ପଶ୍ଚିମହଙ୍ଗରୁ ଦିଦି ବିଦା ହେବା ପରେ କିଏ ହେବେ ବିଜେପି ମୁଖ୍ୟମନ୍ତ୍ରୀ ତାକୁ ନେଇ ବଢ଼ିଛି ଉତ୍କଣ୍ଠା । ଏହାରି ଭିତରେ ବିଜେପି ବିଧାୟକ ଦଳ ନେତା ନିର୍ବାଚନ କରିବାକୁ ଓ ମୁଖ୍ୟମନ୍ତ୍ରୀ ଚେହେରା ବାଛିବାକୁ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କୁ ପର୍ଯ୍ୟବେକ୍ଷକ ଏବଂ ଓଡ଼ିଶା ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କୁ ସହ-ପର୍ଯ୍ୟବେକ୍ଷକ ଭାବେ ନିଯୁକ୍ତ କରିଛି ବିଜେପି ସଂସଦୀୟ ବୋର୍ଡ । ସେପଟେ ଆଗାମୀ ୯ ତାରିଖରେ ବଙ୍ଗରେ ନୂଆ ସରକାର ଶପଥ ଗ୍ରହଣ କରିବାକୁ ଥିବାରୁ ଆଜି ପଶ୍ଚିମବଙ୍ଗରେ ପହଞ୍ଚିଛନ୍ତି ଅମିତ ଶାହ । ଆଜି ପଶ୍ଚିମବଙ୍ଗର ନୂଆ ମୁଖ୍ୟମନ୍ତ୍ରୀଙ୍କ ନାମ ଘୋଷଣା କରିପାରନ୍ତି ଶାହ ।

• ଅପରାହ୍ନ ୩ଟାରେ ବସିବ ବୈଠକ

ଆଜି ଅପରାହ୍ନ ୩ଟାରେ ବିଜେପିର ନବନିର୍ବାଚିତ ବିଧାୟକମାନଙ୍କର ଏକ ବୈଠକ ହେବ । ବିଧାୟକ ଦଳ ବୈଠକରେ ମୁଖ୍ୟମନ୍ତ୍ରୀ ପଦ ପାଇଁ ଚେହେରା ବାଛିବେ । କୋଲକାତାର ପରେଡ ଗ୍ରାଉଣ୍ଡରେ ଏକ ମହାନ ଶପଥ ଗ୍ରହଣ ସମାରୋହ ପାଇଁ ପ୍ରସ୍ତୁତି କରାଯାଇଛି । ରାଜନୈତିକ ହିଂସାର ଶିକାର ହୋଇଥିବା ସମସ୍ତ କର୍ମୀଙ୍କ ପରିବାରକୁ ଶପଥ ଗ୍ରହଣ ସମାରୋହକୁ ନିମନ୍ତ୍ରଣ କରାଯିବ ଏବଂ ସେମାନଙ୍କର କଟଆଉଟ୍ ମଧ୍ୟ ଲଗାଯିବ ବୋଲି ସୂଚନା ମିଳିଛି । କୋଲକାତାରେ ପହଞ୍ଚିବା ପରେ, ଶାହଙ୍କୁ ଶୁଭେନ୍ଦୁ ଅଧିକାରୀ ଏବଂ ବିଜେପି କର୍ମୀମାନେ ସ୍ୱାଗତ କରିଥିଲେ । ଏହାପରେ ଶାହ ଦକ୍ଷିଣେଶ୍ୱର କାଳୀ ମନ୍ଦିର ପରିଦର୍ଶନ କରି ଦେବୀ କାଳୀଙ୍କୁ ପ୍ରାର୍ଥନା କରିଛନ୍ତି ।

• ଶାହଙ୍କୁ 'ଆଧୁନିକ ଯୁଗର ଚାଣକ୍ୟ' କହିଲେ ଶୁଭେନ୍ଦୁ

ଅମିତ ଶାହ କୋଲକାତାରେ ପହଞ୍ଚିବା ପରେ ତାଙ୍କୁ ସ୍ଵାଗତ କରି ବରିଷ୍ଠ ବିଜେପି ନେତା ଶୁଭେନ୍ଦୁ ଅଧିକାରୀ Xରେ ଏକ ଟ୍ୱିଟ୍ କରି କହିଛନ୍ତି, "କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କୁ କୋଲକାତାରେ ହାର୍ଦ୍ଦିକ ସ୍ୱାଗତ ଏବଂ ଅଭିନନ୍ଦନ । ଡକ୍ଟର ଶ୍ୟାମା ପ୍ରସାଦ ମୁଖାର୍ଜୀଙ୍କ ଐତିହାସିକ ଚିନ୍ତାଧାରାର ବିଶାଳ ବିଜୟ ପରେ ଏହା ପ୍ରଥମ ଥର ଯେ 'ଆଧୁନିକ ଯୁଗର ଚାଣକ୍ୟ' ପଶ୍ଚିମବଙ୍ଗର ପବିତ୍ର ଭୂମି ପରିଦର୍ଶନ କରୁଛନ୍ତି । ଆପଣଙ୍କ ରଣନୈତିକ ଦୃଷ୍ଟିକୋଣ ଏବଂ ଦୃଢ଼ ନେତୃତ୍ୱ ଏହି ଐତିହାସିକ ବିଜୟର ମୂଳଦୁଆ ହୋଇଛି ।"

Extended a Hearty Welcome to the Hon'ble Union Home Minister Shri @AmitShah Ji on his arrival at the Netaji Subhash Chandra Bose International Airport at Kolkata.

