଇ ରଖିବାର କ୍ଷତି ମଧ୍ୟ ତାଙ୍କୁ ସହିବାକୁ ପଡ଼ିବାର ଆଶଙ୍କା ରହିଛି। ଏହାର ସମାଧାନ ଖୋଜିବା ତାଙ୍କ ପାଇଁ କଷ୍ଟକର ହୋଇପାରେ।

ଏହା ସହିତ ପଢନ୍ତୁ: '୨୦୪୭ ପର୍ଯ୍ୟନ୍ତ ୟୁପିରେ କ୍ଷମତାକୁ ଫେରିବ ନାହିଁ ସପା'

କୁହାଯାଉଛି କଂଗ୍ରେସ ଚାପ ପ୍ରୟୋଗ କରିବା ପାଇଁ ବରାବର ଆସନ ବାଣ୍ଟିବାକୁ ପ୍ରସ୍ତାବ ଦେଇଛି। ହେଲେ ଏହା ଦେଖିବାକୁ ବାକି ରହିଲା ଯେ ଦଳ ୨୦୦ ବଦଳରେ କିପରି ୭୦-୮୦ ଆସନରେ ପ୍ରତିଦ୍ୱନ୍ଦ୍ୱିତା କରୁଛି। ୨୦୨୭ ଲୋକସଭା ନିର୍ବାଚନରେ କଂଗ୍ରେସ ଉତ୍ତର ପ୍ରଦେଶରେ ୬ ଆସନ ଜିତିଥିଲା। ଏହି କାରଣରୁ ଦଳ ଏହାର ଷ୍ଟ୍ରାଇକ୍ ରେଟ୍ ହାରରେ ଅଧିକ ଆସନ ଚାହୁଁଛି। ଏହା ବ୍ୟତୀତ ଗୋଟିଏ ପଟେ ସପା ଲାଗି କଂଗ୍ରେସ ଆବଶ୍ୟକ, ଆଉ ଅନ୍ୟପଟେ ରାହୁଲ ଗାନ୍ଧୀ ଏବଂ ଦଳକୁ ମଧ୍ୟ ସମାଜବାଦୀ ପାର୍ଟି ସମର୍ଥନ ଆବଶ୍ୟକ। କାରଣ କଂଗ୍ରେସ ଗତ ୨୦୨୨ ଉତ୍ତର ପ୍ରଦେଶ ବିଧାନସଭା ନିର୍ବାଚନରେ ଏକାକୀ ଲଢ଼ି ନିଜର ସାମର୍ଥ୍ୟ ଦେଖିସାରିଛି। ଦଳକୁ ସେହି ନିର୍ଚାଚନରେ ରାଜ୍ୟର ମୋଟ ୪୦୩ ଆସନରୁ ୨ ସିଟ୍ ମିଳିଥିଲା।

କଂଗ୍ରେସ-ସପା ଉଭୟ ଏକାକୀ ଲଢ଼ି ଦେଖିସାରିଛନ୍ତି ନିଜର ସାମର୍ଥ୍ୟ
ଏହା ପରେ ଯେତେବେଳେ ଦୁଇ ଦଳ ଲୋକସଭା ନିର୍ବାଚନ ପାଇଁ ଏକାଠି ହୋଇଥିଲେ, ସେତେବେଳେ କଂଗ୍ରେସ ୬ ଲୋକସଭା ଆସନ ଜିତିଥିଲା। କଂଗ୍ରେସ ଏହା ମଧ୍ୟ ଅନୁଭବ କରିସାରିଛି ଯେ ବର୍ତ୍ତମାନ ଉତ୍ତର ପ୍ରଦେଶରେ ଏକାକୀ ଜିତିବା ସ୍ଥିତିରେ ନାହିଁ। ଅନ୍ୟପଟେ ସପା, ୨୦୧୯ ଲୋକସଭା ଏବଂ ୨୦୨୨ ବିଧାନସଭା ନିର୍ବାଚନରେ ​​ମଧ୍ୟ ପରାଜୟ ବରଣ କରିଛି। କଂଗ୍ରେସ ପାଇଁ ବର୍ତ୍ତମାନ ଏସପି ସମର୍ଥନ ଆବଶ୍ୟକ, ଅନ୍ୟପକ୍ଷରେ ଦେଶର ସବୁଠାରୁ ପୁରୁଣା ଦଳ ଅଖିଳେଶ ଯାଦବଙ୍କ ପାଇଁ ଏକ ନିର୍ବାଚନୀ ଆବଶ୍ୟକତା ହୋଇପଡ଼ିଛି।