CM Yogi reply to Akhilesh Yadav / ଅଖିଳେଶ ଯାଦବଙ୍କୁ ମୁଖ୍ୟମନ୍ତ୍ରୀ ଯୋଗୀଙ୍କ ପାଲଟା ଜବାବ; କହିଲେ ଅଯୋଧ୍ୟା ଲଢେଇ ଲାଗି ମୁଁ ପ୍ରସ୍ତୁତ

ଆଗାମୀ ୨୦୨୭ ଉତ୍ତର ପ୍ରଦେଶ ବିଧାନସଭା ନିର୍ବାଚନକୁ ନେଇ ସରଗରମ ହୋଇଉଠିଛି ରାଜ୍ୟ ରାଜନୀତି। ଏହି କ୍ରମରେ ବିଭିନ୍ନ ଦଳ ମଧ୍ୟରେ ବିଭିନ୍ନ ପ୍ରସଙ୍ଗକୁ ନେଇ ବୟାନବାଜି ତୀବ୍ର ହେବାରେ ଲାଗିଛି। ସର୍ବ ପ୍ରଥମେ ସମାଜବାଦୀ ପାର୍ଟି (ସପା) ମୁଖ୍ୟ ଅଖିଳେଶ ଯାଦବ, ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ଅଯୋଧ୍ୟାରୁ ନିର୍ବାଚନ ଲଢ଼ିବା ଏବଂ ଜିତିବା ପାଇଁ ଚ୍ୟାଲେଞ୍ଜ କରିଥିଲେ। ଆଫ ଏହାର ଜବାବ ଦେଇଛନ୍ତି ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ। ସେ ସପା ମୁଖିଆଙ୍କ ଚ୍ୟାଲେଞ୍ଜ୍ ଉପରେ ଜବାବ ଦେଇ କହିଛନ୍ତି, ଆପଣ ଅଯୋଧ୍ୟାରୁ ଆପଣଙ୍କର ନାମାଙ୍କନ ଦାଖଲ କରନ୍ତୁ। ମୁଁ ମଧ୍ୟ ମୋର ଭାଗ୍ୟ ସେଠାରେ ପରୀକ୍ଷା କରିବି।"

"ପିଡିଏ ଅର୍ଥ ଅନ୍ୟମାନଙ୍କର ଟଙ୍କା ଆମ ନିଜର।"
ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ, ସପା ପିଡିଏ ଫର୍ମୁଲା (Samajwadi Party PDA Formula) ଉପରେ ମଧ୍ୟ କଟାକ୍ଷ କରିଛନ୍ତି। ସେ କହିଛନ୍ତି, "ପିଡିଏ ଅର୍ଥ ଅନ୍ୟମାନଙ୍କର ଟଙ୍କା, ଆମର ନିଜର। ପିଡିଏ ଅର୍ଥ ପରିବାର ବିକାଶ ଦଳ।"

"ଆସ ଥରେ ଆମର ଭାଗ୍ୟ ପରୀକ୍ଷା କରିବା"
ଅଖିଳେଶ ଯାଦବଙ୍କ ଚ୍ୟାଲେଞ୍ଜ ଉପରେ ଜବାବ ଦେଇ ମୁଖ୍ୟମନ୍ତ୍ରୀ ଯୋଗୀ କହିଛନ୍ତି, "ସେ (ସପା ମୁଖିଆ) ମୋତେ ଅଯୋଧ୍ୟାରୁ ନିର୍ବାଚନ ଲଢ଼ିବାକୁ କହୁଛନ୍ତି। ଅଯୋଧ୍ୟା ହେଉଛି ଆମର ପବିତ୍ର ଭୂମି। ମୁଁ ଏଥିପାଇଁ ସେଠାକୁ ଯାଉଛି ଯାହା ଦ୍ୱାରା ସେଠାକାର (ଅଯୋଧ୍ୟା) ବିକାଶରେ କୌଣସି ଶିଥିଳତା ନଆସେ ଏବଂ ଉତ୍ତର ପ୍ରଦେଶର ପରିଚୟରେ କୌଣସି ଦାଗ ନ ଲାଗେ। ଯେଉଁମାନେ ଅଯୋଧ୍ୟାରେ କେବଳ ୩-୪ ଘଣ୍ଟା ପାଇଁ ବିଦ୍ୟୁତ ଯୋଗାଇ ଦେଉଥିଲେ, ଯେଉଁମାନେ ଅଯୋଧ୍ୟାକୁ ଅଳିଆ ଗଦାରେ ପରିଣତ କରିଥିଲେ, ଆଜି ସେମାନେ ଅଯୋଧ୍ୟା ରାମରାଜ୍ୟର ଉଦାହରଣ ହୋଇ ତ୍ରେତୟା ଯୁଗର କଥା ମନେ ପକାଉଛନ୍ତି।