This is the first time 'The Modern Day Chanakya' is visiting the Pious Land of West Bengal following the resounding… pic.twitter.com/HEoz1ZNFbP

— Suvendu Adhikari (@SuvenduWB) May 8, 2026

• ପଶ୍ଚିମବଙ୍ଗ ପାଲଟିବ 'ସୁନାର ବଙ୍ଗଳା'

ଶୁଭେନ୍ଦୁ ଆହୁରି କହିଛନ୍ତି, "ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ମାର୍ଗଦର୍ଶନ ଏବଂ ଦୂରଦୃଷ୍ଟି ସମ୍ପନ୍ନ ନେତୃତ୍ୱରେ 'ସୋନାର ବଙ୍ଗଳା'ର ପୁନଃନିର୍ମାଣ ଏବଂ ବିକାଶର ଏକ ନୂତନ ଯୁଗକୁ ସ୍ୱାଗତ କରିବା ପାଇଁ ପଶ୍ଚିମବଙ୍ଗର ଲୋକେ ସମ୍ପୂର୍ଣ୍ଣ ପ୍ରସ୍ତୁତ । ପଶ୍ଚିମବଙ୍ଗରେ ଗେରୁଆ ଲହର ଖେଳିବା ପରେ ଲକ୍ଷ ଲକ୍ଷ ବିଜେପି କର୍ମୀ, କୋଟି କୋଟି ସମର୍ଥକ ଏବଂ ପଶ୍ଚିମବଙ୍ଗର ଲୋକେ ଆପଣଙ୍କ ପ୍ରେରଣାଦାୟକ ଭାଷଣ ଏବଂ ଅମୂଲ୍ୟ ମାର୍ଗଦର୍ଶନ ଶୁଣିବାକୁ ଉତ୍ସାହର ସହିତ ଅପେକ୍ଷା କରିଛନ୍ତି ।"

• ଶପଥ ଗ୍ରହଣ ଉତ୍ସବରେ ଯୋଗଦେବେ ମୋଦି

ବିଜେପି ମୁଖ୍ୟମନ୍ତ୍ରୀ ପଦ ପାଇଁ ଆନୁଷ୍ଠାନିକ ଭାବରେ କୌଣସି ନାଁ ଘୋଷଣା କରିନଥିଲେ ମଧ୍ୟ ଦୁଇଟି ରାଜନୈତିକ ଗୁରୁତ୍ୱପୂର୍ଣ୍ଣ ବିଜୟ ହାସଲ କରିବା ପରେ ଶୁଭେନ୍ଦୁଙ୍କୁ ଆଗୁଆ ପ୍ରାର୍ଥୀ ଭାବରେ ବିବେଚନା କରାଯାଉଛି । ଅଧିକାରୀ ନନ୍ଦିଗ୍ରାମ ଆସନ ବଜାୟ ରଖିଥିଲେ, ଯେଉଁଠାରେ ସେ ୨୦୨୧ରେ ବାନାର୍ଜୀଙ୍କୁ ପରାସ୍ତ କରିଥିଲେ ଏବଂ ବର୍ତ୍ତମାନ ଭବାନୀପୁର ଆସନ ଦଖଲ କରିଛନ୍ତି, ଯାହାକୁ ଦୀର୍ଘ ଦିନ ଧରି ତୃଣମୂଳ ସୁପ୍ରିମୋ ଦିଦିଙ୍କ ଗଡ଼ ଭାବରେ ବିବେଚନା କରାଯାଉଥିଲା ।

ପଢନ୍ତୁ ଏହି ଖବର: ବିଧାନସଭା ଭଙ୍ଗ କଲେ ରାଜ୍ୟପାଳ; ନିର୍ବାଚନ ହାରିବା ପରେ ଇସ୍ତଫା ଦେବାକୁ ମନା କରିଥିଲେ ମୁଖ୍ୟମନ୍ତ୍ରୀ

ପଶ୍ଚିମବଙ୍ଗରେ ବିଜେପି ପ୍ରଥମ ଥର ଲାଗି ସରକାର ଗଢିବାକୁ ଯାଉଥିବାରୁ ରାଜ୍ୟରେ ପ୍ରଥମ ବିଜେପି ସରକାରଙ୍କ ଶପଥ ଗ୍ରହଣ ସମାରୋହ ମେ ୯ ତାରିଖରେ ବ୍ରିଗେଡ ପରେଡ ଗ୍ରାଉଣ୍ଡରେ ଅନୁଷ୍ଠିତ ହେବ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, କେନ୍ଦ୍ର ଗୃହମନ୍ତ୍ରୀ ଅମିତ ଶାହ, ବିଜେପି ସଭାପତି ନୀତିନ ନବୀନ ଏବଂ ସମସ୍ତ NDA ଶାସିତ ରାଜ୍ୟର ମୁଖ୍ୟମନ୍ତ୍ରୀମାନେ ଯୋଗ ଦେବାର ସମ୍ଭାବନା ରହିଛି ।