ଏହା ସହ ପଢନ୍ତୁ: ବିଧାନସଭା ପୂର୍ବରୁ ରାଜ୍ୟସଭା-ବିଧାନ ପରିଷଦ ନିର୍ବାଚନକୁ ନେଇ ସରଗରମ ରାଜନୀତି; କିଏ ମାରିବ ବାଜି?

ମୁଁ ଆପଣଙ୍କୁ (ଅଖିଲେଶ ଯାଦବ) ଅଯୋଧ୍ୟାରୁ ଆପଣଙ୍କର ନାମାଙ୍କନ ଦାଖଲ କରିବାକୁ ପ୍ରସ୍ତାବ ଦେଉଛି। ମୁଁ ମଧ୍ୟ ଏଠାରୁ ମୋର ନାମାଙ୍କନ କରିବି। ଆସନ୍ତୁ ଥରେ ଆମର ଭାଗ୍ୟ ଏଠାରେ ପରୀକ୍ଷା କରିନେବା। ମୁଖ୍ୟମନ୍ତ୍ରୀ ଯୋଗୀ କହିଛନ୍ତି ଯେ ଆମର ଅଯୋଧ୍ୟାରେ ଆସ୍ଥା ରହିଛି। କିଛି ଲୋକ ରାମ ମନ୍ଦିର ଏବଂ କାଶୀ ବିଶ୍ୱନାଥ ଧାମ ବିକାଶରେ ବାଧା ସୃଷ୍ଟି କରୁଥିଲେ।

ଅଖିଳେଶ ଯାଦବ ଦେଇଥିଲେ ଚ୍ୟାଲେଞ୍ଜ
ଅଖିଳେଶ ଯାଦବ ଚଳିତ ସପ୍ତାହରେ ଅଯୋଧ୍ୟା ଗସ୍ତ କରିଥିଲେ। ସେ ସିଧାସଳଖ ମୁଖ୍ୟମନ୍ତ୍ରୀ ଯୋଗୀଙ୍କୁ ଚ୍ୟାଲେଞ୍ଜ କରି କହିଥିଲେ ଯେ ଯଦି ମୁଖ୍ୟମନ୍ତ୍ରୀ, ଯିଏ ବଡ଼ ବଡ଼ ଦାବି କରୁଛନ୍ତି, ସେ ଅଯୋଧ୍ୟାରୁ ନିର୍ବାଚନ ଲଢ଼ନ୍ତୁ। ହେଲେ ତଥାପି ଏହାର ପରଦିନ ସପା ମୁଖିଆ କହିଥିଲେ ଯେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଅଯୋଧ୍ୟାରୁ ବିଧାନସଭା ନିର୍ବାଚନ ଲଢ଼ିବା ସମ୍ପର୍କରେ ତାଙ୍କର ବୟାନ ରାଜନୈତିକ ପରାମର୍ଶ ଥିଲା, ଚ୍ୟାଲେଞ୍ଜ ନୁହେଁ। ସେ କହିଥିଲେ, "ଏହା ରାଜନୈତିକ ପରାମର୍ଶ ଥିଲା ଯେ ଯଦି ସେ ଅଯୋଧ୍ୟା ବିଷୟରେ ଏତେ ଆତ୍ମବିଶ୍ୱାସୀ, ତାହେଲେ ସେ ଏଠାରୁ ପରବର୍ତ୍ତୀ ନିର୍ବାଚନ ଲଢନ୍ତୁ।